ວຽກງານທີ່ປຶກສາທູດປ້ອງກັນຊາດ ປະກອບສ່ວນຍົກລະດັບຂອງຫວຽດນາມ ໃນເວທີສາກົນ
ກປ.ອອນໄລ - ວັນທີ 24 ມິຖຸນາ, ທີ່ກົມໃຫຍ່ II, ກະຊວງປ້ອງກັນປະເທດຫວຽດນາມ ໄດ້ດໍາເນີນກອງປະຊຸມທີ່ປຶກສາທູດປ້ອງກັນຊາດ ຄັ້ງທີ 20. ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ເຂົ້າຮ່ວມ ແລະກ່າວຄໍາເຫັນຊີ້ນໍາກອງປະຊຸມ.
ກອງປະຊຸມແນໃສ່ຕີລາຄາ, ສະຫຼຸບສັງລວມບັນດາໝາກຜົນທີ່ບັນລຸໄດ້ໃນການປະຕິບັດວຽກງານທີ່ປຶກສາທູດປ້ອງກັນຊາດ ໄລຍະ 2022-2024; ຖອດຖອນບົດຮຽນກ່ຽວກັບການຊີ້ນຳ, ນໍາພາ, ສົມທົບ ແລະຈັດຕັ້ງປະຕິບັດວຽກງານທີ່ກ່ຽວຂ້ອງ; ຊາບຊຶມແຜນນະໂຍບາຍ, ແນວທາງຂອງພັກກ່ຽວກັບການເຊື່ອມໂຍງເຂົ້າກັບສາກົນ ແລະການທູດປ້ອງກັນຊາດໃນສະພາບການໃໝ່.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/25/upload_2124/qtrang25062024_01.jpeg?dpi=150&quality=100&w=500) |
ທ່ານພົນເອກ ຟານວັນຢາງ ກ່າວຄໍາເຫັນທີ່ກອງປະຊຸມ. ພາບ: ມາຍຫງວຽນ. |
ກ່າວຄຳເຫັນທີ່ກອງປະຊຸມ, ທ່ານພົນເອກ ຟານວັນຢາງ ໄດ້ຮັບຮູ້ ແລະຕີລາຄາສູງວຽກງານຊີ້ນຳນຳພາຂອງຄະນະປະຈຳພັກ ກົມໃຫຍ່ II ໃນວຽກງານທີ່ປຶກສາທູດປ້ອງກັນຊາດ, ພ້ອມທັງຍ້ອງຍໍຊົມເຊີຍບັນດາຜົນງານຂອງກຳລັງທີ່ປຶກສາທູດປ້ອງກັນຊາດ ບັນລຸໄດ້ໃນໄລຍະຜ່ານມາ.
ທ່ານພົນເອກ ຟານວັນຢາງ ເນັ້ນໜັກວ່າ, ໂດຍແມ່ນພາກສ່ວນປະກອບທີ່ສໍາຄັນໃນການປະຕິບັດວຽກງານພົວພັນດ້ານປ້ອງກັນຊາດ, ກຳລັງທີ່ປຶກສາທູດປ້ອງກັນຊາດ ຕ້ອງຊາບຊຶມ ແລະປະຕິບັດຖືກຕາມທັດສະນະ, ແຜນນະໂຍບາຍ, ແນວທາງ, ນະໂຍບາຍການຕ່າງປະເທດຂອງພັກ, ລັດ; ມີຄວາມສະເໝີຕົ້ນສະເໝີປາຍຕໍ່ແນວທາງການພົວພັນຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະການພັດທະນາ, ຫັນເປັນຫຼາຍຝ່າຍ ແລະຫຼາຍຮູບຫຼາຍແບບ.
ມາຮອດປະຈຸບັນ, ຫວຽດນາມ ໄດ້ມີການພົວພັນດ້ານການປ້ອງກັນຊາດໃນລະດັບທີ່ແຕກຕ່າງກັນກັບ 80 ກວ່າປະເທດ. ຫວຽດນາມ ມີ 35 ອົງການທີ່ປຶກສາທູດປ້ອງກັນຊາດ ຢູ່ໃນໂລກ ແລະມີທູດການທະຫານ ປະຈຳຢູ່ ສປຊ 1 ຄົນ.
ໂດຍ: ຈາງຫງວຽນ