ໂຮງໝໍກອງທັບ 175 ກວດພະຍາດ ແລະມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍ ຢູ່ແຂວງບິ່ງທ້ວນ

ທີ່ລາຍການ, ບັນດາແພດໝໍໄດ້ກວດພະຍາດ, ແຈກຢາຍຢາໂດຍບໍ່ເສຍຄ່າໃຫ້ແກ່ 300 ກວ່າຄອບຄົວເປົ້າໝາຍນະໂຍບາຍ ແລະປະຊາຊົນທີ່ປະສົບ ກັບຄວາມຫຍຸ້ງຍາກຢູ່ຕາແສງ ໝີແທັ້ງ, ເມືອງຮ່າມທ້ວນນາມ, ແຂວງບິ່ງທ້ວນ. ບັນດາແພດໝໍຍັງໃຫ້ຄໍາປຶກສາ, ແນະນຳໃຫ້ປະຊາຊົນກ່ຽວກັບວິທີການປ້ອງກັນພະຍາດ ແລະ ວິທີຮັກສາເບິ່ງແຍງສຸຂະພາບ. ນອກຈາກນັ້ນ, ຄະນະຈັດຕັ້ງ ຍັງໄດ້ມອບຂອງຂວັນ 300 ພູດໃຫ້ແກ່ຄອບຄົວ ເປົ້າໝາຍນະໂຍບາຍ ແລະ ປະຊາຊົນປະສົບກັບຄວາມຫຍຸ້ງຍາກ.

ການນໍາໂຮງໝໍກອງທັບ 175 ພ້ອມດ້ວຍບັນດາຜູ້ແທນ ມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍ, ປະຊາຊົນທີ່ປະສົບກັບຄວາມຫຍຸ້ງຍາກ. ພາບ: qdnd.vn

ໂຮງໝໍກອງທັບ 175 ຍັງສົມທົບກັນມອບອຸປະກອນການຮຽນ ໃຫ້ໂຮງຮຽນປະຖົມສຶກສາ ໝີແທັ້ງ, ມອບຢາໃຫ້ສຸກສາລາຕາແສງ ໝີແທັ້ງ, ມອບຂອງຂວັນໃຫ້ 11 ຄອບຄົວເປົ້າໝາຍນະໂຍບາຍ ແລະ ເດັກນ້ອຍພິການ 4 ຄົນ ຢູ່ຕາແສງ ໝີແທັ້ງ.

ຕອນບ່າຍວັນດຽວກັນ, ໂຮງໝໍກອງທັບ 175 ພ້ອມກັບກອງບັນຊການທະຫານແຂວງບິ່ງທ້ວນ ໄດ້ຈັດຕັ້ງກອງປະຊຸມປະເມີນຜົນການເຄື່ອນໄຫວປະສານງານໄລຍະ 2022-2023 ແລະ ລົງນາມໃນໂຄງການດໍາເນີນງານ ໄລຍະ 2024-2025.

ການນໍາໂຮງໝໍກອງທັບ 175  ຢ້ຽມຢາມຖາມຂ່າວປະຊາຊົນທີ່ໄປກວດພະຍາດ. ພາບ: qdnd.vn

ແພດໜໍແຈກຢາຍຢາໂດຍບໍ່ເສຍຄ່າໃຫ້ແກ່ປະຊາຊົນ. ພາບ: qdnd.vn

ກ່າວຄຳເຫັນທີ່ພິທີ, ທ່ານພັນເອກ ປອ ບຸ່ຍດຶກແທ່ງ, ຮອງຫົວໜ້າໂຮງໝໍກອງທັບ 175 ໄດ້ສະແດງຄວາມຊົມເຊີຍ ແລະ ຮັບຮູ້ບັນດາໝາກຜົນທີ່ບັນລຸໄດ້ໃນວຽກງານສົມທົບປະຕິບັດຂອງສອງກົມກອງ ໃນໄລຍະຜ່ານມາ. ພ້ອມກັນນັ້ນ, ທ່ານ ຍັງຢືນຢັນວ່າ: ໂຮງໝໍກອງທັບ 175 ຍາມໃດກໍ່ສ້າງເງື່ອນໄຂສະດວກ ແລະ ຕັ້ງໜ້າໜູນຊ່ວຍການຖ່າຍທອດເຕັກນິກທີ່ຈຳເປັນຈຳນວນໜຶ່ງ ໃຫ້ແກ່ສຸກສາລາຂອງກອງບັນຊາການທະຫານແຂວງ, ສູນການແພດລະຫວ່າງທະຫານ ແລະປະຊາຊົນເມືອງ ຝູກີ໋ ແລະ ໂຮງໝໍຫຼາຍຂະແໜງເຂດບິ່ງທ້ວນເໜືອ ຕາມຄວາມຮຽກຮ້ອງຕ້ອງການ ແລະ ສະພາບຕົວຈິງ. ພະນັກງານ ແລະພາລາກອນການແພດ ຂອງສອງກົມກອງຄວນສືບຕໍ່ເພີ່ມທະວີການແລກປ່ຽນ, ຖອນຖອນບົດຮຽນປະສົບການ, ຍົກລະດັບຄວາມຮູ້ວິຊາການວິຊາສະເພາະ ເພື່ອຍົກສູງຄຸນນະພາບຂອງວຽກງານເບິ່ງແຍງດູແລສຸຂະພາບ ໃຫ້ແກ່ທະຫານ ແລະ ປະຊາຊົນຢ່າງບໍ່ຢຸດຢັ້ງ.

ໂດຍ: ທູຈາງ