ທ່ານພົນເອກ ເລືອງເກື່ອງ ຖະຫວາຍທູບທຽນອາໄລຫາວິລະຊົນຜູ້ເສຍສະຫຼະຊີວິດເພື່ອຊາດຢູ່ແຂວງດ້ຽນບຽນ
ກປ.ອອນໄລ - ວັນທີ 11 ເມສາ, ຄະນະປະຕິບັດງານນໍາໂດຍທ່ານພົນເອກ ເລືອງເກື່ອງ, ກໍາມະການກົມການເມືອງ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໄປຖະຫວາຍທູບທຽນ, ດອກໄມ້ອາໄລຫາວິລະຊົນຜູ້ເສຍສະຫຼະຊີວິດເພື່ອຊາດຢູ່ວິຫານນັກຮົບເສຍສະຫຼະຊີວິດເພື່ອຊາດຢູ່ສະໜາມຮົບດ້ຽນບຽນຝູ ແລະສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດ A1 (ນະຄອນ ດ້ຽນບຽນຝູ, ແຂວງ ດ້ຽນບຽນ).
ໃນທ່າມກາງບັນຍາກາດທີ່ເຄັ່ງຂຶມ, ຕື້ນຕັນໃຈ, ຄະນະປະຕິບັດງານໄດ້ຖະຫວາຍດອກໄມ້, ທູບທຽນອາໄລຫາ, ສະແດງຄວາມເຄົາລົບ ແລະຄວາມຮູ້ບຸນຄຸນຕໍ່ປະທານ ໂຮ່ຈີມິນ ຜູ້ຍິ່ງໃຫຍ່ ແລະລະນຶກເຖິງພົນເອກ ຫວໍງວຽນຢາບ ພ້ອມດ້ວຍວິລະຊົນ, ນັກຮົບ, ຊາວໜຸ່ມປະຈັນບານ, ພົນລະເຮືອນແນວຮົບ ແລະພໍ່ແມ່ປະຊາຊົນທີ່ຕໍ່ສູ້ຢ່າງອົງອາດກ້າຫານ ແລະເສຍສະຫຼະຊີວິດເພື່ອຊາດຢູ່ສະໜາມຮົບດ້ຽນບຽນຝູ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/12/upload_2126/16.jpg?dpi=150&quality=100&w=500) |
ທ່ານພົນເອກ ເລືອງເກື່ອງ ພ້ອມກັບຄະນະປະຕິບັດງານທະຫວາຍທູບທຽນຢູ່ວິຫານນັກຮົບເສຍສະຫຼະຊີວິດເພື່ອຊາດຢູ່ສະໜາມຮົບດ້ຽນບຽນຝູ. ພາບ: qdnd.vn |
ບັນທຶກຄວາມໃນໃຈຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດ A1, ທ່ານພົນເອກ ເລືອງເກື່ອງ ຢືນຢັນວ່າ: “ການເສຍສະຫຼະຊີວິດທີ່ອົງອາດກ້າຫານຂອງວິລະຊົນ, ນັກຮົບທີ່ເສຍສະຫຼະຊີວິດເພື່ອຊາດແມ່ນແບບຢ່າງທີ່ສະຫວ່າງສະໄຫວກ່ຽວກັບນ້ຳໃຈຮັກຊາດ, ຮູບຕົວແທນຂອງລັດທິວິລະຊົນປະຕິວັດໃນສະໄໝໂຮ່ຈີມິນ. ພະນັກງານ, ນັກຮົບກອງທັບປະຊາຊົນຫວຽດນາມ ປະຕິຍານຕົນວ່າ ຈະສູ້ຊົນ, ຝຶກຝົນຫຼໍ່ຫຼອມ, ຮັກສາ ແລະເສີມຂະຍາຍຄຸນທາດຂອງທະຫານລຸງໂຮ່ ຢ່າງບໍ່ຢຸດຢັ້ງ, ກຽມພ້ອມຮັບ ແລະປະຕິບັດສຳເລັດທຸກໜ້າທີ່ທີ່ໄດ້ຮັບການມອບໝາຍໃຫ້ເປັນຢ່າງດີ, ຍາມໃດກໍ່ສົມເປັນກຳລັງການເມືອງ, ກໍາລັງສູ້ຮົບທີ່ຈົ່ງຮັກພັກດີ, ໄວ້ເນື້ອເຊື່ອໃຈຢ່າງສຸດຂີດຂອງພັກ, ລັດ ແລະປະຊາຊົນ, ປະກອບສ່ວນສ້າງສາ ແລະປົກປັກຮັກສາປະເທດສັງຄົມນິຍົມຫວຽດນາມ ໄວ້ຢ່າງໝັ້ນຄົງ.
ໂດຍ: ທະນາພອນ