ປຸກລະດົມຂະບວນການໄວໜຸ່ມທົ່ວກອງທັບ ບໍລິຈາກເລືອດດ້ວຍຄວາມສະໝັກໃຈປີ 2024
ກປ.ອອນໄລ - ຕອນເຊົ້າວັນທີ 2 ມີນາ, ຢູ່ວິທະຍາຄານການແພດ, ກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ຈັດຕັ້ງພິທີປຸກລະດົມຂະບວນການໄວໜຸ່ມທົ່ວກອງທັບ ບໍລິຈາກເລືອດດ້ວຍຄວາມສະໝັກໃຈ ປີ 2024. ທ່ານພົນຕີ ຫງວຽນວັນເກົ໊າ, ຮອງຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ເປັນປະທານໃນພິທີປຸກລະດົມ.
    |
 |
|
ຜູ້ແທນເຂົ້າຮ່ວມລາຍການ. ພາບ: qdnd.vn |
ກ່າວຄຳເຫັນທີ່ພິທີປຸກລະດົມ, ທ່ານພົນຕີ ຫງວຽນວັນເກົ໊າ ເນັ້ນໜັກວ່າ ການບໍລິຈາກເລືອດດ້ວຍຄວາມສະໝັກໃຈແມ່ນການເຄື່ອນໄຫວທີ່ໄດ້ຮັບຄວາມເອົາໃຈໃສ່, ການຊີ້ນໍາຜັນຂະຫຍາຍ, ຈັດຕັ້ງປະຕິບັດຈາກການນຳ, ຜູ້ບັນຊາການບັນດາອົງການ, ກົມກອງໃນກອງທັບຢ່າງຕັ້ງໜ້າ ແລະໄດ້ກາຍເປັນຂະບວນການຢ່າງກວ້າງຂວາງ, ປະກອບສ່ວນເຂົ້າໃນການປິ່ນປົວ, ປະຖົມພະຍາບານພະນັກງານ, ນັກຮົບ ແລະ ປະຊາຊົນນັບພັນຄົນ.
|
|
 |
|
ການນໍາກົມໃຫຍ່ການເມືອງ ພ້ອມດ້ວຍບັນດາຜູ້ແທນໂອ້ລົມ, ລະດົມກໍາລັງໃຈຊາວໜຸ່ມເຂົ້າຮ່ວມບໍລິຈາກເລືອດດ້ວຍຄວາມສະໝັກໃຈ. ພາບ: qdnd.vn |
ປຸກລະດົມຂະບວນການໄວໜຸ່ມທົ່ວກອງທັບ ບໍລິຈາກເລືອດດ້ວຍຄວາມສະໝັກໃຈ ປີ 2024, ທ່ານພົນຕີ ຫງວຽນວັນເກົ໊າ ຮຽກຮ້ອງໃຫ້ຄະນະພັກ, ຜູ້ບັນຊາການທຸກຂັ້ນໃນທົ່ວກອງທັບ ເພີ່ມທະວີຄວາມເອົາໃຈໃສ່, ຊີ້ນຳນໍາພາ; ສືບຕໍ່ຊາບຊຶມຄໍາສັ່ງຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການຈັດຕັ້ງການປຸກລະດົມບໍລິຈາກເລືອດດ້ວຍຄວາມສະໝັກໃຈ ໃນກອງທັບ ແລະແຜນການ, ຄຳແນະນໍາຂອງບັນດາອົງການກ່ຽວຂ້ອງຢ່າງເລິກເຊິ່ງ; ຫັນຮູບການເປັນຫຼາຍຮູບຫຼາຍແບບ, ຍູ້ແຮງການໂຄສະນາ, ຂົນຂວາຍພະນັກງານ, ນັກຮົບໃນທົ່ວກອງທັບ ມາບໍລິຈາກເລືອດດ້ວຍຄວາມສະໝັກໃຈ; ສືບຕໍ່ສົມທົບກັນຈັດຕັ້ງບັນດາລາຍການບໍລິຈາກເລືອດດ້ວຍຄວາມສະໝັກໃຈ ຢ່າງມີປະສິດທິຜົນ...
ທີ່ພິທີປຸກລະດົມ, ມີພະນັກງານ, ຊະມາຊິກຊາວໜຸ່ມ, ຊາວໜຸ່ມເກືອບ 700 ຄົນ ຂອງວິທະຍາຄານການແພດ ລົງທະບຽນເຂົ້າຮ່ວມບໍລິຈາກເລືອດດ້ວຍຄວາມສະໝັກໃຈ.
ໂດຍ: ທູຈາງ