ນາຍຕໍາຫຼວດທະເລຫວຽດນາມ 2 ທ່ານເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ
ກປ.ອອນໄລ - ວັນທີ 26 ກຸມພາ, ທ່ານພົນຈັດຕະວາ ເລກວາງດ້າວ, ຜູ້ບັນຊາການຕໍາຫຼວດທະເລຫວຽດນາມ ໄດ້ເປັນເຈົ້າພາບຈັດຕັ້ງການພົບປະ, ມອບໜ້າທີ່ໃຫ້ນາຍຕໍາຫຼວດທະເລ 2 ທ່ານ ໄປປະຕິບັດໜ້າທີ່ຮັກສາສັນຕິພາບຂອງສະຫະປະຊາຊາດ (ສປຊ) ຢູ່ຄະນະປະຕິບັດງານທີ່ ສາທາລະນະລັດ ອາຟະລິກາກາງ ແລະຄະນະປະຕິບັດງານປ້ອງກັນຄວາມສະຫງົບຊົ່ວຄາວຂອງ ສປຊ ຢູ່ເຂດ Abyei (UNISFA).
ທ່ານພັນຕີ ລຸກຖາຍຮ່າ, ອະດີດຜູ້ຊ່ວຍວຽກຫ້ອງການພົວພັນສາກົນ, ກອງບັນຊາການຕໍາຫຼວດທະເລ ຈະຮັບດຳລົງຕຳແໜ່ງເປັນເຈົ້າໜ້າທີ່ໄຈ້ແຍກສຶບຂ່າວຢູ່ຄະນະປະຕິບັດງານແຫ່ງ ສາທາລະນະລັດ ອາຟະລິກາກາງ. ທ່ານຮ້ອຍເອກພິເສດ ຫວູ້ກວາງຄາຍ, ອະດີດຮອງກັບຕັນເຮືອຕໍາຫຼວດທະເລ 8020, ກອງເຮືອ 32, ກອງບັນຊາການຕໍາຫຼວດທະເລເຂດ 3, ຈະຮັບດຳລົງຕຳແໜ່ງຜູ້ສັງເກດການທະຫານຢູ່ຄະນະປະຕິບັດງານ UNISFA.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/02/27/upload_2124/qtrang27022024_01.jpeg?dpi=150&quality=100&w=500) |
ທ່ານພົນຈັດຕະວາ ເລກວາງດ້າວ ກ່າວຄຳເຫັນເມື່ອມອບໝາຍໜ້າທີ່ໃຫ້ທ່ານພັນຕີ ລຸກຖາຍຮ່າ ແລະທ່ານຮ້ອຍເອກພິເສດ ຫວູ້ກວາງຄາຍ. ພາບ: ງອກທື. |
ທີ່ພິທີມອບ-ຮັບໜ້າທີ່, ທ່ານພົນຈັດຕະວາ ເລກວາງດ້າວ ຮຽກຮ້ອງໃຫ້ບັນດານາຍຕໍາຫຼວດທະເລຫວຽດນາມ ເຂົ້າຮ່ວມກໍາລັງຮັກສາສັນຕິພາບ ສປຊ ຈົ່ງຮັບຮູ້ຢ່າງເລິກເຊິ່ງກ່ຽວກັບພາລະບົດບາດ, ຄວາມຮັບຜິດຊອບຂອງຕົນ; ປະຕິບັດທັດສະນະ, ແນວທາງພົວພັນຕ່າງປະເທດຂອງພັກ, ລັດ ແລະກອງທັບຢ່າງເຂັ້ມງວດ; ເປັນເຈົ້າການ, ມີຫົວຄິດປະດິດສ້າງ, ເສີມຂະຫຍາຍຄຸນນະທາດ, ຄຸນສົມບັດອັນສູງສົ່ງຂອງທະຫານລຸງໂຮ່, ນັກຮົບຕໍາຫຼວດທະເລເມື່ອເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ.
ໂດຍ: ຈາງຫງວຽນ