ເກືອບ 200 ຄົນ ເຂົ້າຮ່ວມການບໍລິຈາກເລືອດດ້ວຍຄວາມສະໝັກໃຈ
ກປ.ອອນໄລ - ວັນທີ 15 ມີນາ, ໜັງສືພິມກອງທັບປະຊາຊົນ ສົມທົບກັບສູນໂລຫິດສາດ ແລະສົ່ງເລືອດ (ໂຮງໝໍກອງທັບ 103) ຈັດຕັ້ງວັນບຸນບໍລິຈາກເລືອດດ້ວຍຄວາມສະໝັກໃຈ. ເຂົ້າຮ່ວມການບໍລິຈາກເລືອດມີພະນັກງານ, ສະມາຊິກຊາວໜຸ່ມ, ສະມາຊິກບັນດາອົງການຈັດຕັ້ງມະຫາຊົນ ເກືອບ 200 ຄົນ.
ວັນບຸນບໍລິຈາກເລືອດດ້ວຍຄວາມສະໝັກໃຈແມ່ນການເຄື່ອນໄຫວທີ່ແທດຈິງເນື່ອງໃນໂອກາດສະເຫຼີມສະຫຼອງວັນບຸນໃຫຍ່ຕ່າງໆໃນເດືອນມີນາ. ຜ່ານວັນບຸນບໍລິຈາກເລືອດໄດ້ຮັດແໜ້ນສາຍພົວພັນສະໜິດຕິດພັນ, ເພີ່ມທະວີການພົບປະແລກປ່ຽນລະຫວ່າງບັນດາອົງການຈັດຕັ້ງມະຫາຊົນຂອງບັນດາກົມກອງ, ຍົກສູງສະຕິເຂົ້າຮ່ວມການເຄື່ອນໄຫວທາງສັງຄົມໃຫ້ສະມາຊິກຊາວໜຸ່ມ, ສະມາຊິກບັນດາອົງການຈັດຕັ້ງມະຫາຊົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/03/16/thutrang_la/16032022-tt02-01.jpg?dpi=150&quality=100&w=500) |
ພະນັກງານ, ສະມາຊິກຊາວໜຸ່ມ, ສະມາຊິກບັນດາອົງການຈັດຕັ້ງມະຫາຊົນ ເຂົ້າຮ່ວມການບໍລິຈາກເລືອດດ້ວຍຄວາມສະໝັກໃຈ. ພາບ: ຖ໊າຍຮືງ |
ກ່າວຄໍາເຫັນທີ່ລາຍການ, ທ່ານພັນເອກພິເສດ ໂງແອັງທູ, ຮອງຫົວໜ້າບັນນາທິການໜັງສືພິມກອງທັບປະຊາຊົນສະແດງຄວາມຂອບໃຈບັນດາກົມກອງ ທີ່ໄດ້ສົມທົບກັບໜັງສືພິມກອງທັບປະຊາຊົນໄດ້ປະຕິບັດວຽກງານກະກຽມເປັນຢ່າງດີ, ຈັດຕັ້ງການປະຕິບັດວັນບຸນບໍລິຈາກເລືອດດ້ວຍຄວາມສະໝັກໃຈຢ່າງລອບຄອບບັນລຸເປົ້າໝາຍ, ຄວາມຮຽກຮ້ອງທີ່ໄດ້ວາງອອກ. ບັນດາຖົງເລືອດ ເຊິ່ງພະນັກງານ, ສະມາຊິກຊາວໜຸ່ມ, ສະມາຊິກບັນດາອົງການຈັດຕັ້ງມະຫາຊົນບໍລິຈາກນັ້ນຈະປະກອບສ່ວນຮັບປະກັນແຫຼ່ງເລືອດທີ່ຮັບໃຊ້ການປະຖົມພະຍາບານ ແລະປິ່ນປົວໃຫ້ທະຫານ ແລະປະຊາຊົນ; ສະແດງໃຫ້ເຫັນຄວາມຮັບຜິດຊອບ, ອາລົມຈິດ, ແຜ່ຂະຫຍາຍມູນເຊື້ອມະນຸດສະທໍາ “ຮັກແພງຊ່ວຍເຫຼືອກັນ” ຂອງຊາດຫວຽດນາມ.
ໂດຍ: ທູຈາງ