ຂີດໝາຍປະຫວັດສາດ
ການນຳສອງທ່ານ ໄດ້ຢັ້ງຢືນຄວາມໝາຍຂອງການຢ້ຽມຢາມຂັ້ນສູງທຳອິດນັບແຕ່ ຫວຽດນາມ ແລະ ສ. ໂດມີນີກາ ໄດ້ສ້າງຕັ້ງການພົວພັນທາງການທູດ (ວັນທີ 7 ກໍລະກົດ 2005); ຖືນີ້ແມ່ນຂີດໝາຍປະຫວັດສາດ, ແມ່ນກໍາລັງໜູນສໍາຄັນນໍາການພົວພັນສອງຝ່າຍກ້າວເຂົ້າສູ່ໄລຍະພັດທະນາໃໝ່ຢ່າງເລິກເຊິ່ງ ແລະແທດຈິງກວ່າ.
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຕີລາຄາສູງບັນດາຜົນງານດ້ານເສດຖະກິດ-ສັງຄົມ ເຊິ່ງ ສ.ໂດມີນີກາ ບັນລຸໄດ້ໃນສອງທົດສະວັດຜ່ານມາ, ພິເສດແມ່ນການຮັກສາລະດັບການເຕີບໂຕເສດຖະກິດສູງແຖວໜ້າຢູ່ພາກພື້ນ. ທ່ານ Luis Abinader ສະແດງຄວາມນິຍົມນັບຖືຕໍ່ປະຫວັດສາດຕໍ່ສູ້ປົດປ່ອຍຊາດຂອງຫວຽດນາມ ໃນສະຕະວັດ 20 ກໍ່ຄືບັນດາຜົນງານສຳຄັນໃນທຸກດ້ານ ເຊິ່ງ ຫວຽດນາມ ບັນລຸໄດ້ໃນເວລາເກືອບ 40 ປີແຫ່ງການປ່ຽນແປງໃໝ່.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ແລະພັນລະຍາ ພ້ອມດ້ວຍທ່ານ Luis Abinader ປະທານາທິບໍດີ ສ. ໂດມີນີກາ ແລະພັນລະຍາ. ພາບ: ສຳນັກຂ່າວສານຫວຽດນາມ |
ສອງຝ່າຍກໍສະແດງຄວາມເພິ່ງພໍໃຈຕໍ່ການພັດທະນາຢ່າງຕັ້ງໜ້າຂອງການພົວພັນມິດຕະພາບ ແລະການຮ່ວມມືສອງຝ່າຍ, ພິເສດແມ່ນໃນຂົງເຂດການເມືອງ-ການທູດ, ເສດຖະກິດ, ການຄ້າ ແລະການຮ່ວມມືພັດທະນາ ກໍ່ຄືການຮ່ວມມື, ການສະໜັບສະໜູນກັນທີ່ບັນດາເວທີປາໄສຫຼາຍຝ່າຍ. ການນຳສອງທ່ານໄດ້ເນັ້ນໜັກເຖິງຄວາມໝາຍ ແລະຄວາມສຳຄັນຂອງການຮັກສາ, ເສີມຂະຫຍາຍຄຸນຄ່າອະນຸສາວະລີປະທານ ໂຮ່ຈີມິນ ຢູ່ນະຄອນຫຼວງ Santo Domingo ແລະອະນຸສາວະລີ ສາດສາດາຈານ Juan Bosch, ປະທານາທິບໍດີຄົນທຳອິດຂອງພື້ນຖານປະຊາທິປະໄຕ ສາທາລະນະລັດ ໂດມີນີກາ, ຢູ່ນະຄອນຫຼວງຮ່າໂນ້ຍ; ຖືນີ້ແມ່ນສັນຍາລັກຂອງນ້ຳໃຈສາມັກຄີ ແລະມິດຕະພາບລະຫວ່າງສອງຊາດ.
ທ່ານ ຟ້າມມິງຈິ໊ງ ແລະທ່ານ Luis Abinader ເຫັນດີເປັນເອກະພາບວ່າ ສອງຝ່າຍຄວນຊຸກຍູ້ການແລກປ່ຽນ, ການພົບປະຂັ້ນສູງ ແລະທຸກຂັ້ນ, ໃນທຸກຊ່ອງທາງພັກ, ລັດຖະບານ, ສະພາແຫ່ງຊາດ, ການຮ່ວມມືທ້ອງຖິ່ນ ແລະການພົບປະແລກປ່ຽນປະຊາຊົນໃຫ້ຫຼາຍກວ່າອີກ ເພື່ອປັບປຸງພື້ນຖານການພົວພັນດ້ານການເມືອງ, ເພີ່ມທະວີຄວາມເຂົ້າອົກເຂົ້າໃຈກັນ, ສ້າງພື້ນຖານໝັ້ນແກ່ນເພື່ອເປີດກວ້າງ ແລະຍົກສູງປະສິດທິຜົນການພົວພັນຮ່ວມມືສອງຝ່າຍ. ການນຳສອງທ່ານ ກໍ່ຖືວ່າ ຄວນສືບຕໍ່ປັບປຸງກອບນິຕິກຳໃຫ້ແກ່ການພົວພັນຮ່ວມມືສອງຝ່າຍ, ເສີມຂະຫຍາຍປະສິດທິຜົນກົນໄກປຶກສາຫາລືດ້ານການເມືອງລະຫວ່າງສອງກະຊວງການຕ່າງປະເທດ, ດຳເນີນການປຶກສາຫາລືດ້ານການເມືອງ ຄັ້ງທີ 2 ໂດຍໄວ. ສອງຝ່າຍເຫັນດີເປັນເອກະພາບຊຸກຍູ້ການເປີດກວ້າງ ແລະເຮັດໃຫ້ການຮ່ວມມືສອງຝ່າຍໃນທຸກຂົງເຂດ, ພິເສດແມ່ນເສດຖະກິດ, ການຄ້າ ແລະການລົງທຶນ, ກະສິກຳ, ວິທະຍາສາດ-ເຕັກໂນໂລຢີ, ປ່ຽນແປງໃໝ່ປະດິດສ້າງ, ຫັນປ່ຽນດີຈີຕອນ, ຫັນປ່ຽນສີຂຽວ, ເສດຖະກິດດີຈີຕອນ, ໂທລະຄົມມະນາຄົມ, ພະລັງງານທົດແທນ, ປ້ອງກັນ ແລະຕ້ານອາດຊະຍາກຳ, ພັດທະນາການທ່ອງທ່ຽວແບບຍືນຍົງ, ວັດທະນະທຳ, ການສຶກສາ, ປົກປັກຮັກສາສິ່ງແວດລ້ອມ ແລະຮັບມືກັບການປ່ຽນແປງຂອງດິນຟ້າອາກາດ...
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະເຈລະຈາກັບທ່ານ Luis Abinader ປະທານາທິບໍດີ ສ. ໂດມີນີກາ. ພາບ: ສຳນັກຂ່າວສານຫວຽດນາມ |
ການນຳສອງທ່ານເນັ້ນໜັກເຖິງຄວາມຕ້ອງການ ແລະຄວາມສາມາດບົ່ມຊ້ອນເປີດກວ້າງການຮ່ວມມືດຳເນີນທຸລະກິດ ແລະການລົງທຶນລະຫວ່າງສອງປະເທດ, ພິເສດແມ່ນໃນຂົງເຂດໂທລະຄົມມະນາຄົມ, ພະລັງງານ-ນ້ຳມັນອາຍແກັດ, ກໍ່ສ້າງ, ກະສິກຳ ແລະທ່ອງທ່ຽວ. ສອງຝ່າຍໄດ້ແບ່ງປັນຄວາມຈຳເປັນຕ້ອງເພີ່ມທະວີການການເຄື່ອນໄຫວສົ່ງເສີມການຄ້າ ແລະການລົງທຶນ, ເຊື່ອມຕໍ່ວິສາຫະກິດ, ສ້າງເງິື່ອນໄຂໃຫ້ແກ່ສິນຄ້າສົ່ງອອກທີ່ມີທ່າແຮງຂອງສອງປະເທດເຂົ້າຕະຫຼາດຂອງກັນ, ພ້ອມທັງຜ່ານແຕ່ລະປະເທດ ເປັນປະຕູເຂົ້າເຖິງຕະຫຼາດຂອງສອງພາກພື້ນອາຊີຕາເວັນອອກສ່ຽງໃຕ້ ແລະອາເມລິກາ ລາຕີນ - Caribe.
ທ່ານ ຟ້າມມິງຈິ໊ງ ແລະທ່ານ Luis Abinader ໄດ້ຢັ້ງຢືນຄຳໝັ້ນສັນຍາຊຸກຍູ້ລັດທິຫຼາຍຝ່າຍ, ເພີ່ມທະວີການຮ່ວມມື, ການສະໜັບສະໜູນກັນຢູ່ອົງການຈັດຕັ້ງສາກົນ ແລະເວທີປາໄສຫຼາຍຝ່າຍ ເຊິ່ງສອງຝ່າຍເປັນພາຄີ, ຄື: ສະຫະປະຊາຊາດ, ອົງການຈັດຕັ້ງການຄ້າໂລກ (WTO), ຂະບວນການບໍ່ຮ່ວມກຸ່ມ, ຂອບເຂດການຮ່ວມມືໃຕ້-ໃຕ້, ເວທີປາໄສຮ່ວມມືອາຊີຕາເວັນອອກ-ອາເມລິກາລາຕີນ (FEALAC), ເພື່ອຜົນປະໂຫຍດຂອງປະຊາຊົນສອງປະເທດ, ປະກອບສ່ວນເຂົ້າສັນຕິພາບ, ສະຖຽນລະພາບ, ການຮ່ວມມື, ພັດທະນາຢູ່ພາກພື້ນ ກໍ່ຄືຢູ່ໃນໂລກ. ເມື່ອແລກປ່ຽນກ່ຽວກັບບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ, ສອງຝ່າຍໄດ້ເຫັນດີເປັນເອກະພາບສະໜັບສະໜູນການແກ້ໄຂຂໍ້ຂັດແຍ້ງກັນໂດຍສັນຕິວິທີ, ເຄົາລົບກົດໝາຍສາກົນ, ພິເສດແມ່ນກົດບັດສະຫະປະຊາຊາດ ແລະສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ແລະທ່ານ Luis Abinader ປະທານາທິບໍດີ ສ. ໂດມີນີກາ ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳການຮ່ວມມື. ພາບ: ສຳນັກຂ່າວສານຫວຽດນາມ |
ສິ້ນສຸດການພົບປະ, ທ່ານຟ້າມມິງຈິ໊ງ ແລະທ່ານ Luis Abinader ໄດ້ມີການພົບປະກັບສື່ມວນຊົນ ແລະປະກາດຖະແຫຼງການຮ່ວມ ຫວຽດນາມ - ສ. ໂດມີນີກາ, ຢັ້ງຢືນຄວາມຕັດສິນໃຈຂອງສອງລັດຖະບານ ແລະແຈ້ງໃຫ້ຊາບບັນດາທິດທາງ, ມາດຕະການທີ່ສອງຝ່າຍເຫັນດີເປັນເອກະພາບເພີ່ມທະວີການພົວພັນສາມັກຄີ, ມິດຕະພາບ, ການຮ່ວມມືທີ່ີດີງາມກວ່າອີກລະຫວ່າງຫວຽດນາມ ແລະສ. ໂດມີນີກາ ໃນອະນາຄົດ. ການນຳສອງທ່ານກໍ່ພ້ອມກັນເປັນສັກຂີພິຍານພິທີເຊັນບົດບັນທຶກວ່າດ້ວຍການຮ່ວມມືສອງຝ່າຍ, ລວມມີບົດບັນທຶກຊ່ວຍຈຳວ່າດ້ວຍການສ້າງຕັ້ງຄະນະກຳມະການປະສົມກ່ຽວກັບການຊຸກຍູ້ການຮ່ວມມືດ້ານການຄ້າ ແລະເຕັກນິກ, ບົດບັນທຶກຊ່ວຍຈຳວ່າດ້ວຍການຮ່ວມມືບຳລຸງສ້າງລະຫວ່າງສະຖາບັນການພົວພັນຕ່າງປະເທດຫວຽດນາມ ແລະສະຖາບັນການພົວພັນຕ່າງປະເທດ ສ. ໂດມີນີກາ.
ຍັງມີຄວາມສາມາດບົ່ມຊ້ອນຫຼາຍຢ່າງເພື່ອພັດທະນາການພົວພັນເສດຖະກິດ, ການຄ້າ ແລະການລົງທຶນ
ຕອນບ່າຍວັນທີ 20 ພະຈິກ, ທ່ານ ຟ້າມມິງຈິ໊ງ ໄດ້ພົບປະກັບທ່ານ Ricardo de los Santos Polanco ປະທານສະພາສູງ ແລະທ່ານ Alfredo Pacheco ປະທານສະພາຕໍ່າ ຢູ່ສໍານັກງານສະພາແຫ່ງຊາດ ສ. ໂດມີນີກາ.
ທີ່ການພົບປະ, ການນຳສະພາແຫ່ງຊາດ ສ. ໂດມີນີກາ ໄດ້ຢັ້ງຢືນວ່າການຢ້ຽມຢາມແມ່ນເຫດການທີ່ມີຄວາມໝາຍປະຫວັດສາດສຳຄັນເມື່ອທ່ານ ຟ້າມມິງຈິ໊ງ ແມ່ນການນຳຂັ້ນສູງຜູ້ທຳອິດຂອງຫວຽດນາມ ມາຢ້ຽມຢາມ ສ. ໂດມີນີກາ, ດໍາເນີນໄປໃນສະພາບທີ່ການພົວພັນສອງປະເທດມີບາດກ້າວພັດທະນາຢ່າງຕັ້ງໜ້າ, ມຸ່ງໄປເຖິງການສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນທາງການທູດ (7-7-2005 / 7-7-2025).
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະກັບທ່ານ Ricardo de los Santos Polanco ປະທານສະພາສູງແຫ່ງ ສ. ໂດມີນີກາ. ພາບ: ສຳນັກຂ່າວສານຫວຽດນາມ |
ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະການຮ່ວມມືຫຼາຍດ້ານກັບ ສ. ໂດມີນີກາ ໃນນະໂຍບາຍພົວພັນຕ່າງປະເທດກັບພາກພື້ນ ອາເມລິກາລາຕີນ- Caribe ເວົ້າລວມ ແລະກັບສະພາ ແຫ່ງຊາດ ສ. ໂດມີນີກາ ເວົ້າສະເພາະ; ແບ່ງປັນກັບການນຳສະພາແຫ່ງຊາດ ສ. ໂດມີນີກາ ກ່ຽວກັບໝາກຜົນທີ່ດີງາມຂອງການພົບປະກ່ອນໜ້ານັ້ນກັບທ່ານ Luis Abinader ປະທານາທິບໍດີ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະກັບທ່ານ Alfredo Pacheco ປະທານສະພາຕໍ່າ ສ. ໂດມີນາກາ. ພາບ: ສຳນັກຂ່າວສານຫວຽດນາມ |
ຕີລາຄາສູງໝາກຜົນການພົບປະ, ການນຳສະພາແຫ່ງຊາດ ສ. ໂດມີນີກາ ສອງທ່ານໄດ້ຢັ້ງຢືນການສະໜັບສະໜູນບັນດາທິດທາງ ແລະມາດຕະການຂອງສອງລັດຖະບານ ເພື່ອແນໃສ່ນຳການພົວພັນມິດຕະພາບ, ການຮ່ວມມືສອງຝ່າຍກ້າວເຂົ້າສູ່ໄລຍະພັດທະນາໃໝ່, ຮັບໃຊ້ປະສິດທິຜົນ ແລະແທດຈິງໃນກິດຈະການພັດທະນາຢູ່ແຕ່ລະປະເທດ; ພ້ອມທັງໃຫ້ຄຳໝັ້ນສັນຍາສະໜັບສະໜູນເລື່ອງສອງປະເທດດຳເນີນການເຈລະຈາຂໍ້ຕົກລົງກ່ຽວກັບການຄ້າເສລີ, ປົກປ້ອງການລົງທຶນ, ການຮ່ວມມືດ້ານວັດທະນະທຳ, ການສຶກສາ-ກໍ່ສ້າງ; ຖືວ່າ ການບັນລຸຂໍ້ຕົກລົງສະບັບນີ້ໂດຍໄວຈະນຳມາເຊິ່ງຜົນປະໂຫຍດແທດຈິງໃຫ້ແກ່ວິສາຫະກິດ, ປະຊາຊົນສອງປະເທດ, ປະກອບສ່ວນຢ່າງແຂງແຮງໃນການນຳການພົວພັນສອງປະເທດຂຶ້ນສູ່ລະດັບສູງໃໝ່.
* ຕອນບ່າຍວັນທີ 20 ພະຈິກ (ເວລາທ້ອງຖິ່ນ), ທ່ານ ຟ້າມມິງຈິ໊ງ ນາຍົກລັດຖະມົນຕີ ຫວຽດນາມ ໄດ້ຕ້ອນຮັບທ່ານ Miguel Mejia, ເລຂາທິການໃຫຍ່ພັກຂະບວນການຝ່າຍຊ້າຍເອກະພາບ (MIU), ລັດຖະມົນຕີກະຊວງນະໂຍບາຍເຊື່ອມໂຍງພາກພື້ນ ສ. ໂດມີນີກາ.
ທ່ານນາຍົກລັດຖະມົນຕີ ສະເໜີໃຫ້ ພັກ MIU ດ້ວຍບົດບາດແມ່ນສະມາຊິກໃນສຳພັນທະມິດກຳອຳນາດ ສືບຕໍ່ສະໜັບສະໜູນ ແລະປັບປຸງການພົວພັນມິດຕະພາບ, ການຮ່ວມມືທີ່ເປັນມູນເຊື້ອລະຫວ່າງສອງປະເທດ ມຸ່ງໄປເຖິງການສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນທາງການທູດ, ໂດຍສະເພາະແມ່ນການຊຸກຍູ້ການຢ້ຽມຢາມ, ການພົບປະຂັ້ນສູງ, ຍົກສູງປະສິດທິຜົນກົນໄກປຶກສາຫາລືການເມືອງລະຫວ່າງສອງກະຊວງການຕ່າງປະເທດ, ການຮ່ວມມືຢ່າງແໜ້ນແຟ້ນ ແລະການສະໜັບສະໜູນກັນຢູ່ບັນດາອົງການຈັດຕັ້ງ, ເວທີສາກົນ, ເພີ່ມທະວີການຮ່ວມມືລະຫວ່າງສອງພັກ, ໃນນັ້ນສືບຕໍ່ຜັນຂະຫຍາຍປະສິດທິຜົນຂໍ້ຕົກລົງຮ່ວມມືທີ່ໄດ້ລົງນາມລະຫວ່າງສອງພັກ ໄລຍະ 2023-2028. ທ່ານນາຍົກລັດຖະມົນຕີ ຕີລາຄາວ່າ ການພົວພັນເສດຖະກິດ, ການຄ້າ ແລະການລົງທຶນລະຫວ່າງສອງປະເທດຍັງມີຄວາມສາມາດບົ່ມຊ້ອນເພື່ອພັດທະນາ; ສະເໜີໃຫ້ສອງຝ່າຍເອົາໃຈໃສ່ຊຸກຍູ້ການຮ່ວມມື, ດຳເນີນທຸລະກິດ, ລົງທຶນໃນບັນດາຂົງເຂດທີ່ມີທ່າແຮງຂອງແຕ່ລະປະເທດ, ນຳເອົາຜົນປະໂຫຍດແທດຈິງມາໃຫ້ປະຊາຊົນສອງປະເທດ.
ໂດຍ: ແສງເດືອນ