ປັດໄຈພື້ນຖານສ້າງເປັນຄຸນທາດທະຫານລຸງໂຮ່
ມະຕິສະບັບເລກທີ 847-NQ/QUTW ລົງວັນທີ 28-12-2021 ຂອງຄະນະພັກການທະຫານສູນກາງ ໄດ້ສັງລວມ 5 ຈຸດທີ່ເປັນເອກະລັກສະເພາະຂອງຄຸນທາດທະຫານ ລຸງໂຮ່ ໃນໄລຍະໃໝ່; ໃນນັ້ນ, ຄຸນທາດການເມືອງເປັນແຖວໜ້າ, ແມ່ນປັດໄຈພື້ນຖານ, ຫຼັກແຫຼ່ງ, ກວມລວມເພື່ອເພີ່ມພູນຄູນສ້າງ, ຮັກສາ ແລະແຜ່ຂະຫຍາຍຄຸນທາດທະຫານລຸງໂຮ່.
ຄຸນທາດທະຫານລຸງໂຮ່ ແມ່ນການທ້ອນໂຮມບັນດາຄຸນຄ່າ, ມາດຖານບຸກຄະລິກກະພາບຂອງພົນທະຫານປະຕິວັດ, ໄດ້ເສີມສ້າງຈາກມູນເຊື້ອວັດທະນະທຳຂອງຊາດ, ວິວັດທະນາການສຶກສາ, ຝຶກຝົນຫຼໍ່ຫຼອມຂອງພັກກອມມູນິດຫວຽດນາມ ແລະປະທານໂຮ່ຈີມິນ, ຄວາມໄວ້ເນື້ອເຊື່ອໃຈ, ການຊ່ວຍເຫຼືອຂອງປະຊາຊົນ ແລະຈາກການອຸທິດສ່ວນ, ເສຍສະຫຼະຊີວິດຂອງພະນັກງານ, ນັກຮົບຮຸ່ນຕ່າງໆ; ໄດ້ຮັກສາ, ສືບທອດ ແລະພັດທະນາຜ່ານພຶດຕິກຳແຫ່ງການຕໍ່ສູ້ ແລະເຕີບໃຫຍ່ຂະຫຍາຍຕົວຂອງກອງທັບປະຊາຊົນຫວຽດນາມ.
    |
 |
|
ສຶກສາມູນເຊື້ອປະຕິວັດໃຫ້ນັກຮົບໃໝ່ຢູ່ກອງພົນນ້ອຍປືນໃຫຍ່ 382, ທະຫານເຂດ 1. ພາບ: ເຟືອງອວຽນ. |
ຄຸນທາດການເມືອງພິສູດໃຫ້ເຫັນຢູ່ເປົ້າໝາຍອຸດົມການສູ້ຮົບຂອງກອງທັບ ແລະພະນັກງານ, ນັກຮົບແຕ່ລະຄົນ; ສະແດງອອກຢູ່ຄວາມຮັບຮູ້ດ້ານການເມືອງ, ຫຼັກໝັ້ນ, ທັດສະນະ; ແມ່ນເຈດຈຳນົງ ແລະຄວາມເຊື່ອໝັ້ນຕໍ່ກັບຊົນຊັ້ນ, ລະບອບ ແລະກຳລັງແຮງຂອງຊາດ. ຄຸນທາດການເມືອງຂອງພະນັກງານ, ນັກຮົບກອງທັບປະຊາຊົນຫວຽດນາມ, ກ່ອນອື່ນໝົດແມ່ນສະແດງຢູ່ຄຳສາບານທີໜຶ່ງໃນ 10 ຄຳສາບານຂອງພົນທະຫານ: “ສະຫຼະທຸກສິ່ງທຸກຢ່າງ ເພື່ອປະເທດຫວຽດນາມ; ພາຍໃຕ້ການນຳພາຂອງພັກກອມມູນິດຫວຽດນາມ, ສູ້ຊົນປະຕິບັດປະເທດຫວຽດນາມ ແຫ່ງສັນຕິພາບ, ເອກະລາດ ແລະສັງຄົມນິຍົມ, ປະກອບສ່ວນຢ່າງຕັ້ງໜ້າເຂົ້າໃນການຕໍ່ສູ້ຂອງປະຊາຊົນໂລກເພື່ອສັນຕິພາບ, ເອກະລາດແຫ່ງຊາດ, ປະຊາທິປະໄຕ ແລະສັງຄົມນິຍົມ”.
ກອງທັບປະຊາຊົນຫວຽດນາມ ໂດຍພັກກອມມູນິດຫວຽດນາມ ກໍ່ສ້າງ, ພັກກອມມູນິດຫວຽດນາມ ນຳພາ ແລະສຶກສາ, ມີທາດແທ້ຂອງຊົນຊັ້ນກຳມະກອນ, ມີລັກສະນະຊົນຊາດ ແລະມີລັກສະນະປະຊາຊົນຢ່າງເລິກເຊິ່ງ, ຮັກສາອຸດົມການປະຕິວັດ, ເປົ້າໝາຍສູ້ຮົບ, ຄຸນທາດການເມືອງ, ຈົ່ງຮັກພັກດີຕໍ່ກັບປະເທດຊາດ, ຕໍ່ກັບພັກ, ລັດ ແລະປະຊາຊົນ. ຄຸນທາດການເມືອງໂດຍພະນັກງານ, ນັກຮົບຮຸ່ນຕ່າງໆຝຶກຝົນຫຼໍ່ຫຼອມ, ປັບປຸງ ແລະຢຶດໝັ້ນໃນຕະຫຼອດ 80 ປີແຫ່ງການສ້າງສາ, ສູ້ຮົບ, ເຕີບໃຫຍ່ຂະຫຍາຍຕົວຂອງກອງທັບປະຊາຊົນຫວຽດນາມ. ຄຸນທາດການເມືອງໜັກແໜ້ນຊ່ວຍກອງທັບປະຊາຊົນຫວຽດນາມ ຢຶດໝັ້ນເປົ້າໝາຍ, ອຸດົມການປະຕິວັດ, ຮັກສາທ່າສະໜາມຮົບແນວຄິດ, ຝຶກຝົນຫຼໍ່ຫຼອມຄຸນທາດ, ຄຸນສົມບັດປະຕິວັດທີ່ປອດໃສ; ຍາມໃດກໍ່ຖືຜົນປະໂຫຍດຂອງປະເທດ-ຊາດ, ຊົນຊາດ, ຂອງໝູ່ຄະນະເປັນສຳຄັນ. ຄຸນທາດການເມືອງແມ່ນເຈດຈຳນົງ, ກຳລັງແຮງເພື່ອໃຫ້ພົນທະຫານທຸກຄົນຕັ້ງໜ້າຝຶກແອບ, ຮ່ຳຮຽນ, ຄົ້ນຄວ້າຍົກສູງຄວາມຮູ້ທຸກດ້ານ ແລະຄວາມຮູ້ດ້ານວິຊາການ; ຝຶກຝົນຫຼໍ່ຫຼອມວິທີການ, ແບບແຜນການປະຕິບັດງານຢ່າງມີວິທະຍາສາດ, ເຂັ້ມງວດ, ມີຄວາມຮັບຜິດຊອບສູງເພື່ອຍົກສູງກຳລັງແຮງສັງລວມສູ້ຮົບຂອງກອງທັບ.
ສືບຕໍ່ຮັກສາ ແລະເສີມຂະຫຍາຍຄຸນທາດການເມືອງຂອງທະຫານລຸງໂຮ່
ຜ່ານ 80 ປີແຫ່ງການສູ້ຮົບ, ສ້າງຕັ້ງ ແລະເຕີບໃຫຍ່ຂະຫຍາຍຕົວ, ກອງທັບປະຊາຊົນຫວຽດນາມ ຍາມໃດກໍ່ສະແດງໃຫ້ເຫັນຢ່າງຈະແຈ້ງກ່ຽວກັບຄຸນນະທາດຂອງກອງທັບປະຕິວັດ, ກຳເນີດຈາກປະຊາຊົນ, ເພື່ອປະຊາຊົນສູ້ຮົບ; ແມ່ນກຳລັງການເມືອງພິເສດ, ກຳລັງສູ້ຮົບຈົ່ງຮັກພັກດີ, ໄວ້ເນື້ອເຊື່ອໃຈຂອງພັກ, ລັດ ແລະປະຊາຊົນ, ພະນັກງານ, ນັກຮົບຮຸ່ນຕ່າງໆສືບຕໍ່ສ້າງວິລະກຳເລີດລ້ຳລືຊາ, ສ້າງມູນເຊື້ອອັນສະຫງ່າລາສີ, ສົມກັບຄຳຍ້ອງຍໍຂອງປະທານໂຮ່ຈີມິນ: “ກອງທັບປະຊາຊົນຫວຽດນາມ ຈົ່ງຮັກພັກດີຕໍ່ກັບພັກ, ກະຕັນຍູຕໍ່ປະຊາຊົນ, ກຽມພ້ອມສູ້ຮົບຍອມເສຍສະຫຼະເພື່ອເອກະລາດ, ເສລີພາບຂອງປະເທດຊາດ, ເພື່ອສັງຄົມນິຍົມ. ໜ້າທີ່ໃດກໍ່ສໍາເລັດ, ຄວາມຫຍຸ້ງຍາກໃດກໍ່ຜ່ານຜ່າ, ສັດຕູ້ໂຕໃດກໍ່ຕີເອົາຊະນະ”.
ຄຸນທາດການເມືອງແມ່ນກຳລັງແຮງເພື່ອໃຫ້ກອງທັບປະຊາຊົນຫວຽດນາມ ຜ່ານຜ່າຄວາມຫຍຸ້ງຍາກ, ສິ່ງທ້າທາຍຢ່າງອົງອາດກ້າແກ່ນ, ຍອມເສຍສະຫຼະ, ຍາມຍັງມີຊີວິດຢູ່, ສະຫາຍເລຂາທິການໃຫຍ່ ຫງວຽນຝູຈ້ອງ, ເລຂາຄະນະພັກການທະຫານສູນກາງ ໄດ້ຢືນຢັນວ່າ “ຍິ່ງປະສົບກັບຄວາມຫຍຸ້ງຍາກ, ສັບສົນ, ຮູບພາບ ແລະຄຸນທາດອັນສູງສົ່ງຂອງທະຫານລຸງໂຮ່ ຍິ່ງໄດ້ຮັກສາ, ເສີມຂະຫຍາຍ ແລະແຜ່ຂະຫຍາຍ”.
ກຳນົດຢ່າງຖືກຕ້ອງ ແລະຍາມໃດກໍ່ຢຶດໝັ້ນຕໍ່ກັບເປົ້າໝາຍ, ອຸດົມການສູ້ຮົບໄດ້ສ້າງເປັນກຳລັງແຮງພິເສດເພື່ອໃຫ້ພະນັກງານ, ນັກຮົບກອງທັບປະຊາຊົນຫວຽດນາມ “ຍອມເສຍສະຫຼະຊີວິດເພື່ອປະເທດຊາດຍືນຍົງ”, ເຖິງວ່າຕ້ອງເຈາະພູ, ນອນຂຸມຕະຄອງ, ຝົນລິນ, ກິນເຂົ້າປັ້ນ/ເລືອດປົນກັບຂີ້ຕົມ/ແຕ່ຈິດໃຈບໍ່ຫວາດຫວັ່ນ, ບໍ່ເສື່ອມໂຊມ” ເພື່ອສ້າງເປັນໄຊຊະນະດ້ຽນບຽນຝູ ທີ່ດັງກ້ອງກັງວານໄປທົ່ວໂລກ.
ໃນພາລະກິດແຫ່ງການສ້າງສາ, ປົກປັກຮັກສາປະເທດຊາດໃນປະຈຸບັນ, ຄຸນທາດການເມືອງຍິ່ງສວມບົດບາດສຳຄັນເພື່ອຮັກສາ ແລະເສີມຂະຫຍາຍຄຸນທາດທະຫານລຸງໂຮ່ ໃນໄລຍະໃໝ່. ບັນດາອິດທິກຳລັງປໍລະປັກ, ພວກປະຕິການຍັງຍູ້ແຮງການເຄື່ອນໄຫວ “ຜັນປ່ຽນໂດຍສັນຕິ”, ຊຸກຍູ້ການ “ຜັນແປເອງ”, “ການປ່ຽນແປງດ້ວຍຕົນເອງ” ແລະກົນອຸບາຍ “ປອດການເມືອງ” ກອງທັບຮຽກຮ້ອງໃຫ້ພະນັກງານ, ນັກຮົບຕ້ອງຢຶດໝັ້ນເປົ້າໝາຍ, ອຸດົມການສູ້ຮົບ, ຈົ່ງຮັກພັກດີຕໍ່ກັບປະເທດຊາດ, ຕໍ່ກັບພັກ, ລັດ ແລະປະຊາຊົນ. ສ້າງຄຸນທາດການເມືອງຢ່າງໜັກແໜ້ນໃຫ້ແກ່ພະນັກງານ, ນັກຮົບແຕ່ລະຄົນແມ່ນຄວາມຮຽກຮ້ອງສຳຄັນພິເສດເພື່ອກໍ່ສ້າງກອງທັບ “ເປັນກຳລັງຫຼວງ, ຍອດຢ້ຽມ, ເຂັ້ມແຂງ” ແລະເສີມຂະຫຍາຍຄຸນທາດທະຫານລຸງໂຮ່, ເດັດດຽວຕ້ານລັດທິສ່ວນຕົວໃນສະພາບການໃໝ່. ດ້ານອື່ນ, ຝຶກຝົນຫຼໍ່ຫຼອມຄຸນທາດການເມືອງກໍ່ມີຄວາມໝາຍຕັດສິນເພື່ອສ້າງຖັນແຖວພະນັກງານກອງທັບຕາມຈິດໃຈ “7 ກ້າ”: ກ້າຄິດ, ກ້າເວົ້າ; ກ້າເຮັດ; ກ້າຮັບຜິດຊອບ; ກ້າປ່ຽນແປງໃໝ່, ກ້າປະດິດສ້າງ; ກ້າປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍ ແລະກ້າກະທຳເພື່ອຜົນປະໂຫຍດລວມ.
ເພື່ອໃຫ້ພະນັກງານ, ນັກຮົບຍາມໃດກໍ່ຢຶດໝັ້ນຄຸນທາດການເມືອງຕ້ອງຮັກສາຫຼັກການນຳພາຂອງພັກ ຕໍ່ກັບກອງທັບ, ເພີ່ມທະວີການນຳພາຢ່າງຂ້ຽວຂາດ, ໂດຍກົງທຸກດ້ານຂອງພັກຕໍ່ກັບກອງທັບ; ຍົກສູງປະສິດທິພາບ, ປະສິດທິຜົນວຽກງານພັກ, ວຽກງານການເມືອງ; ກໍ່ສ້າງອົງການຈັດຕັ້ງພັກທຸກຂັ້ນໃນອົງຄະນະພັກກອງທັບ ໃຫ້ໝັ້ນຄົງເຂັ້ມແຂງດ້ານແນວຄິດ, ການເມືອງ, ຄຸນ ສົມບັດ, ອົງການຈັດຕັ້ງ ແລະພະນັກງານ; ກໍ່ສ້າງຖັນແຖວພະນັກງານກອງທັບທີ່ມີຄຸນທາດການເມືອງ, ຄຸນສົມບັດ, ລະດັບຄວາມຮູ້ ແລະຄວາມສາມາດຈັດຕັ້ງປະຕິບັດ; ເສີມຂະຫຍາຍປະຊາທິປະໄຕ, ເພີ່ມທະວີການຈັດຕັ້ງປະຕິບັດຕາມລະບຽບ ກົດໝາຍຢ່າງເຂັ້ມງວດ, ປັບປຸງຄວາມສາມັກຄີເປັນເອກະພາບພາຍໃນ. ນີ້ທັງແມ່ນຫຼັກການເພື່ອຮັກສາຄຸນທາດການເມືອງຂອງ ກອງທັບ ແລະກໍ່ແມ່ນມາດຕະການພື້ນຖານເພື່ອຮັກສາ, ເສີມຂະຫຍາຍຄຸນນະທາດທະຫານ ລຸງໂຮ່ ໃນໄລຍະໃໝ່, ສົມກັບຄວາມໄວ້ເນື້ອເຊື່ອໃຈຂອງພັກ, ລັດ ແລະປະຊາຊົນທີ່ສະຫງວນໃຫ້ກອງທັບປະຊາຊົນຫວຽດນາມ ວິລະຊົນຂອງຊົນຊາດຫວຽດນາມ ວິລະຊົນ.
ໂດຍ: ແສງເດືອນ