ຫວຽດນາມ - ອິນເດຍ ເພີ່ມທະວີການຮ່ວມມືດ້ານວັດທະນະທຳ ແລະການທ່ອງທ່ຽວ
ກປ.ອອນໄລ - ທ່ານເອກອັກຄະລັດຖະທູດພ້ອມກັບການນຳແຂວງ ຮວ່າບີ່ງ ໄດ້ຈັດຕັ້ງພິທີເປີດນໍາໃຊ້ຫໍວັດທະນະທຳຢູ່ບ້ານ ຈັ່ງຈອງ, ຕາແສງ ເຮີບຟອງ, ເມືອງ ກາວຟອງ.
ວັນທີ 26 ເມສາ, ທ່ານເລຂາພັກແຂວງຮວ່າບີ່ງ ຫງວຽນຟີລອງ ໄດ້ໃຫ້ການຕ້ອນຮັບທ່ານ Sandeep Arya ເອກອັກຄະລັດຖະທູດວິສາມັນຜູ້ມີອຳນາດເຕັມອິນເດຍ ປະຈຳ ຫວຽດນາມ ທີ່ພວມຢ້ຽມຢາມ ແລະເຮັດວຽກຢູ່ແຂວງຮວ່າບີ່ງ.
ທີ່ການພົບປະ, ທ່ານເລຂາພັກແຂວງ ຮວ່າບີ່ງ ໄດ້ຕີລາຄາສູງການໜູນຊ່ວຍຂອງສະຖານທູດອິນເດຍ ປະຈຳ ຫວຽດນາມ ໃຫ້ໂຄງການກໍ່ສ້າງຫໍວັດທະນະທຳຢູ່ບ້ານ ຈັ່ງຈອງ, ຕາແສງ ເຮີບຟອງ, ເມືອງ ກາວຟອງ; ຢືນຢັນວ່ານີ້ແມ່ນໂຄງການທີ່ມີຄວາມໝາຍດ້ານສັງຄົມ ແລະ ການເມືອງຫຼາຍຢ່າງ, ປະກອບສ່ວນຍົກສູງຄຸນນະພາບຊີວິດຂອງປະຊາຊົນ.
|
|
ທ່ານ ຫງວຽນຟີລອງ, ເລຂາພັກແຂວງ ຮວ່າບີ່ງ ຕ້ອນຮັບຄະນະປະຕິບັດງານສະຖານທູດ ອິນເດຍ ປະຈຳ ຫວຽດນາມ. ພາບ: ສໍານັກຂ່າວສານຫວຽດນາມ |
ທ່ານ ຫງວຽນຟີລອງ ຫວັງວ່າ ຜ່ານການຢ້ຽມຢາມຄັ້ງນີ້, ທ່ານເອກອັກຄະລັດຖະທູດ Sandeep Arya ຈະເປັນຂົວຕໍ່ລະຫວ່າງບັນດາກຸ່ມບໍລິສັດນັກລົງທຶນອິນເດຍເພື່ອມາຮ່ວມມືລົງທຶນຢູ່ ຮວ່າບິ່ງ.
ສ່ວນທ່ານເອກອັກຄະລັດຖະທູດ Sandeep Arya ປາດຖະໜາຢາກຜັນຂະຫຍາຍການກໍ່ສ້າງບັນດາໂຄງການຮ່ວມມືລະຫວ່າງແຂວງຮວ່າບີ່ງ ກັບບັນດາອົງການ, ອົງການຈັດຕັ້ງຄູ່ຮ່ວມມືອິນເດຍ ໃນຂົງເຂດວັດທະນະທໍາ, ການທ່ອງທ່ຽວ, ເສດຖະກິດ, ການຄ້າ, ແລະການສຶກສາກໍ່ສ້າງ.
ໃນວັນດຽວກັນ, ທ່ານເອກອັກຄະລັດຖະທູດພ້ອມກັບການນຳແຂວງຮວ່າບີ່ງ ໄດ້ຈັດຕັ້ງພິທີເປີດນໍາໃຊ້ຫໍວັດທະນະທຳຢູ່ບ້ານ ຈັ່ງຈອງ, ຕາແສງ ເຮີບຟອງ, ເມືອງ ກາວຟອງ.
ໂດຍ: ດ້ັງເກື່ອງ