ຫວຽດນາມ ສະແດງຄວາມຮູ້ບຸນຄຸນຕໍ່ເພື່ອນມິດ Merle Ratner
ກປ.ອອນໄລ - ຕອນຄໍ່າວັນທີ 28 ກຸມພາ, ຕາມເວລາອາເມລິກາ (ກົງກັບຕອນເຊົ້າວັນທີ 29 ກຸມພາ ຕາມເວລາຫວຽດນາມ), ພິທີອາໄລຫາທ່ານນາງ Merle Evelyn Ratner, ນັກເຄື່ອນໄຫວຝ່າຍຊ້າຍ, ເພື່ອນມິດອາເມລິກາ ທີ່ສັດຊື່ບໍລິສຸດຂອງຫວຽດນາມ ໄດ້ຈັດຂຶ້ນຢ່າງສົມກຽດຢູ່ໃຈກາງນະຄອນນິວຢອກ.
ໃນບັນຍາກາດອັນເຄັ່ງຂຶມ ແລະສະເທື່ອນໃຈ, ບັນດາຜູ້ແທນໄດ້ພ້ອມກັນແບ່ງປັນ ແລະຫວນຄືນອະນຸສອນອັນເລິກເຊິ່ງກ່ຽວກັບຊີວິດ ແລະພາລະກິດ ກໍ່ຄືການປະກອບສ່ວນຢ່າງບໍ່ຢຸດຢັ້ງຂອງທ່ານນາງ Merle Ratner ຕໍ່ພາລະກິດຕໍ່ສູ້ ເພື່ອສັນຕິພາບ, ຄວາມຍຸຕິທຳທາງສັງຄົມ ແລະປົກປ້ອງສິດຂອງຜູ້ອອກແຮງງານຢູ່ ອາເມລິກາ ແລະໃນຫຼາຍປະເທດໃນໂລກ, ພິເສດແມ່ນຄວາມຮັກທີ່ຊື່ສັດບໍລິສຸດ, ອາລົມຈິດອັນສະໜິດສະໜົມ, ການປະກອບສ່ວນອັນໃຫຍ່ຫຼວງຂອງທ່ານນາງໃຫ້ແກ່ປະເທດຊາດ ແລະປະຊາຊົນຫວຽດນາມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/01/upload_2121/01032024-tt02-01.jpeg?dpi=150&quality=100&w=500) |
ທ່ານເອກອັກຄະລັດຖະທູດ ຫງວຽນກວກຢຸງ ພ້ອມດ້ວຍພັນລະຍາ ວາງດອກໄມ້ອາໄລຫາທ່ານນາງ Merle Ratner ທີ່ພິທີ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນທີ່ພິທີ, ຕາງໜ້າໃຫ້ພັກ, ລັດ ແລະ ປະຊາຊົນຫວຽດນາມ, ທ່ານ ຫງວຽນກວກຢຸງ ເອກອັກຄະລັດຖະທູດຫວຽດນາມ ປະຈຳ ອາເມລິກາ ສະແດງຄວາມອາໄລອາວອນຢ່າງສຸດຊຶ້ງ ຕໍ່ການຈາກໄປຂອງທ່ານນາງ Merle Ratner; ຢືນຢັນວ່າ ປະເທດຊາດ ແລະປະຊາຊົນຫວຽດນາມ ຍາມໃດກໍ່ຈົດຈຳ, ເຄົາລົບນັບຖືຕໍ່ອາລົມຈິດ, ການອຸທິດສ່ວນຂອງທ່ານນາງທີ່ມີຕໍ່ພາລະກິດຕໍ່ຕ້ານ, ຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ ແລະ ພາລະກິດພັດທະນາ, ເຊື່ອມໂຍງຂອງຫວຽດນາມ ກໍຄືໃນການເດີນທາງໄປຊອກຫາ ຄວາມຍຸຕິທຳໃຫ້ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ.
ໂດຍ: ທູຈາງ