ປະທານາທິບໍດີ ສະຫະລັດ ອາຣັບເອມິເຣດ ໄດ້ສະແດງຄວາມຊົມເຊີຍ ແລະຕີລາຄາສູງຕໍ່ຜົນງານທີ່ຫວຽດນາມ ບັນລຸໄດ້ໃນການສ້າງສາ, ພັດທະນາປະເທດຊາດ ແລະຢັ້ງຢືນວ່າ ສະຫະລັດ ອາຣັບເອມິເຣດ  ຖື ຫວຽດນາມ ເປັນຄູ່ຮ່ວມມືທ່ີສໍາຄັນຢູ່ພາກພື້ນອາຊີ-ປາຊີຟິກ, ປາດຖະໜາຢາກເພີ່ມທະວີການຮ່ວມມືກັບຫວຽດນາມ ໃນທຸກຂົງເຂດ. ທ່ານນາງ ຫວໍທິແອງຊວນ ຢັ້ງຢືນວ່າ ຫວຽດນາມ ກໍ່ຖືເປັນສໍາຄັນ ແລະປາດຖະໜາຢາກເພີ່ມທະວີການພົວພັນມິດຕະພາບ ແລະຮ່ວມມືຫຼາຍດ້ານກັບສະຫະລັດ ອາຣັບເອມິເຣດ, ຄູ່ຮ່ວມມືດ້ານເສດຖະກິດ, ການຄ້າ, ການລົງທຶນສໍາຄັນແຖວໜ້າຂອງຫວຽດນາມ ຢູ່ພາກພື້ນຕາເວັນອອກກາງ.

leftcenterrightdel
ທ່ານນາງ ຫວໍທິແອງຊວນ ແລະທ່ານ  Sheikh Mohamed bin Zayed Al Nahyan. ພາບ: ກະຊວງການຕ່າງປະເທດຫວຽດນາມ

ສອງຝ່າຍໄດ້ແລກປ່ຽນ ແລະເຫັນດີເປັນເອກະພາບກ່ຽວກັບບັນດາທິດທາງ, ມາດຕະການທີ່ຈະຜັນຂະຫຍາຍໃນໄລຍະຈະມາເຖິງເພື່ອຊຸກຍູ້ການຮ່ວມມືໃນຫຼາຍຂົງເຂດ, ຍົກສູງການພົວພັນຮ່ວມມືສອງຝ່າຍຂຶ້ນສູ່ລະດັບສູງໃໝ່. ສອງຝ່າຍເນັ້ນໜັກວ່າ ຕ້ອງໃຫ້ບຸລິມະສິດແກ່ການຊຸກຍູ້ການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຂັ້ນສູງ; ຕັ້ງໜ້າສົມທົບກັນຢ່າງແໜ້ນແຟ້ນ ແລະສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສ, ອົງການຈັດຕັ້ງສາກົນ ແລະພາກພື້ນ; ພ້ອມທັງເພີ່ມທະວີຈັດຕັ້ງການເຄື່ອນໄຫວພົບປະແລກປ່ຽນປະຊາຊົນ ແລະສະແດງວັດທະນະທໍາ, ສິລະປະ, ພິເສດແມ່ນໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ສະຫະລັດ ອາຣັບເອມິເຣດ ເພື່ອຮັດແໜ້ນນໍ້າໃຈມິດຕະພາບ, ເພີ່ມທະວີຄວາມເຂົ້າໃຈເຊິ່ງກັນ ແລະກັນລະຫວ່າງປະຊາຊົນສອງປະເທດ.

ສອງຝ່າຍສະແດງຄວາມປິຕິຊົມຊື່ນຕໍ່ບາດກ້າວພັດທະນາຢ່າງຕັ້ງໜ້າໃນການຮ່ວມມືເສດຖະກິດລະຫວ່າງສອງປະເທດໃນໄລຍະຜ່ານມາ, ວົງເງິນການຄ້າສອງຝ່າຍຫວ່າງມໍ່ໆມານີ້ສະເລ່ຍບັນລຸ 5 ຕື້ໂດລາສະຫະລັດ/ປີ. ບົນພື້ນຖານທ່າແຮງ ແລະຄວາມຕ້ອງການຂອງສອງປະເທດ, ສອງຝ່າຍກໍ່ເຫັນດີເປັນເອກະພາບເພີ່ມທະວີການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນ, ຄື: ຍູ້ແຮງການດຶງດູດການລົງທຶນ, ເປີດກວ້າງການຮ່ວມມືໃນຂົງເຂດນໍ້າມັນອາຍແກັດ, ພະລັງງານທົດແທນ, logistics, ກະສິກໍາ...

ໂດຍ: ເກື່ອງດັ້ງ