ສ.ເກົາຫຼີ-ຫວຽດນາມ ຊຸກຍູ້ການຮ່ວມມືດ້ານວັດທະນະທໍາ
ກປ.ອອນໄລ - ການພົວພັນໃນຂົງເຂດວັດທະນະທໍາລະຫວ່າງສ.ເກົາຫຼີ ແລະຫວຽດນາມ ມີການພົບປະແລກປ່ຽນເປີດກວ້າງ. ການພັດທະນາ ແລະເຕັກໂນໂລຢີຂອງ ສ.ເກົາຫຼີ ໄດ້ສົມທົບກັບຄຸນຄ່າວັດທະນະທຳຂອງຫວຽດນາມ ແນ່ນອນວ່າ ຈະສົ່ງຜົນສະທ້ອນຢ່າງໃຫຍ່ຫຼວງ, ບໍ່ພຽງແຕ່ຢູ່ພາກພື້ນອາຊີເທົ່ານັ້ນ.
ນີ້ແມ່ນຂໍ້ສັງເກດຂອງທ່ານ Hwang Hee ລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວສ.ເກົາຫຼີ ເມື່ອຕອບສໍາພາດຕໍ່ນັກນັກຂ່າວສໍານັກຂ່າວສານຫວຽດນາມ ປະຈໍາ ເຊີອູນ ເນື່ອງໃນໂອກາດປີ 2022, ສອງປະເທດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ (22-12-1992/22-12-2022).
|
|
ທ່ານ Hwang Hee ລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວສ.ເກົາຫຼີ. ພາບ: ສໍານັກຂ່າວສານຫວຽດນາມ. |
ຕາມທ່ານລັດຖະມົນຕີ Hwang Hee ແລ້ວ, ບັນດານະໂຍບາຍຂອງຫວຽດນາມ ທີ່ເຜີຍແຜ່ ແລະອັບເດດນັ້ນ, ໄດ້ສົມທົບໃສ່ກັບມູນເຊື້ອ, ຫຼັກການຂອງຊາວຫວຽດນາມ, ສ້າງເປັນເອກະລັກສະເພາະຂອງຫວຽດນາມ. ທ່ານ ໃຫ້ຮູ້ຕື່ມອີກວ່າ ທັງສອງປະເທດລ້ວນແຕ່ມີຄວາມສາມາດບົ່ມຊ້ອນ ແລະມີຄວາມສຸດໃຈດັ່ງນັ້ນແງ່ຫວັງການຮ່ວມມືສອງຝ່າຍຈຶ່ງໃຫຍ່ຫຼວງ. ສອງປະເທດມີຄວາມເຫັນດີເຫັນພ້ອມສະນັ້ນການພົວພັນແລກປ່ຽນວັດທະນະທໍາຈຶ່ງສວມບົດບາດສໍາຄັນ, ປະກອບສ່ວນສ້າງພື້ນຖານ ແລະແຫຼ່ງກໍາລັງໃຫ້ແກ່ການພັດທະນາແບບຍືນຍົງ.
ທ່ານລັດຖະມົນຕີ ຖືວ່າສອງຝ່າຍມີພື້ນຖານວັດທະນະທໍາທີ່ຄ້າຍຄືກັນ, ຊາວ ສ.ເກົາຫຼີ ມີຄວາມລື້ງເຄີຍກັບວັດທະນະທໍາຫວຽດນາມ ແລະຊາວຫວຽດນາມ ກໍ່ມີຄວາມຮູ້ກ່ຽວກັບວັດທະນະທໍາສ.ເກົາຫຼີ ຫຼາຍພໍສົມຄວນ. ໃນຈໍານວນ 32 ສູນວັດທະນະທໍາສ.ເກົາຫຼີທີ່ເປີດຢູ່ 27 ປະເທດ, ສູນວັດທະນະທໍາທີ່ເປີດຢູ່ຫວຽດນາມ ແມ່ນສູນວັດທະນະທໍາແຫ່ງທໍາອິດຢູ່ອາຊີຕາເວັນອອກສ່ຽງໃຕ້ ແລະສວມບົດບາດແມ່ນທູດວັດທະນະທໍາລະຫວ່າງສອງປະເທດ. ສ.ເກົາຫຼີ ກໍ່ຈະມານະພະຍາຍາມເພື່ອແນະນໍາວັດທະນະທໍາຫວຽດນາມ ຢູ່ສ.ເກົາຫຼີ.
ໂດຍ: ໄຊນີດາ