ພັກກອມມູນິດກູບາ ແລະພັກປະເທດລັດເຊຍເອກະພາບ ຍາມໃດກໍ່ຖືເປັນສໍາຄັນການພົວພັນກັບພັກກອມມູນິດຫວຽດນາມ
ກປ.ອອນໄລ - ວັນທີ 28 ພຶດສະພາ, ທ່ານ ເລຮວ່າຍຈູງ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ໄດ້ເປັນປະທານສອງກອງປະຊຸມທາງໄກເພື່ອແຈ້ງໝາກຜົນກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XIII ຂອງພັກກອມມູນິດຫວຽດນາມ ກັບພັກກອມມູນິດກູບາ ແລະພັກປະເທດລັດເຊຍເອກະພາບ.
ທ່ານ ເລຮວ່າຍຈູງ ແຈ້ງໝາກຜົນກອງປະຊຸມໃຫຍ່ ຄັ້ງທີ XIII ຂອງພັກ; ບັນດາເນື້ອໃນຫຼັກຂອງເອກະສານກອງປະຊຸມໃຫຍ່ກ່ຽວກັບການພັດທະນາດ້ານເສດຖະກິດ, ວັດທະນະທໍາ, ສັງຄົມ, ກ່ຽວກັບການກໍ່ສ້າງພັກ ແລະລະບົບການເມືອງ, ກ່ຽວກັບແນວທາງນະໂຍບາຍການຕ່າງປະເທດ; ບັນດາຜົນງານກໍ່ຄືບັນດາຄວາມຫຍຸ້ງຍາກ, ສິ່ງຈໍາກັດ, ບັນດາເປົ້າໝາຍ, ທິດທາງ, ໜ້າທີ່ໃນໄລຍະຈະມາເຖິງ; ເປົ້າໝາຍພັດທະນາປະເທດຮອດປີ 2030 ແລະວິໄສທັດຮອດປີ 2045 ຕິດພັນກັບສອງຂີດໝາຍສໍາຄັນຍິ່ງແມ່ນ 100 ປີແຫ່ງວັນສ້າງຕັ້ງພັກກອມມູນິດຫວຽດນາມ ແລະ 100 ປີແຫ່ງວັນສ້າງຕັ້ງປະເທດ. ທ່ານ ເລຮວ່າຍຈູງ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສໍາຄັນ ແລະປາດຖະໜາຢາກເຮັດໃຫ້ການພົວພັນລະຫວ່າງພັກກອມມູນິດຫວຽດນາມ ແລະພັກກອມມູນິດກູບາ ແລະລະຫວ່າງພັກກອມມູນິດຫວຽດນາມ ກັບພັກປະເທດລັດເຊຍເອກະພາບເລິ່ກເຊິ່ງກວ່າອີກ.
|
|
ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ. |
ພັກກອມມູນິດກູບາ ແລະພັກປະເທດລັດເຊຍເອກະພາບ ຊົມເຊີຍພັກກອມມູນິດຫວຽດນາມ ຈັດຕັ້ງກອງປະຊຸມໃຫຍ່ ຄັ້ງທີ XIII ຂອງພັກສໍາເລັດຜົນ; ສະແດງຄວາມເຊື່ອໝັ້ນວ່າພາຍໃຕ້ການຊີ້ນໍາຂອງພັກກອມມູນິດຫວຽດນາມ ປະຊາຊົນຫວຽດນາມ ຈະປະຕິບັດແນວທາງໂດຍກອງປະຊຸມໃຫຍ່ ຄັ້ງທີ XIII ຂອງພັກວາງອອກຢ່າງມີໄຊ, ສືບຕໍ່ຍາດໄດ້ບັນດາຜົນງານອັນໃຫຍ່ຫຼວງໃນພາລະກິດກໍ່ສ້າງສັງຄົມນິຍົມຢູ່ຫວຽດນາມ. ພັກກອມມູນິດກູບາ ແລະພັກປະເທດລັດເຊຍເອກະພາບ ຢືນຢັນຍາມໃດກໍ່ຖືການພົວພັນຮ່ວມມືກັບພັກກອມມູນິດຫວຽດນາມ ເປັນສຳຄັນ, ຖືວ່ານັ້ນແມ່ນພື້ນຖານການເມືອງທີ່ສໍາຄັນເພື່ອຊຸກຍູ້, ເຮັດໃຫ້ການພົວພັນມິດຕະພາບແບບພິເສດຫວຽດນາມ-ກູບາ ກໍ່ຄືການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ-ສະຫະພັນລັດເຊຍເລິກເຊິ່ງກວ່າອີກ.
ໂດຍ: ໄຊນີດາ