ຈັດງານລ້ຽງຊົມເຊີຍຜົນສໍາເລັດກອງປະຊຸມໃຫຍ່ຜູ້ແທນ ຄັ້ງທີ IX ຂອງພັກແຮງງານ ສປປ.ເກົາຫຼີ
ກປ.ອອນໄລ - ຕອນຄໍ່າວັນທີ 31 ມີນາ, ຢູ່ຮ່າໂນ້ຍ, ສະຖານທູດ ສປປ.ເກົາຫຼີ ປະຈຳຫວຽດນາມ ໄດ້ຈັດຕັ້ງງານລ້ຽງຊົມເຊີຍຜົນສຳເລັດກອງປະຊຸມໃຫຍ່ຜູ້ແທນ ຄັ້ງທີ IX ຂອງພັກແຮງງານ ສປປ.ເກົາຫຼີ ໂດຍພາຍໃຕ້ການເປັນປະທານຂອງທ່ານ Ri Sung Guk ເອກອັກຄະລັດຖະທູດ ສປປ.ເກົາຫຼີ ປະຈຳຫວຽດນາມ.
ກ່າວຄຳເຫັນທີ່ພິທີ, ທ່ານ ເລຮວ່າຍຈູງ ລັດຖະມົນຕີກະຊວງການຕ່າງປະເທດຫວຽດນາມ ໄດ້ສົ່ງຄໍາອວຍພອນຂອງພັກ, ລັດຖະບານ, ປະຊາຊົນຫວຽດນາມ ມາຍັງພັກ, ລັດຖະບານ, ປະຊາຊົນ ສປປ.ເກົາຫຼີ ເນື່ອງໃນໂອກາດ ສປປ.ເກົາຫຼີ ຈັດຕັ້ງກອງປະຊຸມໃຫຍ່ຜູ້ແທນ ຄັ້ງທີ IX ຂອງພັກແຮງງານ ສ.ເກົາຫຼີ ປະສົບຜົນສຳເລັດ; ເຊື່ອໝັ້ນວ່າ ພາຍໃຕ້ການນຳພາຂອງພັກແຮງງານ ສປປ.ເກົາຫຼີ ໂດຍທ່ານ Kim Jong Un ເລຂາທິການໃຫຍ່, ປະທານກິດຈະການແຫ່ງລັດ ແຫ່ງ ສປປ.ເກົາຫຼີ ເປັນຜູ້ນຳຈະປະຕິບັດບັນດາເປົ້າໝາຍຍຸດທະສາດຂອງກອງປະຊຸມໃຫຍ່ ຄັ້ງທີ IX ຂອງພັກ ຢ່າງມີໄຊ, ສືບຕໍ່ນໍາປະເທດພັດທະນາຈະເລີນຮຸ່ງເຮືອງ, ຍົກສູງຊີວິດການເປັນຢູ່ຂອງປະຊາຊົນຢ່າງບໍ່ຢຸດຢັ້ງ.
    |
 |
|
ທ່ານ ເລຮວ່າຍຈູງ ລັດຖະມົນຕີກະຊວງການຕ່າງປະເທດຫວຽດນາມ ແລະທ່ານ Ri Sung Guk ເອກອັກຄະລັດຖະທູດ ສປປ.ເກົາຫຼີ. ພາບ: qdnd.vn |
ທ່ານ ເລຮວ່າຍຈູງ ຢືນຢັນວ່າ ໃນແນວທາງການພົວພັນຕ່າງປະເທດຂອງຕົນ, ຫວຽດນາມ ຍາມໃດກໍ່ຄືເປັນສໍາຄັນການພົວພັນກັບບັນດາປະເທດເພື່ອນມິດທີ່ເປັນມູນເຊື້ອທີ່ມີອຸດົມການສັງຄົມນິຍົມເຊັ່ນດຽວກັນ, ໃນນັ້ນມີ ສປປ.ເກົາຫຼີ; ເຊື່ອໝັ້ນວ່າບົນພື້ນຖານສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ຫວຽດນາມ-ສປປ.ເກົາຫຼີ, ດ້ວຍຄວາມຕັດສິນໃຈສູງຂອງການນຳສອງປະເທດ, ການຮ່ວມແຮງຮ່ວມໃຈ, ຄວາມສາມັກຄີຂອງທົ່ວປວງຊົນ, ສອງພັກ, ສອງລັດ ແລະປະຊາຊົນສອງປະເທດຈະສືບຕໍ່ປະຕິບັດມະຕິຂອງພັກ ຢ່າງມີໄຊ, ພັດທະນາປະເທດຊາດໃຫ້ກາຍເປັນປະເທດເຂັ້ມແຂງແຮງກ້າ, ຊີວິດການເປັນຢູ່ຂອງປະຊາຊົນນັບມື້ນັບອີ່ມໜໍາສໍາລານ, ຜາສຸກ.
|
|
 |
|
ບັນດາຜູ້ແທນຊົມງານວາງສະແດງທີ່ເຫດການ. ພາບ: qdnd.vn |
ໃນບົດກ່າວປາໄສທີ່ເຫດການ, ທ່ານ Ri Sung Guk ເອກອັກຄະລັດຖະທູດ ສປປ.ເກົາຫຼີ ປະຈໍາ ຫວຽດນາມ ຢືນຢັນການຖືເປັນສໍາຄັນ ແລະພັດທະນາສາຍພົວພັນກັບຫວຽດນາມ ຢ່າງບໍ່ຢຸດຢັ້ງ. ສປປ.ເກົາຫຼີ ຈະສືບຕໍ່ປັບປຸງ ແລະພັດທະນາສາຍພົວພັນມິດຕະພາບທີ່ເປັນມູນເຊື້ອ ກັບພັກກອມມູນິດຫວຽດນາມ ບົນເສັ້ນທາງກໍ່ສ້າງສັງຄົມນິຍົມ, ຕັ້ງໜ້າປະກອບສ່ວນເຂົ້າໃນກິດຈະການກໍ່ສ້າງໂລກທີ່ມີຄວາມຍຸຕິທຳ, ກ້າວໜ້າ, ເພີ່ມທະວີຄວາມສາມັກຄີ ແລະການຮ່ວມມືກັບບັນດາກຳລັງທີ່ກ້າວໜ້າໃນໂລກ.
ໂດຍ: ທູຈາງ