ກອງປະຊຸມ ຄັ້ງທີ 2 ຄະນະບໍລິຫານງານສູນກາງພັກ ສະໄໝທີ XIV ປິດລົງດ້ວຍຜົນສຳເລັດຢ່າງຈົບງາມ
ກປ.ອອນໄລ - ຕອນເຊົ້າວັນທີ 25 ມີນາ, ກອງປະຊຸມ ຄັ້ງທີ 2 ຄະນະບໍລິຫານງານສູນກາງພັກ ສະໄໝທີ XIV ກ້າວສູ່ວັນເຮັດວຽກທີ 3 ທີ່ສະໂມສອນໃຫຍ່. ສະຫາຍ ເລມິງຮຶງ, ກໍາມະການກົມການເມືອງ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ຕາງໜ້າກົມການເມືອງ ຄວບຄຸມເນື້ອໃນປຶກສາຫາລື.
    |
 |
|
ທ່ານເລຂາທິການໃຫຍ່ ໂຕເລີມ ກ່າວຄຳເຫັນທີ່ກອງປະຊຸມ. ພາບ: qdnd.vn |
ສູນກາງພັກ ແລະບັນດາຜູ້ແທນໄດ້ປຶກສາຫາລື, ປະກອບຄຳເຫັນກ່ຽວກັບເນື້ອໃນດັ່ງນີ້: (1) ແຜນພັດທະນາເສດຖະກິດ-ສັງຄົມ 5 ປີ ໄລຍະ 2026-2030; ແຜນການການເງິນແຫ່ງຊາດ 5 ປີ ໄລຍະ 2026-2030; ແຜນການລົງທຶນພາກລັດ ໄລຍະກາງ ໄລຍະ 2026-2030; ແຜນການກູ້ຢືມ, ຊໍາລະໜີ້ສາທາລະນະ 5 ປີ ໄລຍະ 2026-2030. (2) ກ່ຽວກັບການສ້າງຕັ້ງນະຄອນ ດົ່ງນາຍ ເປັນນະຄອນຂຶ້ນກັບສູນກາງ. (3) ສະຫຼຸບ 20 ປີ ແຫ່ງການປະຕິບັດມະຕິສູນກາງພັກ ຄັ້ງທີ 5 ສະໄໝທີ X ກ່ຽວກັບການເພີ່ມທະວີວຽກງານກວດກາ, ຕິດຕາມກວດກາຂອງພັກ. (4) ສະຫຼຸບ 20 ປີ ແຫ່ງການປະຕິບັດມະຕິສູນກາງພັກ ຄັ້ງທີ 3 ສະໄໝທີ X ກ່ຽວກັບການເພີ່ມທະວີການນຳພາຂອງພັກ ຕໍ່ກັບວຽກງານສະກັດກັ້ນ, ຕ້ານການສໍ້ລາດບັງຫຼວງ, ຟຸ່ມເຟືອຍ.
|
|
 |
|
ບັນດາຜູ້ແທນລົງຄະແນນສຽງຮັບຮອງເອົາມະຕິກອງປະຊຸມ ຄັ້ງທີ 2 ຄະນະບໍລິຫານງານສູນກາງພັກ ສະໄໝທີ XIV. |
ສູນກາງພັກ ໄດ້ປຶກສາຫາລື, ປະກອບຄຳເຫັນກ່ຽວກັບບັນດາເນື້ອໃນດັ່ງກ່າວ ແລະລົງຄະແນນສຽງຮັບຮອງເອົາມະຕິກອງປະຊຸມ ຄັ້ງທີ 2 ຄະນະບໍລິຫານງານສູນກາງພັກ ສະໄໝທີ XIV. ສະຫາຍເລຂາທິການໃຫຍ່ ໂຕເລີມ ກ່າວຄຳເຫັນປິດກອງປະຊຸມ.
|
|
 |
|
ບັນຍາກາດທີ່ກອງປະຊຸມ. ພາບ: qdnd.vn |
ຄະນະບໍລິຫານງານສູນກາງພັກ ຮຽກຮ້ອງໃຫ້ທົ່ວພັກ, ທົ່ວປວງຊົນ, ທົ່ວກອງທັບ ເສີມຂະຫຍາຍມູນເຊື້ອຮັກຊາດ, ສາມັກຄີ, ເປັນເອກະພາບ, ມານະພະຍາຍາມສູ້ຊົນ, ຕັດສິນໃຈປະຕິບັດມະຕິກອງປະຊຸມ ຄັ້ງທີ 2 ຄະນະບໍລິຫານງານສູນກາງພັກ, ມະຕິກອງປະຊຸມໃຫຍ່ ຄັ້ງທີ XIV ຂອງພັກ ແລະບັນດາຕົວເລກຄາດໝາຍ, ໜ້າທີ່ພັດທະນາເສດຖະກິດ-ສັງຄົມ ປີ 2026 ຢ່າງມີໄຊ; ຮ່ວມແຮງຮ່ວມໃຈ, ຕັດສິນໃຈ, ເດັດດຽວຂ້ຽວຂາດ ເພື່ອ ຊີວິດການເປັນຢູ່ທີ່ອີ່ມໜຳສຳລານ ແລະຜາສຸກຂອງປະຊາຊົນ.
ໂດຍ: ແສງເດືອນ