ທ່ານ Muhmamad Al-Menfi ຢືນຢັນວ່າ ລີບີ ປາດຖະໜາຢາກປັບປຸງ ແລະພັດທະນາການພົວພັນຮ່ວມມືທີ່ຫຼາຍຮູບຫຼາຍແບບກັບຫວຽດນາມ, ເປັນຕົ້ນແມ່ນຂົງເຂດເສດຖະກິິດ, ການຄ້າ, ການລົງທຶນ, ພະລັງງານ. ທ່ານ Muhmamad Al-Menfi ເນັ້ນໜັກວ່າ ລີບີ ຍາມໃດກໍ່ຕ້ອນຮັບ ແລະສ້າງເງື່ອນໄຂເພື່ອໃຫ້ບັນດາວິສາຫະກິດຕ່າງປະເທດ, ໃນນັ້ນມີວິສາຫະກິດຫວຽດນາມ ລົງທຶນໄປຍັງລີບີ. ພິເສດ, ລີບີ ຫວັງວ່າ ຫວຽດນາມ ໜູນຊ່ວຍ ແລະແບ່ງປັນບົດຮຽນກ່ຽວກັບການສ້າງປະເທດຄືນໃໝ່.

leftcenterrightdel
ທ່ານເອກອັກຄະລັດຖະທູດ ຫງວຽນນາມເຢືອງ ແລະທ່ານ Muhmamad Al-Menfi, ປະທານສະພາປະທານາທິບໍດີລີບີ. ພາບ: ສະຖານທູດຫວຽດນາມ ປະຈຳ ອີຢິບ

ສ່ວນທ່ານເອກອັກຄະລັດຖະທູດ ຫງວຽນນາມເຢືອງ ໃຫ້ຄໍາໝັ້ນສັນຍາຈະເຮັດຈົນສຸດຄວາມສາມາດຂອງຕົນ ເພື່ອປະກອບສ່ວນຊຸກຍູ້ການພົວພັນຮ່ວມມືສອງປະເທດນັບມື້ນັບເປີດກວ້າງ ແລະເຂົ້າສູ່ລວງເລິກ. ທ່ານເອກອັກຄະລັດຖະທູດ ຫງວຽນນາມເຢືອງ ສະເໜີໃຫ້ສອງປະເທດສືບຕໍ່ສະໜັບສະໜູນເຊິ່ງກັນແລະກັນຢູ່ບັນດາເວທີປາໄສຫຼາຍຝ່າຍ, ພິເສດແມ່ນໃນຂອບເຂດການຮ່ວມມືອາຊຽນ, ພ້ອມທັງຍູ້ແຮງການແລກປ່ຽນຄະນະ ແລະເປີດກວ້າງການຮ່ວມມືສອງຝ່າຍໃນໄລຍະຈະມາເຖິງ.

ໂດຍ: ຈາງຫງວຽນ