ທີ່ການຕ້ອນຮັບ, ທ່ານ ຟ້າມມິງຈິ໊ງ ນາຍົກລັດຖະມົນຕີ ສະເໜີ PCC ຮ່ວມມືກັບບັນດາວິສາຫະກິດຫວຽດນາມ ຢ່າງແໜ້ນແຟ້ນດ້ວຍບັນດາກິດຈະການ,  ຜະລິດຕະພັນລະອຽດ, ພົ້ນເດັ່ນຕິດກັບການຖ່າຍທອດເຕັກໂນໂລຢີ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງຫວຽດນາມ ແລະປະກອບສ່ວນຊຸກຍູ້ການພົວພັນສອງປະເທດພວມພັດທະນາດີງາມທີ່ສຸດ, ນໍາມາເຊິ່ງຜົນປະໂຫຍດໃຫ້ສອງຝ່າຍ.

ເນັ້ນໜັກເຖິງບົດບາດສໍາຄັນຂອງວຽກງານວາງແຜນຝັງດ້ວຍວິໄສທັດເບິ່ງກວ້າງມອງໄກ, ຄິດເລິກເຮັດໃຫຍ່, ທ່ານນາຍົກລັດຖະມົນຕີ ສະເໜີ PCC ສືບຕໍ່ຄົ້ນຄວ້າເຂົ້າຮ່ວມບັນດາໂຄງການທີ່ຫວຽດນາມ ເພື່ອແນໃສ່ຂຸດຄົ້ນມີປະສິດທິຜົນກວ່າບັນດາຂົງເຂດພັດທະນາ, ໃນນັ້ນໂຄງການລົດໄຟໃຕ້ດິນຈາກສະໜາມບິນເຕີນເຊິນເຍີດ ໄປຮອດສະໜາມບິນລອງແທ່ງ.

leftcenterrightdel
ທ່ານ ຟ້າມມິງຈິ໊ງ ນາຍົກລັດຖະມົນຕີ ຕ້ອນຮັບທ່ານ Yan Jiehe ຜູ້ກໍ່ຕ້ັງກຸ່ມບໍລິສັດກໍ່ສ້າງປາຊີຟິກ (ຈີນ). ພາບ: ສໍານັກຂ່າວສານຫວຽດນາມ

ສ່ວນທ່ານ Yan Jiehe ໃຫ້ຮູ້ວ່່າ PCC ໄດ້ຊະນະໃນການປະມູນ, ພວມຜັນຂະຫຍາຍ 3 ໂຄງການໃຫຍ່ຢູ່ຮ່າໂນ້ຍ, ລວມມີໂຄງການກໍ່ສ້າງຂົວຕື໊ລຽນ; ໂຄງການກໍ່ສ້າງຂົວ ງອັກໂຮ່ຍ; ໂຄງການກໍ່ສ້າງເສັ້ນທາງລົດໄຟຕົວເມືອງ ຮ່າໂນ້ຍ ສາຍເລກ 5 ວັນກາວ-ຮວ່າລາກ.

ລາຍງານເຖິງທ່ານນາຍົກລັດຖະມົນຕີ ກ່ຽວກັບສະພາບການຜັນຂະຫຍາຍບັນດາໂຄງການດັ່ງກ່າວ, ທ່ານ Yan Jiehe ກໍ່ລາຍງານແຜນການຮ່ວມມືຂອງ PCC ຢູ່ຫວຽດນາມ ໃນໄລຍະຈະມາເຖິງ; ສະແດງຄວາມປາດຖະໜາຢາກເຂົ້າຮ່ວມບັນດາໂຄງການໂຄງລ່າງໃຫຍ່, ສືບຕໍ່ຮ່ວມມືໄລຍະຍາວຢູ່ຫວຽດນາມ ຕາມການກໍານົດທິດເຊິ່ງທ່ານນາຍົກລັດຖະມົນຕີ ໄດ້ມີຄວາມຄິດເຫັນ.

ໂດຍ: ໄຊນີດາ