ທ່ານ ເລຂາທິການໃຫຍ່ ໂຕເລິມ ແລະພັນລະຍາ ສິ້ນສຸດການຢ້ຽມຢາມສະຫະລາຊະອານາຈັກ ອັງກິດ ແລະ ອຽກລັງເໜືອ ຢ່າງເປັນທາງການ ດ້ວຍຜົນສໍາເລັດຢ່າງຈົບງາມ

ທ່ານ ໂຕເລິມ ເລຂາທິການໃຫຍ່  ແລະທ່ານ Keir starmer ນາຍົກລັດຖະມົນຕີ ແຫ່ງສະຫະລາຊະອານາຈັກ ອັງກິດ ແລະອຽກລັງເໜືອ. ພາບ: vov.vn

ຕອນທ່ຽງວັນທີ 30 ຕຸລາ (ຕາມເວລາທ້ອງຖິ່ນ), ເຮືອບິນໂດຍສານ ທ່ານ ໂຕເລິມ ເລຂາທິການໃຫຍ່ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ໄດ້ອອກຈາກສະໜາມບິນ London Stansted ຢູ່ນະຄອນຫຼວງລອນດອນ, ສິ້ນສຸດການຢ້ຽມຢາມສະຫະລາຊະອານາຈັກອັງກິດ ແລະອຽກລັງເໜືອ ຢ່າງເປັນທາງການ ແຕ່ວັນທີ 28-30 ຕຸລາ ຕາມຄໍາເຊີນຂອງທ່ານ Keir starmer ນາຍົກລັດຖະມົນຕີ ແຫ່ງສະຫະລາຊະອານາຈັກ ອັງກິດ ແລະອຽກລັງເໜືອ ດ້ວຍຜົນສໍາເລັດຢ່າງຈົບງາມ.

ຂີດໝາຍອັນໂດດເດັ່ນຂອງການຢ້ຽມຢາມຄັ້ງນີ້ແມ່ນເລື່ອງ ຫວຽດນາມ ແລະອັງກິດ ເຫັນດີເປັນເອກະພາບຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ, ການພົວພັນຂັ້ນສູງສຸດໃນລະບົບຂອບເຂດຄູ່ຮ່ວມມືຂອງຫວຽດນາມ. ການຢ້ຽມຢາມສະຫະລາຊະອານາຈັກ ອັງກິດ ແລະອຽກລັງເໜືອ ຢ່າງເປັນທາງການຂອງ ທ່ານ ໂຕເລິມ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຂອງຫວຽດນາມ ໃນຄັ້ງນີ້ແມ່ນດຳເນີນກົງກັບໂອກາດວັນຄົບຮອບ 15 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດຫວຽດນາມ-ສະຫະລາຊະອານາຈັກ ອັງກິດ ແລະອຽກລັງເໜືອ (2010-2025), ນັ້ນແມ່ນຂີດໝາຍອັນສໍາຄັນ ເພື່ອໃຫ້ສອງປະເທດພ້ອມກັນທົບທວນຄືນເສັ້ນທາງການຮ່ວມມືທີ່ຜ່ານມາ, ຕີລາຄາບັນດາຜົນສຳເລັດອັນໂດດເດັ່ນ, ພ້ອມກັບການວາງອອກວິໄສທັດ ແລະກຳນົດທິດພັດທະນາໃໝ່ໃຫ້ສາຍພົວພັນສອງຝ່າຍໃນໄລຍະຕໍ່ໄປ.

ແຫຼ່ງຄັດຈາກ: vovworld.vn