ທີ່ການພົບປະ, ການນຳສອງທ່ານໄດ້ຊົມເຊີຍເລື່ອງສະພາແຫ່ງຊາດຫວຽດນາມ ແລະລັດຖະສະພາແບນຊິກ ໄດ້ສຳເລັດການລົງນາມໃນສັນຍາຮ່ວມມື (ເດືອນກຸມພາ 2025), ສ້າງພື້ນຖານອັນສຳຄັນ ເພື່ອໃຫ້ອົງການນິຕິບັນຍັດຂອງສອງປະເທດຫັນບັນດາຂົງເຂດຮ່ວມມືໃຫ້ປະກົດຜົນເປັນຈິງ.

leftcenterrightdel
ບັນຍາກາດທີ່ການເຮັດວຽກ. ພາບ: ກະຊວງການຕ່າງປະເທດຫວຽດນາມ

ທ່ານຮອງນາຍົກລັດຖະມົນຕີ ສະເໜີໃຫ້ແບນຊິກ ໃຫ້ສັດຕະຍາບັນສັນຍາປົກປ້ອງການລົງທຶນຫວຽດນາມ - ອີຢູ (EVIPA) ໃນປີ 2025 ໂດຍໄວ; ສະເໜີໃຫ້ ແບນຊິກ ໜູນຊ່ວຍຫວຽດນາມ ພັດທະນາເສດຖະກິດທະເລ, ໃນນັ້ນມີການພັດທະນາອາຊີບຫາປາແບບຍືນຍົງ ແລະມີສຽງເວົ້າຊຸກຍູ້ຄະນະກໍາມະການເອີຣົບ (EC) ລົບລ້າງບັດເຫຼືອງ IUU ສໍາລັບສິ້ນໃນນໍ້າຂອງຫວຽດນາມ.

ທ່ານ Peter De Roover ຢືນຢັນວ່າ: ແບນຊິກ ຖືເປັນສຳຄັນການຊຸກຍູ້ການຮ່ວມມືຫຼາຍດ້ານກັບຫວຽດນາມ ໃນບັນດາຂົງເຂດ, ຄື: ການຄ້າ - ການລົງທຶນ, ກະສິກຳເຕັກໂນໂລຊີສູງ, ທ່າກຳປັ່ນ - logistics ສະຫຼາດ, ການປ່ຽນແປງຂອງດິນຟ້າອາກາດ...; ສະເໜີສອງຝ່າຍສືບຕໍ່ຜັນຂະຫຍາຍມະຕິຜ່ານບັນດາໂຄງການທີ່ລະອຽດເພື່ອໜູນຊ່ວຍຫວຽດນາມ ແກ້ໄຂຜົນຮ້າຍຢ້ອນຫຼັງຈາກສົງຄາມ.

ທ່ານ ບຸ່ຍແທງເຊີນ ຮອງນາຍົກລັດຖະມົນຕີ ໄດ້ຂອບໃຈ, ຕີລາຄາສູງເລື່ອງສະພາຕໍ່າແບນຊິກ ແມ່ນລັດຖະສະພາຕ່າງປະເທດແຫ່ງທຳອິດໄດ້ຮັບຮອງເອົາມະຕິກ່ຽວກັບການໜູນຊ່ວຍຜູ້ຖືກເຄາະຮ້າຍຈາກທາດພິດສີສົ້ມຂອງຫວຽດນາມ.

ໂດຍ: ຈາງຫງວຽນ