ກ່າວຄຳເຫັນນະທີ່ນີ້, ທ່ານ ຟ້າມມິງຈີ້ງ ເນັ້ນໜັກວ່າ ກອງປະຊຸມ FIATA 2025 ດ້ວຍຫົວຂໍ້ “Logistics ສີຂຽວ, ການປັບຕົວຢ່າງວ່ອງໄວ” ແມ່ນເຫດການທີ່ມີຄວາມໝາຍສຳຄັນເປັນພິເສດ. ນີ້ບໍ່ພຽງແຕ່ແມ່ນໂອກາດເພື່ອໃຫ້ປະຊາຄົມ logistics ທົ່ວໂລກໄດ້ພົບປະ ແລະເຊື່ອມຕໍ່ການຮ່ວມມືເທົ່ານັ້ນ, ຫາກຍັງເປັນເວທີປາໄສເພື່ອໃຫ້ພວກເຮົາ ພ້ອມກັນປຶກສາຫາລືກ່ຽວກັບທ່າອ່ຽງໃໝ່, ຊອກຫາມາດຕະການປະດິດສ້າງ, ມຸ່ງໄປເຖິງການພັດທະນາຂະແໜງ logistics ໃຫ້ທັນສະໄໝ, ສີຂຽວ, ຍືນຍົງ, ມີຄວາມສາມາດປັບຕົວຢ່າງສູງຕໍ່ສະພາບການໂລກທີ່ຜັນແປຢ່າງບໍ່ຢຸດຢັ້ງຄືໃນປັດຈຸບັນ.

leftcenterrightdel
ທ່ານ ຟ້າມມິງຈີ້ງ ນາຍົກລັດຖະມົນຕີ ກ່າວຄໍາເຫັນທີ່ກອງປະຊຸມສະຫະພັນບັນດາສະມາຄົມຜູ້ຮັບຈັດການຂົນສົ່ງສາກົນ  2025 (FIATA World Congress 2025). ພາບ: VGP

ເລື່ອງ FIATA ເລືອກເອົາຫວຽດນາມ ເປັນປະເທດເຈົ້າພາບຈັດກອງປະຊຸມປີນີ້ ແລະເລືອກເອົານະຄອນຫຼວງຮ່າໂນ້ຍ ເປັນສະຖານທີ່ຈັດກອງປະຊຸມ ແມ່ນສະແດງໃຫ້ເຫັນຄວາມເຊື່ອໝັ້ນອັນໃຫຍ່ຫຼວງຂອງປະຊາຄົມສາກົນເວົ້າລວມ ແລະຂະແໜງ logistics ໂລກເວົ້າສະເພາະຕໍ່ບົດບາດ, ຄວາມສາມາດບົ່ມຊ້ອນ ແລະຄວາມຄາດຫວັງພັດທະນາຂອງຫວຽດນາມ ໃນຂົງເຂດ logistics. ພ້ອມກັນນັ້ນ, ນີ້ກໍແມ່ນໂອກາດອັນລ້ຳຄ່າເພື່ອໃຫ້ຫວຽດນາມ ສືບຕໍ່ແນະນຳໃຫ້ແກ່ເພື່ອນມິດສາກົນກ່ຽວກັບປະເທດຫວຽດນາມ ສັນຕິພາບ, ສະຖຽນລະພາບ, ປ່ຽນແປງໃໝ່, ຂະຫຍັນຂັນເຄື່ອນ, ໄມຕີຈິດມິດຕະພາບ ແລະຮັກແຂກ.

leftcenterrightdel
ບັນດາຜູ້ແທນຖ່າຍຮູບລວມທີ່ກອງປະຊຸມ FIATA World Congress 2025. ພາບ: VGP

ຕາມທ່ານນາຍົກລັດຖະມົນຕີ ແລ້ວ, ໃນສະພາບການໂລກາພິວັດ ແລະເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງໃນປັດຈຸບັນ, logistics ນັບມື້ນັບຢັ້ງຢືນບົດບາດເປັນ “ເສັ້ນເລືອດ” ຂອງພື້ນຖານເສດຖະກິດ, ເປັນຂົວຕໍ່ລະຫວ່າງການຜະລິດ, ການໝູນວຽນ, ການຈຳໜ່າຍ ແລະການບໍລິໂພກ.

ຕາມທ່ານນາຍົກລັດຖະມົນຕີ ແລ້ວ, ກອງປະຊຸມ FIATA ປີ 2025 ແມ່ນໂອກາດເພື່ອຊຸກຍູ້ການຮ່ວມມືຢ່າງແໜ້ນແຟ້ນກວ່າ, ພ້ອມກັນສ້າງຂະແໜງ logistics ທົ່ວໂລກໃຫ້ມີສີຂຽວກວ່າ, ສະຫຼາດກວ່າ, ທັນສະໄໝກວ່າ, ຂະແໜງ logistics ປະກອບສ່ວນຢ່າງຕັ້ງໜ້າເຂົ້າໃນການຄ້າ, ການລົງທຶນ, ການເຕີບໂຕ ແລະວັດທະນາຖາວອນລວມຂອງມວນມະນຸດ. ດ້ວຍທິດນໍາ “ສາມັກຄີ-ຮ່ວມມື-ຄວາມຮັບຜິດຊອບ-ພັດທະນາແບບຍືນຍົງ”, ຫວຽດນາມ ພ້ອມແລ້ວທີ່ຈະເປັນຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນສະຖານທີ່ປອດໄພ, ຈັບ​ອົກ​ຈັບ​ໃຈໃຫ້ປະຊາຄົມວິສາຫະກິດ logistics ສາກົນ.

ໂດຍ: ໄຊຊະນະ