ປະທານສະພາແຫ່ງຊາດກູບາ ຢ້ຽມຢາມຫໍພິພິທະພັນປະຫວັດສາດການທະຫານຫວຽດນາມ

ທ່ານ Esteban Lazo Hernández ປະທານສະພາແຫ່ງຊາດກູບາ ວາງກະຕາດອກໄມ້ຢູ່ຕໍ່ໜ້າກຸ່ມຮູບປັ້ນຊ່ຽວຊານການທະຫານກູບາ. ພາບ: ສໍານັກຂ່າວສານຫວຽດນາມ.

ທີ່ນີ້, ທ່ານ Esteban Lazo Hernández ແລະຄະນະໄດ້ວາງກະຕາດອກໄມ້ ທີ່ກຸ່ມຮູບປັ້ນເພື່ອສະແດງຄວາມຮູ້ບຸນຄຸນຕໍ່ຊ່ຽວຊານການທະຫານກູບາ; ຮັບຟັງການນຳສະເໜີ ແລະອະທິບາຍກ່ຽວກັບ 6 ຫົວຂໍ້ວາງສະແດງ ຄື: ສະໄໝຕົ້ນແຫ່ງການສ້າງສາ ແລະປົກປັກຮັກສາປະເທດຊາດ; ປົກປັກຮັກສາເອກະລາດແຫ່ງຊາດ (939-1858); ການຕ້ານພວກລ່າເມືອງຂຶ້ນຝຣັ່ງ ເພື່ອຍາດເອົາເອກະລາດແຫ່ງຊາດ (1858-1945); ການຕໍ່ສູ້ຕ້ານພວກລ່າເມືອງຂຶ້ນຝຣັ່ງ (1945-1954); ການຕໍ່ສູ້ຕ້ານຈັກກະພັດອາເມລິກາ (1954-1975); ການສ້າງສາ ແລະປົກປັກຮັກສາປະເທດຊາດ (1975-2024).

ທ່ານ Esteban Lazo Hernández ປະທານສະພາແຫ່ງຊາດກູບາ ຢ້ຽມຊົມວັດຖຸພັນທີ່ຫໍພິພິທະພັນປະຫວັດສາດການທະຫານຫວຽດນາມ. ພາບ: ສໍານັກຂ່າວສານຫວຽດນາມ

ທ່ານ Esteban Lazo Hernández ປະທານສະພາແຫ່ງຊາດກູບາ ຖ່າຍຮູບກັບເພື່ອນໜຸ່ມ ແລະປະຊາຊົນມາຢ້ຽມຊົມຫໍພິພິທະພັນປະຫວັດສາດການທະຫານຫວຽດນາມ. ພາບ: ສໍານັກຂ່າວສານຫວຽດນາມ.

ຫໍພິພິທະພັນປະຫວັດສາດການທະຫານຫວຽດນາມ ແມ່ນກິດຈະການທາງດ້ານວັດທະນະທໍາພິເສດດີເດັ່ນ ດ້ວຍບັນດາພາກສ່ວນວາງສະແດງ ເພື່ອໃຫ້ແຂກມາຢ້ຽມຊົມມີການພົວພັນ ແລະເຂົ້າໃຈກວ່າກ່ຽວກັບການຕໍ່ສູ້ຍາດເອົາເອກະລາດແຫ່ງຊາດຂອງປະຊາຊົນຫວຽດນາມ; ຜ່ານນັ້ນປະກອບສ່ວນອະນຸລັກຮັກສາ ແລະເສີມຂະຫຍາຍສິ່ງຍອດຢ້ຽມມໍລະດົກວັດທະນະທຳການທະຫານຂອງຊາດ, ຕອບສະໜອງຄວາມຮຽກຮ້ອງຕ້ອງການຂອງການຄົ້ນຄວ້າ, ສຶກສາຮໍ່າຮຽນ, ມາຢ້ຽມຊົມ, ຊົມໃຊ້ວັດທະນະທຳຂອງປະຊາຊົນທຸກຊັ້ນວັນນະຢູ່ພາຍໃນ ແລະຕ່າງປະເທດ.

ໂດຍ: ໄຊຊະນະ