ກອງປະຊຸມຂ່າວນັດສາມັນກະຊວງການຕ່າງປະເທດ:
ຫັນເນື້ອໃນສົນທະນາຂອງການນຳຂັ້ນສູງສອງປະເທດ ຫວຽດນາມ-ອາເມລິກາ ໃຫ້ເປັນລະອຽດ
ກປ.ອອນໄລ - ຕອນບ່າຍວັນທີ 3 ກໍລະກົດ, ທີ່ກອງປະຊຸມຂ່າວນັດສາມັນກະຊວງການຕ່າງປະເທດ, ເມື່ອຕອບຄຳຖາມຂອງນັກຂ່າວທີ່ສະເໜີໃຫ້ຮູ້ຄວາມເຫັນກ່ຽວກັບອັດຕາພາສີຕອບໂຕ້ ແຕ່ 20% ເຖິງ 40% ທີ່ທ່ານປະທານາທິບໍດີອາເມລິກາ Donald Trump ປະກາດພາຍຫຼັງການສົນທະນາທາງໂທລະສັບກັບທ່ານເລຂາທິການໃຫຍ່ ໂຕເລິມ ໃນຕອນຄ່ຳວັນທີ 2 ກໍລະກົດ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ ໃຫ້ຮູ້ວ່າ:
    |
 |
|
ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: ກະຊວງການຕ່າງປະເທດຫວຽດນາມ. |
ຕອນຄ່ຳວັນທີ 2 ກໍລະກົດ, ທ່ານ ໂຕເລິມ ເລຂາທິການໃຫຍ່ ໄດ້ສົນທະນາທາງໂທລະສັບກັບທ່ານ Donald Trump ປະທານາທິບໍດີອາເມລິກາ. ການນຳສອງທ່ານ ໄດ້ປຶກສາຫາລືກ່ຽວກັບການພົວພັນສອງຝ່າຍ, ໃນນັ້ນມີເນື້ອໃນປຶກສາຫາລືກ່ຽວກັບການຄ້າຕອບໂຕ້.
ທີ່ການສົນທະນາທາງໂທລະສັບ, ທ່ານ ໂຕເລິມ ໄດ້ຕີລາຄາສູງຄວາມເອົາໃຈໃສ່ຂອງທ່ານປະທານາທິບໍດີ Donald Trump ທີ່ມີຕໍ່ຫວຽດນາມ ແລະການພົວພັນລະຫວ່າງສອງປະເທດ. ສ່ວນຂໍ້ມູນທາງການກ່ຽວກັບການສົນທະນາທາງໂທລະສັບລະຫວ່າງທ່ານ ໂຕເລິມ ເລຂາທິການໃຫຍ່ ແລະທ່ານ Donald Trump ປະທານາທິບໍດີອາເມລິກາ ໂດຍສື່ມວນຊົນຫວຽດນາມ ໄດ້ລົງຂ່າວຢ່າງຄົບຖ້ວນ.
ປັດຈຸບັນ, ຄະນະເຈລະຈາຫວຽດນາມ ແລະອາເມລິກາ ພວມສົມທົບກັນແລກປ່ຽນເພື່ອແນໃສ່ຫັນເນື້ອໃນສົນທະນາຂອງການນຳຂັ້ນສູງສອງປະເທດໃຫ້ເປັນລະອຽດ.
ໂດຍ: ໄຊຊະນະ