ກ່າວຄຳເຫັນທີ່ພິທີມອບລາງວັນສື່ມວນຊົນແຫ່ງຊາດ ຄັ້ງທີ XIX, ທ່ານ ຟ້າມມິງຈິ໊ງ ນາຍົກລັດຖະມົນຕີ ເນັ້ນໜັກວ່າ ໃນຕະຫຼອດ 100 ປີປະຫວັດສາດ, ສື່ມວນຊົນປະຕິວັດຫວຽດນາມ ໄດ້ພັດທະນາຢ່າງບໍ່ຢຸດຢັ້ງ, ນັບມື້ນັບເຕີບໃຫຍ່ເຂັ້ມແຂງ, ຢືນຢັນບົດບາດແມ່ນອາວຸດດ້ານການເມືອງ, ວັດທະນະທຳ, ແນວຄິດທີ່ແຫຼມຄົມ, ສໍາຄັນ.

leftcenterrightdel
ທ່ານ ຟ້າມມິງຈິ໊ງ ນາຍົກລັດຖະມົນຕີ ແລະທ່ານ ຫງວຽນຈ້ອງເຫງັຍ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາ ແລະຂົນຂວາຍປະຊາຊົນສູນກາງພັກ, ໄດ້ມອບລາງວັນໃຫ້ນັກປະພັນ, ກຸ່ມນັກປະພັນທີ່ຍາດໄດ້ລາງວັນ A. ພາບ: qdnd.vn

ທ່ານນາຍົກລັດຖະມົນຕີ ຖືວ່າ ໃນການເດີນທາງພັດທະນາປະເທດຊາດ, ສື່ມວນຊົນປະຕິວັດມີບົດບາດສຳຄັນເປັນພິເສດ, ສ້າງກໍາລັງໜູນ, ສ້າງແຫຼ່ງບັນດານໃຈ ແລະຄວາມຄາດຫວັງພັດທະນາ, ສ້າງບັນດາຄຸນຄ່າໃໝ່ໃຫ້ແກ່ປະເທດຊາດ; ມຸ່ງໄປເຖິງຄວາມຄາດຫວັງກ່ຽວກັບປະເທດຫວຽດນາມ ເຂັ້ມແຂງແຮງກ້າ, ວັດທະນາຖາວອນ ແລະເຕັມໄປດ້ວຍຄວາມກະລຸນາ; ແຜ່ຂະຫຍາຍຄວາມຄາດຫວັງໃຫ້ໝູ່ປະຊາຊົນທຸກຊັ້ນວັນນະທົ່ວສັງຄົມຢ່າງເລິກເຊິ່ງກວ້າງຂວາງ.

ທ່ານ ຟ້າມມິງຈິ໊ງ ນາຍົກລັດຖະມົນຕີ ກໍ່ຮຽກຮ້ອງສື່ມວນຊົນປະຕິວັດຕ້ອງນໍາໜ້າໃນການກຳແໜ້ນ, ນຳໃຊ້ເຕັກໂນໂລຢີທີ່ທັນສະໄໝເພື່ອຍົກລະດັບປະສິດທິຜົນຂອງສື່ມວນຊົນ; ພ້ອມທັງ, ຕ້ອງເປັນເວທີປາໄສທີ່ເປີດກ້ວາງໃຫ້ປະຊາຊົນສະແດງຄວາມຄິດເຫັນ, ຄວາມມຸ່ງມາດປາດຖະໜາ, ເຂົ້າຮ່ວມການຕິດຕາມກວດກາ ແລະໄຈ້ແຍກຕີລາຄາສັງຄົມ.

leftcenterrightdel
ທ່ານ ຟ້າມມິງຈິ໊ງ ນາຍົກລັດຖະມົນຕີ, ທ່ານ ຫງວຽນຈ້ອງເຫງັຍ ແລະນັກປະພັນທີ່ຍາດໄດ້ລາງວັນສື່ມວນຊົນແຫ່ງຊາດ ຄັ້ງທີ XIX ຂອງໜັງສືພິມກອງທັບປະຊາຊົນຫວຽດນາມ ແລະຜູ້ແທນເຂົ້າຮ່ວມພິທີມອບລາງວັນ. ພາບ: qdnd.vn

ໃນພິທີມອບລາງວັນ, ຄະນະຈັດຕັ້ງໄດ້ມອບ 13 ລາງວັນ A, 27 ລາງວັນ B, ແລະ49 ລາງວັນ C ໃຫ້ແກ່ບັນດານັກປະພັນ, ກຸ່ມນັກປະພັນທີ່ມີບົດຂ່າວອັນດີເດັ່ນ. ໜັງສືພິມກອງທັບປະຊາຊົນຫວຽດນາມ ຍາດໄດ້ 1 ລາງວັນ A ແລະ 1 ລາງວັນ B.

ໂດຍ: ຈາງຫງວຽນ