ອຳນວຍຄວາມສະດວກໃຫ້ບັນດານັກລົງທຶນອາເມລິກາ ດຳເນີນທຸລະກິດຢູ່ ຫວຽດນາມ ຢ່າງມີປະສິດທິຜົນ

ທ່ານ ຟ້າມມິງຈິ໊ງ ຕີລາຄາສູງການຮ່ວມມືລົງທຶນກໍ່ຄືການປະກອບສ່ວນແທດຈິງ ແລະມີປະສິດທິຜົນຂອງກຸ່ມບໍລິສັດ HP ຢູ່ຫວຽດນາມ. ທ່ານນາຍົກລັດຖະມົນຕີ ຟ້າມມິງຈິ໊ງ ໃຫ້ຮູ້ວ່າ ລັດຖະບານຫວຽດນາມ ໃຫ້ຄຳໝັ້ນສັນຍາຈະສ້າງທຸກເງື່ອນໄຂສະດວກ, ໃນນັ້ນມີການປະຕິຮູບກົນໄກ, ເພື່ອໃຫ້ນັກລົງທຶນຕ່າງປະເທດ, ໃນນັ້ນມີອາເມລິກາ, ດໍາເນີນທຸລະກິດຢູ່ຫວຽດນາມ ມີປະສິດທິຜົນ, ຮັບປະກັນປະຕິບັດຂໍ້ກໍານົດກົດໝາຍ, ແກ້ໄຂຂໍ້ຕິດຂັດບົນຈິດໃຈຜົນປະໂຫຍດກົມກ່ຽວກັນ, ແບ່ງປັນຄວາມສ່ຽງ, ພ້ອມເຮັດ, ພ້ອມຊະນະ, ພ້ອມພັດທະນາ.

ທ່ານ ຟ້າມມິງຈິ໊ງ ນາຍົກລັດຖະມົນຕີ ຕ້ອນຮັບທ່ານ Antoine Colin ຮອງປະທານຂັ້ນສູງຮັບຜິດຊອບທົ່ວໂລກກ່ຽວກັບການຫັນປ່ຽນດີຈີຕອນ ແລະຕ່ອງໂສ້ການສະໜອງຂອງກຸ່ມບໍລິສັດ HP (ອາເມລິກາ). ພາບ: ສໍານັກຂ່າວສານຫວຽດນາມ

ເຫັນດີເປັນເອກະພາບກັບບັນດາຄໍາຄິດເຫັນຂອງທ່່ານ ຟ້າມມິງຈິ໊ງ ນາຍົກລັດຖະມົນຕີ, ທ່ານ Antoine Colin ເຊື່ອໝັ້ນວ່າ ຫວຽດນາມ ແລະອາເມລິກາ ຈະຊອກອອກມາດຕະການກ່ຽວກັບພາສີທີ່ດີໃຫ້ທັງສອງຝ່າຍ ແລະກຸ່ມບໍລິສັດ HP ຈະສະໜັບສະໜູນຫວຽດນາມ ໃນວິວັດການເຈລະຈາ; ເນັ້ນໜັກວ່່າ ຫວຽດນາມ ແມ່ນຕະຫຼາດສໍາຄັນເຊິ່ງກຸ່ມບໍລິສັດ HP ເຊື່ອໝັ້ນວ່າ ຈະບັນລຸໄດ້ຜົນສໍາເລັດ; ຊົມເຊີຍຫວຽດນາມ ບັນລຸໄດ້ລະດັບເຕີບໂຕເສດຖະກິດປະທັບໃຈ; ຕີລາຄາຫວຽດນາມ ພວມຫັນປ່ຽນຢ່າງແຂງແຮງໃນການປະຕິຮູບສິ່ງແວດລ້ອມການລົງທຶນດໍາເນີນທຸລະກິດ ແລະມີກາລະໂອກາດ ເພື່ອຍົກສູງຄວາມແກ່ງແຍ້ງແຫ່ງຊາດ.

ສ່ອງແສງຄືນກ່ຽວກັບພາສີ, ທ່ານ ຟ້າມມິງຈິ໊ງ ໃຫ້ຮູ້ວ່າ ສະພາແຫ່ງຊາດ, ລັດຖະບານຫວຽດນາມ ໄດ້ ແລະພວມສືບຕໍ່ປະກາດໃຊ້ບັນດາກົດໝາຍ, ມະຕິເພື່ອແກ້ໄຂຂໍ້ຕິດຂັດຂອງວິສາຫະກິດ, ນັກລົງທຶນບົນຈິດໃຈໃກ້ກັບຕົວຈິງ, ສອດຄ່ອງກັບທຳນຽມສາກົນ. ທ່ານ ຟ້າມມິງຈິ໊ງ ສະເໜີກຸ່ມບໍລິສັດ HP ສືບຕໍ່ແລກປ່ຽນກັບກະຊວງການເງິນ ແລະບັນດາກະຊວງ, ຂະແໜງການທີ່ກ່ຽວຂ້ອງໃນວິວັດການສ້າງເອກະສານແນະນໍາ, ໝູນໃຊ້ຂໍ້ກໍານົດລວມໃຫ້ຫຼາຍທີ່ສຸດ ແລະສາມາດມີນະໂຍບາຍພິເສດດ້ວຍຈິດໃຈສົ່ງເສີມໂຄງການລົງທຶນຂະໜາດໃຫຍ່, ເຕັກໂນໂລຢີສູງ, ຖ່າຍທອດເຕັກໂນໂລຢີກ້າວໜ້າ, ທັນສະໄໝ.

ໂດຍ: ໄຊນີດາ