ກ່າວຄໍາເຫັນທີ່ພິທີ, ທ່ານ ຟ້າມມິງຈີ້ງ ຢັ້ງຢືນວ່າ, ນີ້ແມ່ນເຫດການສໍາຄັນ, ໃນເວລາອັນສໍາຄັນ ແລະມີຄວາມໝາຍສໍາຄັນ; ດ້ວຍຈິດໃຈ “ໄວກວ່າອີກ, ກ້າຫານກວ່າອີກ” ຂອງຊຸມວັນເດືອນເມສາ ປະຫວັດສາດ ກ່ອນນີ້ 50 ປີ, ເພື່ອຫັນເປັນລະອຽດ ແລະນໍາບັນດາແຜນນະໂຍບາຍ, ແນວທາງຂອງພັກ ທີ່ມະຕິເລກທີ 57-NQ/TW ວ່າດ້ວຍການບຸກທະລຸພັດທະນາວິທະຍາສາດ, ເຕັກໂນໂລຊີ, ປ່ຽນແປງໃໝ່ປະດິດສ້າງ ແລະຫັນເປັນດີຈີຕອນແຫ່ງຊາດ ເຂົ້າໃນຊີວິດຕົວຈິງ.
    |
 |
|
ທ່ານ ຟ້າມມິງຈີ້ງ ນາຍົກລັດຖະມົນຕີ ກ່າວຄໍາເຫັນທີ່ພິທີປຸກລະດົມຂະບວນການ “ທົ່ວປະເທດແຂ່ງຂັນປ່ຽນແປງໃໝ່ປະດິດສ້າງ ແລະຫັນເປັນດີຈີຕອນ”. ພາບ: baochinhphu.vn |
ດ້ວຍຈິດໃຈ “ການແຂ່ງຂັນແມ່ນຄວາມຮັກຊາດ, ຄວາມຮັກຊາດແມ່ນຕ້ອງແຂ່ງຂັນ. ຜູ້ແຂ່ງຂັນ ແມ່ນຜູ້ຮັກຊາດທີ່ສຸດ” ຄື ຄໍາສັ່ງສອນຂອງປະທານ ໂຮ່ຈິມີນ ຜູ້ນໍາທີ່ແສນເຄົາລົບຮັກ, ທ່ານນາຍົກລັດຖະມົນຕີ ຮຽກຮ້ອງໃຫ້ທຸກຂັ້ນ, ທຸກຂະແໜງການ, ບັນດາທ້ອງຖິ່ນ, ວິສາຫະກິດ ແລະປະຊາຊົນທົ່ວປະເທດ ສຸມໃສ່ເສີມຂະຫຍາຍມູນເຊື້ອຮັກຊາດ, ກໍາລັງແຮງສັງລວມຂອງທົ່ວລະບົບການເມືອງ, ການເຂົ້າຮ່ວມຢ່າງຕັ້ງໜ້າຂອງນັກທຸລະກິດ, ວິສາຫະກິດ, ນັກວິທະຍາສາດ, ປັນຍາຊົນ ແລະປະຊາຊົນ.
|
|
 |
|
ທ່ານ ຟ້າມມິງຈີ້ງ ນາຍົກລັດຖະມົນຕີ ແລະບັນດາຜູ້ແທນ ປະຕິບັດພິທີປຸກລະດົມຂະບວນການ “ທົ່ວປະເທດ ແຂ່ງຂັນປ່ຽນແປງໃໝ່ປະດິດສ້າງ ແລະຫັນເປັນດີຈີຕອນ”. ພາບ: baodautu.vn |
ເພື່ອປະຕິບັດສໍາເລັດຂະບວນການ “ທົ່ວປະເທດແຂ່ງຂັນປ່ຽນແປງໃໝ່ປະດິດສ້າງ ແລະຫັນເປັນດີຈີຕອນ”, ທ່ານນາຍົກລັດຖະມົນຕີ ຊີ້ນໍາຄະນະພັກ, ອໍານາດການປົກຄອງ, ພິເສດແມ່ນຜູ້ນໍາໜ້າ ຕ້ອງນໍາໜ້າໃນການຍົກສູງຄວາມສາມາດດ້ານດີຈີຕອນ, ຊຸກຍູ້ການປ່ຽນແປງໃໝ່ປະດິດສ້າງຢູ່ທ້ອງຖິ່ນ ແລະອົງການຂອງຕົນ ດ້ວຍຈິດໃຈ “ແນວຄິດຕ້ອງຜ່ານ, ການຕັດສິນໃຈຕ້ອງສູງ, ຄວາມມານະພະຍາຍາມກໍຕ້ອງສູງ, ການກະທໍາຕ້ອງຂ້ຽວຂາດ, ມີຈຸດສຸມ, ຈຸດໃຈກາງ, ເຮັດວຽກໃດກໍຕ້ອງໃຫ້ສໍາເລັດວຽກນັ້ນຢ່າງຂາດຂັ້ນ”, “ໃຫ້ເວົ້າເຮັດ, ບໍ່ໃຫ້ເວົ້າບໍ່ເຮັດ”.
|
|
 |
|
ທ່ານ ຟ້າມມິງຈີ້ງ ນາຍົກລັດຖະມົນຕີ ຢ້ຽມຊົມຮ້ານວາງສະແດງການປ່ຽນແປງໃໝ່ປະດິດສ້າງ ແລະຫັນເປັນດີຈີຕອນຂອງສະຖາບັນເຕັກໂນໂລຊີໄປສະນີ ແລະໂທລະຄົມມະນາຄົມ. ພາບ: baochinhphu.vn |
ປະກາດປຸກລະດົມຂະບວນການ “ທົ່ວປະເທດແຂ່ງຂັນປ່ຽນແປງໃໝ່ປະດິດສ້າງ ແລະຫັນເປັນດີຈີຕອນ”, ທ່ານນາຍົກລັດຖະມົນຕີ ເນັ້ນໜັກວ່າ ດ້ວຍການຕັດສິນໃຈດ້ານການເມືອງສູງ, ດ້ວຍຈິດໃຈສາມັກຄີ, ມີຫົວຄິດປະດິດສ້າງ ແລະຄວາມມຸ່ງຫວັງພັດທະນາຢ່າງແຮງຂອງຊາດ, ຂະບວນການ ຈະແຜ່ຂະຫຍາຍຢ່າງເລິກເຊິ່ງກວ້າງຂວາງ, ສ້າງກໍາລັງໜູນໃໝ່, ກໍາລັງແຮງໃໝ່ ເພື່ອໃຫ້ປະເທດ ກ້າວເຂົ້າສູ່ສັງກາດບືນຕົວຂຶ້ນຂອງຊາດ ຢ່າງໝັ້ນຄົງ.
ກ່ອນໜ້ານັ້ນ, ທ່ານນາຍົກລັດຖະມົນຕີ ແລະບັນດາຜູ້ແທນ ໄດ້ຢ້ຽມຊົມການວາງສະແດງຜະລິດຕະພັນນະວັດຕະກໍາ, ຫັນເປັນດີຈີຕອນຂອງມະຫາວິທະຍາໄລ ແລະວິສາຫະກິດຈໍານວນໜຶ່ງ ຢູ່ໃນຂອບເຂດສະຖາບັນ ເຕັກໂນໂລຊີໄປສະນີ ແລະໂທລະຄົມມະນາຄົມ.
ໂດຍ: ໄຊຊະນະ