ຫວຽດນາມ ບັນລຸບັນດາຜົນງານໃນການຮັບປະກັນສິດເສລີໃນການເຫຼື້ອມໃສ ສາສະໜາ
ກປ.ອອນໄລ - ວັນທີ 4 ທັນວາ, ທີ່ຮ່າໂນ້ຍ, ທ່ານ ຟານແອັງເຊີນ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ (VUFO) ໄດ້ຕ້ອນຮັບຄະນະຜູ້ແທນຄຸນພໍ່ ສາສະໜາໂປແຕສຕັງ ສາກົນ ແລະພະນັກງານສອງຄົນຂອງສະຖາບັນເຊື່ອມຕໍ່ທົ່ວໂລກ (IGE/ອາເມລິກາ), ນໍາໂດຍ ຄຸນພໍ່ Bob Roberts ປະທານ IGE ທີ່ພວມມີການຢ້ຽມຢາມຫວຽດນາມ ແຕ່ວັນທີ 1 ຫາວັນທີ 6 ທັນວາ.
    |
 |
|
ທ່ານ ຟານແອັງເຊີນ ປະທານ VUFO ແນະນໍາໂດຍສັງເຂບກ່ຽວກັບການເຄື່ອນໄຫວຂອງ VUFO, ສະພາບການພັດທະນາຂອງຫວຽດນາມ, ແຜນນະໂຍບາຍ, ນະໂຍບາຍ, ກົດໝາຍທີ່ກ່ຽວຂ້ອງເຖິງສາສະໜາຂອງຫວຽດນາມ. ພາບ: qdnd.vn |
|
|
 |
|
ຄຸນພໍ່ Bob Roberts (ຢູ່ນອກເບື້ອງຂວາ) ແລະບັນດາສະມາຊິກໃນຄະນະ ຮັບຟັງການແບ່ງປັນຂອງທ່ານ ຟານແອັງເຊີນ ປະທານ VUFO. ພາບ: qdnd.vn |
ທີ່ການຕ້ອນຮັບ, ທ່ານ ຟານແອັງເຊີນ ປະທານ VUFO ໄດ້ແນະນໍາໂດຍສັງເຂບກ່ຽວກັບການເຄື່ອນໄຫວຂອງ VUFO, ສະພາບການພັດທະນາຂອງຫວຽດນາມ, ການພົວພັນຫວຽດນາມ-ອາເມລິກາ; ແຜນນະໂຍບາຍ, ນະໂຍບາຍ, ກົດໝາຍທີ່ກ່ຽວຂ້ອງເຖິງສາສະໜາຂອງຫວຽດນາມ... ທ່ານປະທານ VUFO ສະແດງຄວາມເຊື່ອໝັ້ນວ່າ ຜ່ານການຢ້ຽມຢາມຄັ້ງນີ້, ຄຸນພໍ່ Bob Roberts ແລະຄະນະ ຈະປະກອບສ່ວນໂຄສະນາຮູບພາບຫວຽດນາມ ທີ່ສວຍງາມ, ຮັກແຂກແພງຄົນ, ຫຼາກຫຼາຍ, ອຸດົມສົມບູນ ແລະເສລີໃນການເຫຼື້ອມໃສ, ສາສະໜາ ເຖິງລັດຖະບານ, ປະຊາຊົນອາເມລິກາ ແລະເພື່ອນມິດສາກົນ.
|
|
 |
|
ບັນດາຜູ້ແທນຖ່າຍຮູບລວມ. ພາບ: qdnd.vn |
ສະແດງຄວາມປິຕິຊົມຊື່ນເມື່ອໄດ້ກັບມາຢ້ຽມຢາມຫວຽດນາມ, ຄຸນພໍ່ Bob Roberts ຕີລາຄາສູງຄວາມມານະພະຍາຍາມຢ່າງບໍ່ຢຸດຢັ້ງຂອງຫວຽດນາມ ໃນການຮັບປະກັນສິດເສລີໃນການເຫຼື້ອມໃສສາສະໜາໃຫ້ປະຊາຊົນ. ຄຸນພໍ່ Bob Roberts ສະແດງຄວາມຫວັງວ່າ ການຢ້ຽມຢາມຂອງຄະນະ ຈະຊ່ວຍໃຫ້ບັນດາສະມາຊິກ ຊອກຮູ້ກ່ຽວກັບນະໂຍບາຍ, ກົດໝາຍທີ່ກ່ຽວຂ້ອງເຖິງ ສາສະໜາ, ຮຽນຮູ້, ແບ່ງປັນບົດຮຽນກ່ຽວກັບຮູບການດໍາເນີນຊີວິດສາສະໜາ ຢູ່ຫວຽດນາມ.
ໃນໄລຍະຢ້ຽມຢາມຫວຽດນາມ, ຄະນະ ໄດ້ມີການພົບປະ, ເຮັດວຽກກັບກະຊວງການຕ່າງປະເທດ, ສະຖາບັນການເມືອງແຫ່ງຊາດ ໂຮ່ຈີມິນ, ຄະນະສາສະໜາລັດຖະບານ...
ໂດຍ: ກວຽດເຕິມ