ປະທານສະພາແຫ່ງຊາດ ເຈີ່ນແທັງເໝິນ ພົບປະກັບສົມເດັດພະເຈົ້າຈັກກະພັດ ຍີ່ປຸ່ນ

ທີ່ການພົບປະ, ທ່ານ ເຈີ່ນແທັງເໝິນ ໄດ້ສະແດງຄວາມປິຕິຊົມຊື່ນຕໍ່ການພັດທະນາອັນດີງາມ, ຮອບດ້ານຂອງການພົວພັນ ຫວຽດນາມ - ຍີ່ປຸ່ນ ແລະອາລົມຈິດທີ່ນັບມື້ນັບສະໜິດສະໜົມຂອງປະຊາຊົນສອງປະເທດ ດ້ວຍຂີດໝາຍສໍາຄັນຂອງປີ 2023 ແມ່ນການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະຄວາມວັດທະນາຖາວອນ ຢູ່ອາຊີ ແລະໃນໂລກ, ການຈັດຕັ້ງການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດສໍາເລັດຜົນ.

ສົມເດັດພະເຈົ້າຈັກກະພັດ ຍີ່ປຸ່ນ Naruhito ແລະມະເຫສີ Masako ກັບທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ແລະພັນລະຍາ.

ທ່ານປະທານສະພາແຫ່ງຊາດ ເຈິ່ນແທັງເໝິນ ສະແດງຄວາມປະທັບໃຈຢ່າງເລິກເຊິ່ງຕໍ່ປະເທດ ແລະຊາວຍີ່ປຸ່ນ; ປາດຖະໜາວ່າ ພະບໍລົມວົງສານຸວົງຍີ່ປຸ່ນ  ຈະສືບຕໍ່ເອົາໃຈໃສ່ ແລະສະໜັບສະໜູນການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ ໃຫ້ສືບຕໍ່ພັດທະນາເພື່ອສັນຕິພາບ ແລະຄວາມວັດທະນາຖາວອນຢູ່ອາຊີ ແລະໃນໂລກ.

* ຕອນເຊົ້າ 4 ທັນວາ, ທ່ານ ເຈີ່ນແທັງເໝິນ ປະທານສະພາແຫ່ງຊາດຫວຽດນາມ ໄດ້ມີການພົບປະສອງຝ່າຍກັບທ່ານ Nukaga Fukushiro, ປະທານສະພາຕໍ່າຍີ່ປຸ່ນ.

ທີ່ການພົບປະສອງຝ່າຍ, ການນຳສອງທ່ານ ໄດ້ເຫັນດີພ້ອມກັນມານະພະຍາຍາມປັບປຸງຄວາມໄວ້ເນື້ອເຊື່ອໃຈດ້ານການເມືອງ, ຍູ້ແຮງ ແລະເຮັດໃຫ້ການຮ່ວມມືລະຫວ່າງພັກ, ລັດ, ສະພາແຫ່ງຊາດ, ປະຊາຊົນເລິກເຊິ່ງຂຶ້ນຕື່ມ, ຊຸກຍູ້ການພົບປະແລກປ່ຽນ; ການພົບປະຂັ້ນສູງ ແລະທຸກຂັ້ນ; ເພີ່ມທະວີການຮ່ວມມືລະຫວ່າງສະພາແຫ່ງຊາດຫວຽດນາມ ແລະສະພາຕໍ່າຍີ່ປຸ່ນ.

ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ແລະທ່ານ Nukaga Fukushiro ປະທານສະພາຕໍ່າຍີ່ປຸ່ນ. ພາບ: ສໍານັກຂ່າວສານຫວຽດນາມ

ສອງຝ່າຍເຫັນດີສືບຕໍ່ຊຸກຍູ້ການຮ່ວມມື, ການແລກປ່ຽນ, ແບ່ງປັນບົດຮຽນປະສົບການລະຫວ່າງກໍາມາທິການວິຊາສະເພາະຕ່າງໆ; ຊຸກຍູ້ຄວາມສາມາດລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດຫວຽດນາມ ກັບສະພາຕ່ຳຍີ່ປຸ່ນ ເພື່ອແນໃສ່ເພີ່ມທະວີປະສິດທິຜົນການເຄື່ອນໄຫວຮ່ວມມືລະຫວ່າງອົງການນິຕິບັນຍັດຂອງສອງປະເທດ. ຜ່ານນັ້ນ, ສ້າງເງື່ອນໄຂສະດວກ ເພື່ອໃຫ້ສອງຝ່າຍຜັນຂະຫຍາຍການເຄື່ອນໄຫວຮ່ວມມືສອງຝ່າຍ ແລະຫຼາຍຝ່າຍ.

ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ພົບປະສອງຝ່າຍກັບທ່ານ Nukaga Fukushiro ປະທານສະພາຕໍ່າຍີ່ປຸ່ນ. ພາບ: ສໍານັກຂ່າວສານຫວຽດນາມ

ເມື່ອແບ່ງປັນຜົນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 15 ທີ່ຜ່ານມາ ທີ່ໄດ້ຮັບຮອງເອົາ ແລະ ການປະກອບຄຳເຫັນໃສ່ຮ່າງກົດໝາຍສຳຄັນຕ່າງໆທີ່ກ່ຽວຂ້ອງເຖິງການເຄື່ອນໄຫວລົງທຶນ, ດຳເນີນທຸລະກິດ, ທ່ານ ເຈິ່ນແທັງເໝິນ ຢັ້ງຢືນວ່າ ສະພາແຫ່ງຊາດຫວຽດນາມ ພວມຕັ້ງໜ້າປັບປຸງຂອບນິຕິກໍາທີ່ສະດວກໃຫ້ສົມບູນແບບ, ປັບປຸງສະພາບແວດລ້ອມແຫ່ງການລົງທຶນ, ຊ່ວຍໃຫ້ວິສາຫະກິດຕ່າງປະເທດ, ໃນນັ້ນມີວິສາຫະກິດຍີ່ປຸ່ນ ເພີ່ມທະວີການລົງທຶນຢ່າງເປັນປົກກະຕິ, ຍາວນານຢູ່ຫວຽດນາມ, ຮັບປະກັນຄວາມຍຸຕິທໍາ, ຄວາມສະເໝີພາບລະຫວ່າງນັກລົງທຶນຫວຽດນາມ ແລະນັກລົງທຶນຕ່າງປະເທດ.

ໂດຍ: ທູຈາງ