ຫວຽດນາມ ເພີ່ມທະວີການພົວພັນກັບ ການາດາ, ສິງກະໂປ ໃນຂອບເຂດ CPTPP
ສອງຝ່າຍໄດ້ປຶກສາຫາລືເລື່ອງເພີ່ມທະວີການພົວພັນທາງການທູດ ແລະການຄ້າ, ການພົວພັນຄູ່ຮ່ວມມືເສດຖະກິດ ແລະການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ການາດາ.
    |
 |
|
ຫວຽດນາມ ເພີ່ມທະວີການພົວພັນກັບການາດາ, ສິງກະໂປ ໃນຂອບເຂດ CPTPP. ພາບ: ສໍານັກຂ່າວສານຫວຽດນາມ. |
ໃນຂອບເຂດບັນດາການເຄື່ອນໄຫວທີ່ກອງປະຊຸມສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ (CPTPP) ຈັດຂຶ້ນຢູ່ Vancouver (ການາດາ), ວັນທີ 28 ພະຈິກ, ທ່ານ ຫງວຽນຮົ່ງຢຽນ ລັດຖະມົນຕີກະຊວງອຸດສາຫະກຳ ແລະການຄ້າຫວຽດນາມ ໄດ້ພົບປະສອງຝ່າຍກັບທ່ານລັດຖະມົນຕີກະຊວງການຄ້າສາກົນການາດາ ແລະທ່ານຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຄ້າ ແລະອຸດສາຫະກຳ ສິງກະໂປ.
ທີ່ການພົບປະກັບທ່ານ Mary Ng, ລັດຖະມົນຕີກະຊວງການຄ້າສາກົນການາດາ, ສອງຝ່າຍໄດ້ປຶກສາຫາລືເລື່ອງເພີ່ມທະວີການພົວພັນທາງການທູດ ແລະການຄ້າ, ການພົວພັນຄູ່ຮ່ວມມືເສດຖະກິດ ແລະການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ການາດາ. ຫວຽດນາມ ສະເໜີ ການາດາ ສົມທົບກັນຢ່າງແໜ້ນແຟ້ນ ເພື່ອແນໃສ່ຜັນຂະຫຍາຍບັນດາເນື້ອໃນຖະແຫຼງການ ກ່ຽວກັບການສ້າງຄວາມສະດວກດ້ານການຄ້າ, ການລົງທຶນ, ຫັນປ່ຽນພະລັງງານຮັບມືກັບການປ່ຽນແປງຂອງດິນຟ້າອາກາດ.
ທີ່ການພົບປະກັບທ່ານ Gan Kim Yong ຮອງນາຍົກລັດຖະມົນຕີ, ລັດຖະມົນຕີກະຊວງການຄ້າ ແລະອຸດສາຫະກຳ ສິງກະໂປ, ສອງຝ່າຍເຫັນດີເປັນເອກະພາບຮ່ວມມືກັນຢ່າງແໜ້ນແຟ້ນ ໃນບັນດາການເຄື່ອນໄຫວປະຕິບັດກົດໝາຍ ກໍ່ຄືເປີດກວ້າງສັນຍາ ເພື່ອແນໃສ່ຍົກສູງປະສິດທິຜົນຜັນຂະຫຍາຍຂອບເຂດການຮ່ວມມືນີ້ໃນໄລຍະທີ່ຈະມາເຖິງ.
ແຫຼ່ງຄັດຈາກ: vovworld.vn