ປະທານປະເທດຫວຽດນາມ ເລືອງເກືອງ ພົບປະເຈລະຈາທາງອອນລາຍກັບເລຂາທິການໃຫ່ຍ ປະທານປະເທດລາວ ທອງລຸນ ສີສຸລິດ

ນະທີ່ນີ້, ທ່ານປະທານປະເທດ ເລືອງເກືອງ ໄດ້ຂອບອົກຂອບໃຈທ່ານເລຂາທິການໃຫ່ຍ, ປະທານປະເທດລາວ ທອງລຸນ ສີສຸລິດ ຊື່ງແມ່ນການນຳຕ່າງປະເທດຄົນທຳອິດໄດ້ສົ່ງຈົດໝາຍອວຍພອນ ແລະຈັດການພົບປະເຈະຈາທາງອອນລາຍ ພາຍຫຼັງທ່ານປະທານປະເທດ ໄດ້ຮັບເລືອກຕັ້ງ ໃຫ້ດຳລົງຕຳແໜ່ງໃໝ່; ສະແດງອາລົມຈິດອັນອົບອຸ່ນຂອງທ່ານເລຂາທິການໃຫຍ່, ປະທານປະເທດລາວ ທີ່ມີຕໍ່ການນຳຂັ້ນສູງຂອງຫວຽດນາມ ກໍ່ຄືທ່ານປະທານປະເທດເອງ. ພ້ອມທັງຢືນຢັນວ່າ ໃນຖານະຕຳແໜ່ງໃໝ່, ທ່ານຈະສືບຕໍ່ສົມທົບກັນຢ່າງແໜ້ນແຟ້ນກັບທ່ານເລຂາທິການໃຫຍ່, ປະທານປະເທດລາວ ແລະ ການນຳຂັ້ນສູງຂອງລາວ ເພື່ອເພີ່ມພູນຄູນສ້າງສາຍພົວພັນອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ.

ທ່ານປະທານປະເທດຫວຽດນາມ ເລືອງເກືອງ ພົບປະເຈລະຈາທາງອອນລາຍ ກັບທ່ານເລຂາທິການໃຫ່ຍ ປະທານປະເທດລາວ ທອງລຸນ ສີສຸລິດ. ພາບ: ສໍານັກຂ່າວສານຫວຽດນາມ

ທ່ານປະທານປະເທດ ເລືອງເກືອງ ແລະ ທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ ໄດ້ແຈ້ງໃຫ້ກັນຊາບ ກ່ຽວກັບສະພາບການຢູ່ແຕ່ລະປະເທດ, ສະແດງຄວາມປິຕິຊົມຊື່ນຕໍ່ຜົນງານເຊິ່ງແຕ່ລະປະເທດບັນລຸໄດ້ໃນການພັດທະນາເສດຖະກິດ-ສັງຄົມ.

ການນຳສອງທ່ານສະແດງຄວາມປິຕິຊົມຊື່ນຕໍ່ການພັດທະນາຢ່າງບໍ່ຢຸດຢັ້ງ ຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ - ລາວ ໃນໄລຍະຜ່ານມາ; ເຫັນດີສືບຕໍ່ເອົາໃຈໃສ່, ຊີ້ນຳບັນດາອົງການທີ່ກ່ຽວຂ້ອງຂອງສອງຝ່າຍສຸມໃສ່ຜັນຂະຫຍາຍຜົນການພົບປະລະຫວ່າງສອງກົມການເມືອງ ແລະບັນດາຂໍ້ຕົກລົງຂັ້ນສູງທີ່ບັນລຸໄດ້ໃນຫວ່າງມໍ່ໆມານີ້ໃຫ້ມີປະສິດທິຜົນ. ພ້ອມກັນນັ້ນ, ຕັ້ງໜ້າກະກຽມໃຫ້ກອງປະຊຸມ ຄັ້ງທີ 47 ຄະນະກຳມະການລະຫວ່າງລັດຖະບານ ຂອງສອງປະເທດທີ່ຈະມາເຖິງໃຫ້ດີ; ຍູ້ໄວການແກ້ໄຂຄວາມຫຍຸ້ງຍາກ, ຂໍ້ຕິດຂັດຂອງບາງໂຄງການຈຸດສຸມ ເພື່ອແນໃສ່ນຳການຮ່ວມມືດ້ານເສດຖະກິດລະຫວ່າງສອງປະເທດໃຫ້ພັດທະນາແບບຍືນຍົງ ແລະມີປະສິດທິຜົນກວ່າອີກ.

ໂດຍ: ທູຈາງ