ທ່ານເລຂາທິການໃຫຍ່ ໂຕເລິມ ໄດ້ຕີລາຄາສູງໝາກຜົນແຫ່ງການແລກປ່ຽນ ແລະການພົບປະເຈລະຈາລະຫວ່າງທ່ານນາງ Delcy Rodriguez Gomez ກັບທ່ານ ເລືອງເກື່ອງ ປະທານປະເທດຫວຽດນາມ ແລະທ່ານນາງຮອງປະທານປະເທດ ຫວໍທິແອງຊວນ, ສະແດງຄວາມເຊື່ອໝັ້ນວ່າ ການຢ້ຽມຢາມຈະປະກອບສ່ວນສຳຄັນເຂົ້າໃນການປັບປຸງ ແລະເພີ່ມທະວີການພົວພັນທີ່ເປັນມູນເຊື້ອອັນດີງາມລະຫວ່າງສອງປະເທດ.

leftcenterrightdel
ທ່ານເລຂາທິການໃຫຍ່ ໂຕເລິມ ແລະທ່ານນາງຮອງປະທານາທິບໍດີຜູ້ປະຈໍາການ ສ ບໍລິວາ ເວເນຊູເອລາ Delcy Rodriguez Gomez. ພາບ: nhandan.vn

ກ່ຽວກັບການພົວພັນລະຫວ່າງສອງປະເທດ, ທ່ານເລຂາທິການໃຫຍ່ ໂຕເລິມ ໄດ້ເຫັນດີກັບບັນດາຂໍ້ສະເໜີຮ່ວມມືຂອງຝ່າຍ ເວເນຊູເອລາ, ສະແດງຄວາມປາດຖະໜາວ່າ ຈະມີບັນດາບາດກ້າວພັດທະນາໃໝ່ພາຍຫຼັງການຢ້ຽມຢາມ, ສະເໜີ 2 ຝ່າຍປັບປຸງຄວາມໄວ້ເນື້ອເຊື່ອໃຈດ້ານການເມືອງຜ່ານການພົບປະແລກປ່ຽນ, ການພົບປະທຸກຂັ້ນ, ພິເສດແມ່ນຂັ້ນສູງ, ເພີ່ມທະວີການຮ່ວມມືລະຫວ່າງສອງພັກ, ພິເສດແມ່ນການແລກປ່ຽນປະສົບການ, ທິດສະດີ ແລະສະໜັບສະໜູນເຊິ່ງກັນ ແລະກັນໃນການກໍ່ສ້າງພັກໃນໄລຍະຈະມາເຖິງ. ທ່ານເລຂາທິການໃຫຍ່ ໂຕເລິມ ກໍ່ສະເໜີໃຫ້ 2 ຝ່າຍຊຸກຍູ້ການຜັນຂະຫຍາຍບັນດາແຜນການຮ່ວມມື, ໂດຍສະເພາະແມ່ນບັນດາຂົງເຂດທີ່ສອງຝ່າຍມີທ່າແຮງ ແລະຄວາມຕ້ອງການ, ສືບຕໍ່ໜູນຊ່ວຍ ແລະຮ່ວມມືຢູ່ບັນດາເວທີປາໄສ ແລະອົງການຈັດຕັ້ງຫຼາຍຝ່າຍ ແລະກ່ຽວກັບບັນດາບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ.

leftcenterrightdel
ບັນຍາກາດທີ່ການຕ້ອນຮັບ. ພາບ: nhandan.vn

ສ່ວນທ່ານນາງຮອງປະທານາທິບໍດີຜູ້ປະຈໍາການ Delcy Rodriguez Gomez ໄດ້ຕີລາຄາສູງພັກກອມມູນິດຫວຽດນາມ ທີ່ໄດ້ນຳພາປະຊາຊົນຫວຽດນາມ ປະສົບຜົນສຳເລັດໃນພາລະກິດຕໍ່ສູ້ ແລະສ້າງສາປະເທດຊາດ. ກ່ຽວກັບການພົວພັນລະຫວ່າງ 2 ພັກ ແລະ 2 ປະເທດ, ທ່ານນາງ Delcy Rodriguez Gomez ສະແດງຄວາມປິຕິຊົມຊື່ນຕໍ່ການພັດທະນາຢ່າງຕັ້ງໜ້າ ຂອງການພົວພັນລະຫວ່າງ 2 ຝ່າຍໃນໄລຍະຜ່ານມາ, ປາດຖະໜາຢາກມີແຜນການ,  ວິວັດທະນາການ ເພື່ອແນໃສ່ຊຸກຍູ້ການພົວພັນ, ຍາດແຍ່ງບັນດາຂົງເຂດທີ່ມີຄວາມສາມາດບົ່ມຊ້ອນ ຄື: ພະລັງງານ, ກະສິກຳ ແລະການທ່ອງທ່ຽວ, ພ້ອມທັງເພີ່ມທະວີ ແລະປັບປຸງການພົວພັນລະຫວ່າງ 2 ພັກໃນໄລຍະຈະມາເຖິງ.

* ຕອນເຊົ້າວັນທີ 29 ຕຸລາ, ຢູ່ທຳນຽບປະທານປະເທດ, ທ່ານປະທານປະເທດ ເລືອງເກື່ອງ ໄດ້ໃຫ້ການຕ້ອນຮັບທ່ານນາງຮອງປະທານາທິບໍດີຜູ້ປະຈໍາການເວເນຊູເອລາ Delcy Rodriguez Gomez.

ທີ່ການຕ້ອນຮັບ, ທ່ານປະທານປະເທດ ເລືອງເກື່ອງ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພັດທະນາການພົວພັນກັບບັນດາປະເທດເພື່ອນມິດທີ່ເປັນມູນເຊື້ອ ຢູ່ພາກພື້ນອາເມລິກາ ລາຕິນ, ໃນນັ້ນມີ ເວເນຊູເອລາ; ຫວັງວ່າ 2 ຝ່າຍຈະສືບຕໍ່ເຮັດໃຫ້ການພົວພັນລະຫວ່າງສອງປະເທດເລິກເຊິ່ງກວ່າອີກ, ພິເສດແມ່ນໃນຂົງເຂດເສດຖະກິດ, ການຄ້າ ແລະການລົງທຶນ.

leftcenterrightdel
ທ່ານປະທານປະເທດ ເລືອງເກື່ອງ ແລະທ່ານນາງຮອງປະທານາທິບໍດີຜູ້ປະຈໍາການ ສ ບໍລິວາ ເວເນຊູເອລາ Delcy Rodriguez Gomez. ພາບ: ສໍານັກຂ່າວສານຫວຽດນາມ

ທ່ານປະທານປະເທດ ເລືອງເກື່ອງ ສະເໜີ 2 ຝ່າຍສືບຕໍ່ເພີ່ມທະວີການພົບປະແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຂັ້ນສູງ; ຊຸກຍູ້ການຮ່ວມມືໃນບັນດາຂົງເຂດທີ່ສອງປະເທດມີຄວາມຕ້ອງການ ແລະມີທ່າແຮງ, ມີຄວາມສາມາດບົ່ມຊ້ອນ; ຕັ້ງໜ້າແລກປ່ຽນ, ປຶກສາຫາລື ແລະສະໜັບສະໜູນ ເຊິ່ງກັນ ແລະກັນ, ເປັນຕົ້ນແມ່ນຢູ່ບັນດາເວທີປາໄສສາກົນ ແລະບັນດາອົງການຈັດຕັ້ງຫຼາຍຝ່າຍ. ພິເສດ, ສອງຝ່າຍຕ້ອງສືບຕໍ່ເພີ່ມທະວີການສຶກສາອົບຮົມລຸ້ນໜຸ່ມ ເພື່ອປົກປັກຮັກສາ ແລະສືບຕໍ່ນໍ້າໃຈມິດຕະພາບອັນດີງາມລະຫວ່າງປະຊາຊົນສອງປະເທດ.

ທ່ານປະທານປະເທດ ເລືອງເກື່ອງ ແລະທ່ານນາງຮອງປະທານາທິບໍດີຜູ້ປະຈໍາການ ເວເນຊູເອລາ Delcy Rodriguez Gomez ເຫັນດີຈະສືບຕໍ່ຊີ້ນໍາບັນດາອົງການ, ຄະນະ, ຂະແໜງການຂອງສອງປະເທດ ຜັນຂະຫຍາຍບັນດາແຜນການ, ລາຍການຮ່ວມມືລະອຽດ, ແທດຈິງໃນແຕ່ລະຂົງເຂດ, ເປັນຕົ້ນແມ່ນກະສິກໍາ, ພະລັງງານ ແລະໂທລະຄົມມະນາຄົມ.

* ຕອນເຊົ້າວັນທີ 29 ຕຸລາ, ຢູ່ທຳນຽບປະທານປະເທດ, ທ່ານນາງ ຫວໍທິແອງຊວນ ຮອງປະທານປະເທດຫວຽດນາມ ແລະ ທ່ານນາງຮອງປະທານາທິບໍດີຜູ້ປະຈໍາການ Delcy Rodriguez Gomez ໄດ້ມີການເຈລະຈາຢ່າງເປັນທາງການ. 2 ຝ່າຍໄດ້ແຈ້ງໃຫ້ກັນຮັບຊາບກ່ຽວກັບສະພາບການຂອງແຕ່ລະປະເທດໃນຫວ່າງມໍ່ໆມານີ້, ແລກປ່ຽນທິດທາງ ແລະມາດຕະການເພີ່ມທະວີການພົວພັນຄູ່ຮ່ວມມືຮອບດ້ານ ຫວຽດນາມ - ເວເນຊູເອລາ ກໍ່ຄືບັນດາບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ.

* ໃນຂອບເຂດການຢ້ຽມຢາມ, ທ່ານນາງຮອງປະທານາທິບໍດີຜູ້ປະຈໍາການ Delcy Rodriguez Gomez ໄດ້ວາງພວງມາລາ, ເຂົ້າສຸສານໄວ້ອາໄລປະທານໂຮ່ຈີມິນ ແລະຢ້ຽມຢາມເຂດປູຊະນີຍະສະຖານເຮືອນຮ້ານລຸງໂຮ່, ຢ້ຽມຢາມປູຊະນີຍະສະຖານປະຫວັດສາດ ແລະຮາກຖານວັດທະນະທຳ ບາງແຫ່ງ ຢູ່ຮ່າໂນ້ຍ. ບັນດາສະມາຊິກໃນຄະນະຜູ້ແທນຂັ້ນສູງ ເວເນຊູເອລາ ກໍ່ມີການພົບປະເຮັດວຽກກັບບັນດາຄູ່ຮ່ວມມືຫວຽດນາມ.

ໂດຍ: ທະນາພອນ