ກອງປະຊຸມເຊື່ອມຊຶມ, ຜັນຂະຫຍາຍການປະຕິບັດມະຕິກອງປະຊຸມສູນກາງພັກ ຄັ້ງທີ 10 ຊຸດທີ XIII ລະດັບທົ່ວປະເທດ
ຕອນເຊົ້າວັນທີ 20 ຕຸລາ, ຢູ່ຮ່າໂນ້ຍ, ກົມການເມືອງ, ຄະນະເລຂາທິການສູນກາງພັກຄອມມູນິດຫວຽດນາມ ໄດ້ຈັດກອງປະຊຸມເຊື່ອມຊຶມ, ຜັນຂະຫຍາຍການປະຕິບັດມະຕິກອງປະຊຸມຄັ້ງທີ 10 ຄະນະບໍລິຫານງານສູນກາງພັກ ຊຸດທີ XIII ໃນລະດັບທົ່ວປະເທດ.
ທ່ານ ໂຕເລິມເລຂາທິການໃຫຍ່, ປະທານປະເທດຫວຽດນາມເຂົ້າຮ່ວມ ແລະກ່າວຄຳເຫັນຊີ້ນຳກອງປະຊຸມ. ນະທີ່ນີ້ທ່ານສະເໜີໃຫ້ຄະນະພັກ, ອຳນາດການປົກຄອງທຸກຂັ້ນ, ບັນດາພະນັກງານ, ສະມາຊິກພັກສືບຕໍ່ເຊື່ອມຊຶມ, ໂຄສະນາຢ່າງກວ້າງຂວາງ ແລະ ລົງເລິກມະຕິ ກອງປະຊຸມສູນກາງພັກ ຄັ້ງທີ 10 ໃນຄະນະພັກທຸກຂັ້ນ, ໃນທົ່ວພັກ ແລະລະບົບການເມືອງໃຫ້ຫຼາຍກວ່າອີກ, ສຸມໃສ່ຊີ້ແຈ້ງ, ເຮັດໃຫ້ພະນັກງານ, ສະມາຊິກພັກ ແລະປະຊາຊົນມີຄວາມເຂົ້າໃຈແຈ້ງກ່ຽວກັບບັນດາທັດສະນະຊີ້ນຳຫຼັກແຫຼ່ງຂອງມະຕິກອງປະຊຸມສູນກາງພັກ ຄັ້ງທີ 10, ສ້າງຄວາມເຫັນດີເຫັນພ້ອມ ແລະຄວາມເປັນເອກະພາບຢ່າງສູງໃນພັກ ແລະ ສັງຄົມ.
|
|
ທ່ານ ໂຕເລິມ ເລຂາທິການໃຫຍ່, ປະທານປະເທດຫວຽດນາມ. ພາບ: vov.vn |
ກ່ຽວກັບການກະກຽມຮ່າງເອກະສານຂອງກອງປະຊຸມໃຫຍ່ຄັ້ງທີ 14 ຂອງພັກ, ທ່ານເລຂາທິການໃຫຍ່, ປະທານປະເທດ ໂຕເລິມ ເນັ້ນໜັກວ່າ ບັນດາເອກະສານທີ່ຍື່ນສະເໜີຕໍ່ກອງປະຊຸມໃຫຍ່ຄັ້ງທີ 14 ຕ້ອງສະແດງໃຫ້ເຫັນລະດັບທິດສະດີ ແລະສະຕິປັນຍາຂອງທົ່ວພັກ, ສະແດງໃຫ້ເຫັນກົດເກນພາວະວິໄສ, ທ່າອ່ຽງການຜັນແປໃໝ່ຂອງພັກ ແລະສະພາບຕົວຈິງຂອງປະເທດ; ສ່ອງແສງເຖິງວິວັດການສືບທອດ, ສືບຕໍ່ ແລະ ພັດທະນາບັນດາຄຸນຄ່າອັນດີງາມຂອງອະດີດຕະການ, ປະຈຸບັນ, ອະນາຄົດ, ຕ້ອງກໍາແໜ້ນ 3 ຈິດໃຈຫຼັກໝັ້ນຄື: ທີ 1 ແມ່ນຄວາມມຸ່ງມາດປາດຖະໜາບືນຂື້ນຂອງຊາດຫວຽດນາມ, ປະກອບສ່ວນເຂົ້າໃນຄວາມຄືບໜ້າລວມຂອງການປະຕິວັດໂລກ; ທີສອງ, ກອງປະຊຸມໃຫຍ່ຄັ້ງທີ 14 ຂອງພັກ ແມ່ນເຫດການການເມືອງທີ່ສຳຄັນ - ກອງປະຊຸມໃຫຍ່ ຊຸກຍູ້ວິວັດການກະກຽມຢ່າງຮອບດ້ານ ເພື່ອນຳຊົນຊາດຫວຽດນາມ ກ້າວເຂົ້າສູ່ສັງກາດໃໝ່, ກ້າວກະໂດດໃນທຸກດ້ານ; ທີສາມແມ່ນຈິດໃຈເລັ່ງລັດ, ບຸກທະລຸ, ພັດທະນາຢ່າງວ່ອງໄວ ແລະ ຍືນຍົງ.
ໂດຍ: ກວຽດເຕິມ