ກ່າວຄໍາເຫັນທີ່ການພົບປະ, ທ່ານ ຟ້າມມິງຈິ໊ງ ສົ່ງພອນໄຊອັນປະເສີດທີ່ສຸດເຖິງພະນັກງານ, ພາລະກອນ, ລັດຖະກອນ, ຄູອາຈານ, ສໍາມະນາກອນຂອງສະຖາບັນ, ພະນັກງານສະຫະພັນແມ່ຍິງຫວຽດນາມ ແລະແມ່ຍິງຫວຽດນາມ ທົ່ວປະເທດທ່ານນາຍົກລັດຖະມົນຕີ ເນັ້ນໜັກເຖິງມູນເຊື້ອອັນດີງາມ, ສະຫງ່າງາມຂອງແມ່ຍິງຫວຽດນາມ ທີ່ຍາມໃດກໍ່ສະມັກຄີ, ຂະຫຍັນຂັນເຄື່ອນ, ປະດິດສ້າງ, ທັງເປັນແນວຫຼັງທີ່ໝັ້ນຄົງເຂັ້ມແຂງ, ເບິ່ງແຍງດູແລຊີວິດຂອງແຕ່ລະຄອບຄົວ, ທັງຊຸກຍູ້ການພັດທະນາຂອງປະຊາຄົມ, ສັງຄົມ, ທັງຕັ້ງໜ້າເຂົ້າຮ່ວມການສ້າງສາ, ປົກປັກຮັກສາ, ພັດທະນາປະເທດໃຫ້ໄວ ແລະຍືນຍົງ.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ອວຍພອນ, ລະດົມກໍາລັງໃຈພະນັກງານ, ຄູອາຈານ, ນັກສຶກສາສະຖາບັນແມ່ຍິງຫວຽດນາມ. ພາບ: ສໍານັກຂ່າວສານຫວຽດນາມ |
ທ່ານນາຍົກລັດຖະມົນຕີ ປາດຖາໜາຢາກໃຫ້ນັກສຶກສາ, ສໍາມະນາກອນຂອງສະຖາບັນເສີມຂະຫຍາຍບົດບາດເປັນໃຈກາງ, ແມ່ນເຈົ້າກຳ; ສົມເປັນເຈົ້າຂອງອະນາຄົດຂອງປະເທດ; ມານະພະຍາຍາມບືນຕົວຂຶ້ນ, ຝຶກຝົນຫຼໍ່ຫຼອມ, ສູ້ຊົນຢ່າງງບ່ໍຢຸດຢັ້ງເພື່ອປະກອບສ່ວນເຂົ້າໃນພາລະກິດພັດທະນາແມ່ຍິງ, ຄວາມສະເໝີພາບລະຫວ່າງຍິງ-ຊາຍເວົ້າສະເພາະ ແລະການພັດທະນາປະເທດຊາດເວົ້າລວມ.
ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຂະແໜງການ, ສະຫະພັນແມ່ຍິງຫວຽດນາມ ແລະນະຄອນຮ່າໂນ້ຍ ສືບຕໍ່ແນະນໍາ, ຈັດແຫຼ່ງກໍາລັງລົງທຶນພື້ນຖານດ້ານວັດຖຸເພື່ອໃຫ້ສະຖາບັນຕອບສະໜອງບັນດາເງື່ອນໄຂ, ມາດຕະຖານຂອງຮາກຖານສຶກສາ, ມະຫາວິທະຍາໄລບໍາລຸງພະນັກງານ, ພາລະກອນ, ລັດຖະກອນ, ໃຫ້ສົມກັບໜ້າທີ່ຂອງສະຖາບັນ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ແລະການນໍາສະຫະພັນແມ່ຍິງຫວຽດນາມ ກັບຄູອາຈານ, ນັກສຶກສາສະຖາບັນແມ່ຍິງຫວຽດນາມ. ພາບ: ສໍານັກຂ່າວສານຫວຽດນາມ |
ທ່ານນາຍົກລັດຖະມົນຕີ ເຊື່ອໝັ້ນວ່າ, ມູນເຊື້ອອັນສະຫງ່າລາສີ, ຄຸນທາດອັນດີງາມ, ຄວາມເມດຕາ, ເກັ່ງວຽກເຮືອນ, ຂະຫຍັນຂັນເຄື່ອນ, ປະດິດສ້າງ ແລະຈິດໃຈປະກອບສ່ວນ, ອຸທິດສ່ວນຂອງແມ່ຍິງຫວຽດນາມ ຈະໄດ້ຮັບການສຶບທອດບຳລຸງລ້ຽງດຸ ແລະພັດທະນາຢ່າງບໍ່ຢຸດຢັ້ງ; ມູນເຊື້ອ, ຄຸນທາດອັນດີງາມນັ້ນ ແມ່ນການລວບລວມທັງປັນຍາ, ຄຸນນະທາດ, ການເສຍສະຫຼະເພື່ອຄວາມຮັກແພງ, ຄວາມຜາສຸກໃຫ້ແຕ່ລະຄອບຄົວ, ປະຊາຄົມ ແລະປະກອບສ່ວນໃຫ້ສັງຄົມ, ໃຫ້ປະເທດຊາດ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ມາຢ້ຽມຢາມ, ອວຍພອນຄູອາຈານ, ນັກສຶກສາສະຖາບັນແມ່ຍິງຫວຽດນາມ. ພາບ: ສໍານັກຂ່າວສານຫວຽດນາມ |
ເນື່ອງໃນໂອກາດວັນແມ່ຍິງຫວຽດນາມ 20 ຕຸລາ, ທ່ານນາຍົກລັດຖະມົນຕີ ອວຍພອນ ແລະຫວັງວ່າ ແມ່ຍິງຫວຽດນາມ ເສີມຂະຫຍາຍມູນເຊື້ອ ແລະຄຸນນະທາດເຊື່ອໝັ້ນຕົນເອງ, ນັບຖືຕົນເອງ, ສັດຖື່ບໍລິສຸດ, ເຮັດລ້ອນວຽກບ້ານການເຮືອນ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງບືນຕົວຂຶ້ນ; ປະກອບກຳລັງເຫື່ອແຮງ, ພູມປັນຍາເພື່ອກໍ່ສ້າງບ້ານເກີດເມືອງນອນ, ປະເທດຊາດໃຫ້ນັບມື້ນັບຮັ່ງມີສວຍງາມ.
ໂດຍ: ໄຊນີດາ