ປ່ຽນແປງໃໝ່ປະດິດສ້າງຕ້ອງທ່ວງທັນ, ກ້າວຂຶ້ນ, ບືນຕົວຂຶ້ນພ້ອມກັບໂລກ
ກປ.ອອນໄລ - ວັນທີ 1 ຕຸລາ, ທີ່ສູນປ່ຽນແປງໃໝ່ປະດິດສ້າງແຫ່ງຊາດຢູ່ເຂດເຕັກໂນໂລຊີສູງຮວ່າລາກ, ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ເຂົ້າຮ່ວມງານບຸນປ່ຽນແປງໃໝ່ປະດິດສ້າງຫວຽດນາມ ປີ 2024 ແລະສະເຫຼີມສະຫຼອງ 5 ປີແຫ່ງວັນສ້າງຕັ້ງສູນປ່ຽນແປງໃໝ່ປະດິດສ້າງແຫ່ງຊາດ (NIC). ຢູ່ທີ່ນີ້, ທ່ານນາຍົກລັດຖະມົນຕີ ໄດ້ປະກາດວ່າ ວັນທີ 1 ຕຸລາ ຂອງທຸກໆປີແມ່ນວັນປ່ຽນແປງໃໝ່ປະດິດສ້າງແຫ່ງຊາດ.
    |
 |
|
ທ່ານນາຍົກລັດຖະມົນຕີ ຟ້າມມິງຈິ້ງ ກ່າວຄຳເຫັນທີ່ພິທີ. ພາບ: NIC |
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຟ້າມມິງຈິ້ງ ຊີ້ແຈ້ງວ່າ, ພັກ ແລະລັດ ຍາມໃດກໍ່ເອົາໃຈໃສ່ເປັນພິເສດເຖິງວິທະຍາສາດ, ເຕັກໂນໂລຊີ ແລະປ່ຽນແປງໃໝ່ປະດິດສ້າງ, ຖືວ່ານີ້ແມ່ນໜຶ່ງໃນບັນດາລັດຖະນະໂຍບາຍແຖວໜ້າໃຫ້ແກ່ການພັດທະນາຢ່າງວ່ອງໄວ ແລະຍືນຍົງ. ສຳລັບຫວຽດນາມ, ການປ່ຽນແປງໃໝ່ປະດິດສ້າງແມ່ນປັດໄຈສຳຄັນພິເສດ, ປະກອບສ່ວນຊຸກຍູ້ການຫັນເປັນດີຈີຕອນ, ການຫັນເປັນສີຂຽວ ແລະການພັດທະນາແບບຍືນຍົງຂອງຫວຽດນາມ ໃນສັງກາດພັດທະນາໃໝ່. ທ່ານນາຍົກລັດຖະມົນຕີ ໃຫ້ຮູ້ວ່າ ລັດຖະບານຈະສຸມໃສ່ຊີ້ນຳກວດກາ ແລະປັບປຸງບັນດາຍຸດທະສາດ, ກົນໄກ, ນະໂຍບາຍ, ມາດຕະການເພື່ອຍູ້ແຮງການປ່ຽນແປງໃໝ່ປະດິດສ້າງ, ເລິ່ມທຸລະກິດດ້ວຍຈິດໃຈສ້າງເງື່ອນໄຂສະດວກ, ປົກປ້ອງສິດ, ຜົນປະໂຫຍດອັນຖືກຕ້ອງຕາມກົດໝາຍ, ຊອບທໍາໃຫ້ປະຊາຄົມວິສາຫະກິດ, ນັກລົງທຶນ ແລະປະຊາຊົນ.
|
|
 |
|
ຜູ້ແທນເຂົ້າຮ່ວມພິທີສະເຫຼີມສະຫຼອງ 5 ປີແຫ່ງວັນສ້າງຕັ້ງສູນປ່ຽນແປງໃໝ່ປະດິດສ້າງແຫ່ງຊາດ ແລະວັນບຸນປ່ຽນແປງໃໝ່ປະດິດສ້າງຫວຽດນາມ 2024. ພາບ: NIC |
ເຕື້ອງເຖິງສູນປ່ຽນແປງໃໝ່ປະດິດສ້າງແຫ່ງຊາດ, ທ່ານນາຍົກລັດຖະມົນຕີ ຕີລາຄາວ່າ, ພາຍຫຼັງ 5 ປີແຫ່ງການສ້າງຕັ້ງ, ສູນດັ່ງກ່າວໄດ້ຄ່ອຍໆກາຍເປັນສູນນຳໜ້າໃນການປ່ຽນແປງໃໝ່ປະດິດສ້າງ, ມາຮອດປະຈຸບັນໄດ້ມີ 10 ເຄືອຂ່າຍສະມາຊິກ ແລະມີສະມາຊິກເກືອບ 2.000 ຄົນໃນ 20 ປະເທດ ແລະເຂດແຄ້ວນ.
ໃນໄລຍະຈະມາເຖິງ, ທ່ານນາຍົກລັດຖະມົນຕີ ຮຽກຮ້ອງໃຫ້ສືບຕໍ່ເສີມຂະຫຍາຍບົດບາດຂອງສູນປ່ຽນແປງໃໝ່ປະດິດສ້າງແຫ່ງຊາດ; ໃນນັ້ນ, ສຸມໃສ່ຄົ້ນຄວ້າ ແລະສະເໜີບັນດາກົນໄກ ນະໂຍບາຍຈຳເພາະ ເພື່ອໜູນຊ່ວຍວິສາຫະກິດຢ່າງມີປະສິດທິຜົນ; ເພີ່ມທະວີການຮ່ວມມືສາກົນ, ສືບຕໍ່ເປີດກວ້າງເຄືອຂ່າຍນັກຊ່ຽວຊານ, ນັກວິທະຍາສາດກ່ຽວກັບການປ່ຽນແປງໃໝ່ປະດິດສ້າງ, ການເຊື່ອມຕໍ່ສາກົນ: “ພວກຂ້າພະເຈົ້າປາດຖະໜາ ແລະເຊື່ອໝັ້ນວ່າ ສູນປ່ຽນແປງໃໝ່ປະດິດສ້າງແຫ່ງຊາດຈະແມ່ນຫົວໃຈຂອງລະບົບນິເວດປ່ຽນແປງໃໝ່ປະດິດສ້າງ, ເປັນບ່ອນອີງໃຫ້ການພັດທະນາທີ່ໂດດເດັ່ນ, ຍືນຍົງ ແລະເຊື່ອມໂຍງເຂົ້າກັບທົ່ວໂລກຂອງຫວຽດນາມ. ສູນຄວນນຳໜ້າທ່າອ່ຽງ, ແຜ່ຂະຫຍາຍຈິນຕະນາການປະດິດສ້າງ, ເຮັດໃຫ້ຫວຽດນາມ ກາຍເປັນປະເທດຕົ້ນກຳເນີດຂອງການປ່ຽນແປງໃໝ່ປະດິດສ້າງ, ມີຄວາມສາມາດເປັນເຈົ້າຂອງເຕັກໂນໂລຢີ, ບືນຕົວຂຶ້ນລະດັບພາກພື້ນ ແລະໂລກ, ບໍ່ພຽງແຕ່ເພື່ອນຳໃຊ້ເທົ່ານັ້ນ, ຫາກຍັງປະກອບສ່ວນສ້າງເປັນຮູບຮ່າງ ແລະຊັກນໍາອະນາຄົດຂອງມວນມະນຸດ".
ໂດຍ: ໄຊນີດາ