ກອງປະຊຸມສໍາມະນາສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນ ຫວຽດນາມ-ສະຫະພັນລັດເຊຍ ທີ່ເວທີປາໄສເສດຖະກິດຕາເວັນອອກ
ກປ.ອອນໄລ - ໜຶ່ງໃນບັນດາເຫດການເປີດສາກໃນວັນທີ 3 ກັນຍາ, ວັນໄຂເວທີປາໄສເສດຖະກິດຕາເວັນອອກ ຄັ້ງທີ IX (EEF 2024) ທີ່ມະຫາວິທະຍາໄລສັງລວມ ສະຫະພັນຕາເວັນອອກໄກ (FEFU) ໃນເກາະ Russkyi ຢູ່ນະຄອນ Vladivostok - ແມ່ນວາລະຄົບຄະນະຂອງກອງປະຊຸມສໍາມະນາວິທະຍາສາດ ແລະພຶດຕິກໍາຕົວຈິງສາກົນ ຫວຽດນາມ-ລັດເຊຍ ມຸ່ງໄປເຖິງສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດ.
ເຫດການ ໄດ້ດຶງດູດນັກຮຽນຮູ້ຫວຽດນາມ ຫຼາຍຄົນ ກໍຄື ບັນດານັກຫວຽດນາມວິທະຍາ ທີ່ມາຈາກບັນດາມະຫາວິທະຍາໄລ ແລະສະຖາບັນຄົ້ນຄວ້າທີ່ມີຊື່ສຽງຂອງສະຫະພັນລັດເຊຍ ເຂົ້າຮ່ວມ. ໃນບົດກ່າວຄໍາເຫັນເປີດສາກກອງປະຊຸມສໍາມະນາ, ທ່ານ Yury Kulchin ປະທານສາຂາຕາເວັນອອກໄກຂອງສະພາມະຫາບັນດິດວິທະຍາສາດ ສະຫະພັນລັດເຊຍ ຢັ້ງຢືນວ່າ ຫວຽດນາມ ຍາມໃດກໍມີທີ່ຕັ້ງສໍາຄັນ ແລະສະຫະພັນລັດເຊຍ ປາດຖະໜາຢາກພັດທະນາການພົວພັນຍືນຍົງກັບຫວຽດນາມ.
|
|
ເວທີປາໄສເສດຖະກິດຕາເວັນອອກ ຄັ້ງທີ IX ດໍາເນີນຢູ່ມະຫາວິທະຍາໄລສັງລວມ ສະຫະພັນຕາເວັນອອກໄກ (FEFU) ນອນໃນເກາະ Russkyi ຢູ່ນະຄອນ Vladivostok. ພາບ: ສໍານັກຂ່າວສານຫວຽດນາມ. |
ກອງປະຊຸມສໍາມະນາ ສຸມໃສ່ວິເຄາະບັນດາແງ່ມຸມກ່ຽວກັບປະຫວັດສາດ, ການເມືອງ ແລະຄວາມໝັ້ນຄົງ. ບັນດານັກຮຽນຮູ້ ສະເໜີຜົນການຄົ້ນຄວ້າກ່ຽວກັບເຫດການປະຫວັດສາດສໍາຄັນທີ່ກະທົບເຖິງສອງປະເທດ, ກໍຄື ປຶກສາຫາລືກ່ຽວກັບກໍາລັງໜູນຂອງການພົວພັນ ລັດເຊຍ-ຫວຽດນາມ ໃນປັດຈຸບັນ ແລະແງ່ຫວັງການພົວພັນໃນອະນາຄົດ. ສ່ວນຫຼາຍບັນດາບົດກ່າວຄໍາເຫັນລ້ວນແຕ່ຍົກໃຫ້ເຫັນການພົວພັນທີ່ສະໜິດຕິດພັນຂອງສະຫະພັນລັດເຊຍ ກັບຫວຽດນາມ, ເລີ່ມຕົ້ນແຕ່ສະໄໝ ໂຊວຽດ ໃນເມື່ອກ່ອນ, ພ້ອມທັງສະແດງຄວາມປາດຖະໜາຢາກປັບປຸງ ແລະຊຸກຍູ້ການພົວພັນທີ່ສະໜິດສະໜົມນີ້.
ທີ່ກອງປະຊຸມສໍາມະນາ, ທ່ານ Vitaly Naumkin ຜູ້ອໍານວຍການວິທະຍາສາດຂອງສະຖາບັນຕາເວັນອອກວິທະຍາ ຂຶ້ນກັບສະພາມະຫາບັນດິດວິທະຍາສາດ ສະຫະພັນລັດເຊຍ ໄດ້ແນະນໍານິພົນເລືອກເຟັ້ນ “ໂຊວຽດ ແລະຫວຽດນາມ ໃນສົງຄາມ ອິນດູຈີນ ຄັ້ງທີສອງ 1959-1975” ໂດຍ ອົງການສຳເນົາ ສະຫະພັນລັດເຊຍ ຮຽບຮຽງ.
ຢູ່ນອກ EEF 2024 ໄດ້ດໍາເນີນການແລກປ່ຽນລະຫວ່າງທ່ານ ຮສຈ. ປອ ຫງວຽນຈ໊ຽນຖັ໊ງ, ຫົວໜ້າສະຖາບັນຄົ້ນຄວ້າເອີລົບ, ສະພາມະຫາບັນດິດວິທະຍາສາດສັງຄົມຫວຽດນາມ ກັບທ່ານ Evgeny Vlasov ຮອງອໍານວຍການຮັບຜິດຊອບການພົວພັນສາກົນ ແລະພະນັກງານມະຫາວິທະຍາໄລສັງລວມສະຫະພັນຕາເວັນອອກໄກ (FEFU) ກ່ຽວກັບແນວຄວາມຄິດ ແລະທິດທາງຮ່ວມມືສອງຝ່າຍໃນຕໍ່ໜ້າ. ເນື່ອງໃນໂອກາດນີ້, ສອງຝ່າຍ ໄດ້ລົງນາມບົດບັນທຶກຊ່ວຍຈໍາ ວ່າດ້ວຍການຮ່ວມມື.
ໂດຍ: ໄຊຊະນະ