ທ່ານນາຍົກລັດຖະມົນຕີ ເຂົ້າຮ່ວມກອງປະຊຸມປະກາດການວາງແຜນຜັງ ແລະສົ່ງເສີມການລົງທຶນແຂວງເທື່ອທຽນເຫວ້
ກປ.ອອນໄລ - ຕອນເຊົ້າວັນທີ 6 ເມສາ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ເຂົ້າຮ່ວມກອງປະຊຸມປະກາດການວາງແຜນຜັງແຂວງເທື່ອທຽນເຫວ້ ໄລຍະ 2021 – 2030, ວິໄສທັດຮອດປີ 2050, ແຜນຜັງລວມຕົວເມືອງເທື່ອທຽນເຫວ້ ຮອດປີ 2045, ວິໄສທັດຮອດປີ 2065 ແລະ ສົ່ງເສີມການລົງທຶນແຂວງເທື່ອທຽນເຫວ້.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/06/upload_2121/06042024-tt12-01.png?dpi=150&quality=100&w=500) |
ທ່ານນາຍົກລັດຖະມົນຕີ ຟ້າມມິງຈິ໊ງ ກ່າວຄໍາເຫັນຊີ້ນໍາກອງປະຊຸມ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ເນັ້ນໜັກວ່າ ແຂວງເທື່ອທຽນເຫວ້ ຕ້ອງເອົາໃຈໃສ່ເປັນພິເສດເຖິງການສ້າງຕົວເມືອງມີສີສັນເປັນເອກະລັກ, ອັດສະລິຍະ, ປັບຕົວ, ຂຽວສະອາດງາມຕາ, ປອດໄພ, ຍືນຍົງ, ໃຫ້ບຸລິມະສິດພັດທະນາບັນດາຈຸດໃຈກາງເມືອງ, ແລວເສດຖະກິດ, ກຳລັງໜູນການເຕີບໂຕ ແລະ ບັນດາຂອດບຸກທະລຸໃນການພັດທະນາ.
“ໜຶ່ງຈຸດສຸມ” ແມ່ນການລະດົມທຸກແຫຼ່ງກຳລັງທີ່ສອດຄ່ອງກັບກົດໝາຍ ແລະ ນຳໃຊ້ທຸກແຫຼ່ງກຳລັງນັ້ນໃຫ້ມີປະສິດທິຜົນ ເພື່ອຊຸກຍູ້ບັນດາກຳລັງໜູນການເຕີບໂຕທີ່ເປັນມູນເຊື້ອ ນັ້ນແມ່ນການລົງທຶນ, ສົ່ງອອກ, ການບໍລິໂພກ; ບຸກທະລຸໃນບັນດາກຳລັງໜູນເຕີບໂຕໃໝ່ເຊັ່ນເສດຖະກິດສີຂຽວ, ເສດຖະກິດດີຈີຕອນ, ເສດຖະກິດໝູນວຽນ, ເສດຖະກິດແບ່ງປັນ, ເສດຖະກິດພູມປັນຍາ, ຮັບມືກັບການປ່ຽນແປງຂອງດິນຟ້າອາກາດ, ພັດທະນາແບບຍືນຍົງ.
“ສອງເພີ່ມທະວີ” ນັ້ນແມ່ນ ເພີ່ມທະວີການລົງທຶນ, ພັດທະນາຊັບພະຍາກອນມະນຸດ; ເພີ່ມທະວີການເຊື່ອມຕໍ່ເຂດ, ພາກພື້ນ, ພາຍໃນ ແລະສາກົນ ຜ່ານການເຊື່ອມຕໍ່ລະບົບຄົມມະນາຄົມ, ລະບົບການຜະລິດ ແລະການສະໜອງຕາມລະບົບ.
“3 ຍູ້ແຮງ” ນັ້ນແມ່ນຍູ້ແຮງການພັດທະນາລະບົບພື້ນຖານໂຄງລ່າງຍຸດທະສາດຢ່າງຄົບຊຸດ, ກວມລວມກ່ຽວກັບຄົມມະນາຄົມ, ຮັບມືກັບການປ່ຽນແປງຂອງດິນຟ້າອາກາດ, ພື້ນຖານໂຄງລ່າງດີຈີຕອນ, ສາທາລະນະສຸກ, ການສຶກສາ, ສັງຄົມ…; ຍູ້ແຮງການພັດທະນາອຸດສາຫະກຳ ແລະ ໝູນໃຊ້ວິທະຍາສາດເຕັກໂນໂລຢີ, ນະວັດຕະກຳ ໃນການຜະລິດດຳເນີນທຸລະກິດ, ສ້າງວຽກເຮັດງານທຳໃຫ້ແກ່ປະຊາຊົນຢ່າງມີປະສິດທິຜົນ ແລະ ພັດທະນາ.
ໂດຍ: ກວຽດເຕິມ