ນາຍົກລັດຖະມົນຕີຫວຽດນາມ ຕ້ອນຮັບຄະນະ 52 ວິສາຫະກິດຂະໜາດໃຫຍ່, ແຖວໜ້າຂອງສະຫະລັດອາເມລິກາ
ກປ.ອອນໄລ - ຫວຽດນາມ ພ້ອມແລ້ວທີ່ຈະສ້າງເງື່ອນໄຂທີ່ສະດວກທີ່ສຸດໃຫ້ວິສາຫະກິດສະຫະລັດອາເມລິກາ ເພື່ອສືບຕໍ່ເປີດກວ້າງການດໍາເນີນທຸລະກິດ ແລະການລົງທຶນຢູ່ຫວຽດນາມ.
ນີ້ແມ່ນການຢືນຢັນຂອງທ່ານນາຍົກລັດຖະມົນຕີ ເລມິງຮືງ ທີ່ການພົບປະ ແລະເຮັດວຽກກັບຄະນະລວມມີ 52 ວິສາຫະກິດຂະໜາດໃຫຍ່, ແຖວໜ້າຂອງສະຫະລັດອາເມລິກາ ນໍາໂດຍທ່ານ Brian McFeeters, ຮັກສາການປະທານສະພາທຸລະກິດ ສະຫະລັດອາເມລິກາ-ອາຊຽນ (USABC), ເຊິ່ງດໍາເນີນໃນຕອນບ່າຍວັນທີ 16 ເມສາ, ທີ່ສໍານັກງານນາຍົກລັດຖະມົນຕີ.
    |
 |
|
ທ່ານ ເລມິງຮືງ ນາຍົກລັດຖະມົນຕີ ຕ້ອນຮັບ ແລະເຮັດວຽກຮ່ວມກັບຄະນະວິສາຫະກິດສະຫະລັດອາເມລິກາ. ພາບ: VGP |
ໃນການແລກປ່ຽນກັບຜູ້ຕາງໜ້າບັນດາວິສາຫະກິດສະຫະລັດອາເມລິກາ, ທ່ານນາຍົກລັດຖະມົນຕີ ເລມິງຮືງ ໃຫ້ຮູ້ວ່າ ຫວຽດນາມ ກໍາລັງຍູ້ໄວວິວັດການປະຕິຮູບ, ຍູ້ແຮງການສ້າງກອບນິຕິກໍາໃຫ້ສົມບູນແບບ, ລະບອບລະບຽບການ, ປັບປຸງສະພາບແວດລ້ອມການລົງທຶນດໍາເນີນທຸລະກິດໃຫ້ນັບມື້ນັບປອດໂປ່ງ, ໂປ່ງໃສ, ມີປະສິດທິຜົນ...
ທ່ານນາຍົກລັດຖະມົນຕີ ສະເໜີສະພາທຸລະກິດ ສະຫະລັດອາເມລິກາ-ອາຊຽນ ແລະບັນດາວິສາຫະກິດສະຫະລັດອາເມລິກາ ສືບຕໍ່ເສີມຂະຫຍາຍບົດບາດ, ອິດທິພົນຊື່ສຽງຂອງຕົນເພື່ອສົ່ງສານກ່ຽວກັບເຈດຕະນາດີ ແລະຄວາມມານະພະຍາຍາມຮ່ວມມືຂອງຫວຽດນາມ. ພ້ອມກັນນັ້ນ, ທ່ານ ເລມິງຮືງ ເນັ້ນໜັກວ່າ ລັດຖະບານສະໜັບສະໜູນ, ຊົມເຊີຍບັນດາກຸ່ມບໍລິສັດ, ວິສາຫະກິດພະລັງງານແຖວໜ້າຂອງສະຫະລັດອາເມລິກາ ມາລົງທຶນຢູ່ຫວຽດນາມ, ພ້ອມແລ້ວທີ່ຈະສ້າງເງື່ອນໄຂໃຫ້ແກ່ວິສາຫະກິດໂທລະຄົມມະນາຄົມສະຫະລັດອາເມລິກາ ທີ່ມີກໍາລັງຄວາມສາມາດໃນການເຂົ້າເຖິງຕະຫຼາດເພື່ອແນໃສ່ຄົ້ນຄວ້າການລົງທຶນ, ການຖ່າຍທອດເຕັກໂນໂລຢີ ແລະການພັດທະນາພື້ນຖານໂຄງລ່າງໂທລະຄົມມະນາຄົມ, 5ຈີ ຢູ່ຫວຽດນາມ ບົນພື້ນຖານຮັບປະກັນຄວາມໝັ້ນຄົງແຫ່ງຊາດ ແລະ ປະຕິບັດຕາມກອບນິຕິກຳຂອງຫວຽດນາມ.
ໂດຍ: ຈາງຫງວຽນ