ທ່ານ ເວືອງດິ່ງເຫວະ ເຊື່ອໝັ້ນວ່າ ພາຍໃຕ້ການນຳພາຂອງປະທານາທິບໍດີ Ferdinand Romualdez Marcos Jr, ປະເທດຟິລິບປິນ ຈະສືບຕໍ່ຍາດໄດ້ຜົນງານພັດທະນາ ຢ່າງຮອບດ້ານກວ່າອີກໃນວຽກງານສ້າງສາ, ພັດທະນາປະເທດໃຫ້ມີຄວາມຮຸ່ງເຮືອງ, ວັດທະນາຖາວອນ ແລະຍົກສູງຖານະບົດບາດຂອງຟິລິບປິນ ຢູ່ພາກພື້ນ ແລະໃນໂລກ. ແຈ້ງໃຫ້ທ່ານປະທານາທິບໍດີຟິລິບປິນ ຮັບຊາບກ່ຽວກັບໝາກຜົນຂອງການພົບປະເຈລະຈາກ່ອນໜ້ານັ້ນກັບທ່ານປະທານສະພາຕ່ຳຟິລິບປິນ, ທ່ານ ເວືອງດິ່ງເຫວະ ຢັ້ງຢືນວ່າ ນະໂຍບາຍຂອງຫວຽດນາມ ແມ່ນປັບປຸງຢ່າງບໍ່ຢຸດຢັ້ງ ແລະຊຸກຍູ້ການພົວພັນຄູ່ຮ່ວມມືຍຸດທະສາດກັບຟິລິບປິນ ໃນທຸກຂົງເຂດກວ່າອີກ; ຖືວ່າ ຫວຽດນາມ ແລະຟິລິບປິນ ຄວນຊຸກຍູ້ການພົວພັນໃນຊ່ອງທາງພັກ, ລັດ, ສະພາແຫ່ງຊາດ, ລັດຖະບານ ແລະປະຊາຊົນ, ໂດຍສະເພາະແມ່ນເມື່ອສອງປະເທດເປັນບ້ານໃກ້ເຮືອນຄຽງສະໜິດຕິດພັນ, ມີຄວາມຄ້າຍຄືກັນກ່ຽວກັບຂະໜາດປະຊາກອນ ແລະລະດັບພັດທະນາ, ເປັນພື້ນຖານສຳຄັນເພື່ອພັດທະນາການພົວພັນສອງຝ່າຍກວ່າອີກ. ທ່ານ Ferdinand Romualdez Marcos Jr ຊົມເຊີຍການຢ້ຽມຢາມຟິລິບປິນ ຢ່າງເປັນທາງການຂອງທ່ານ ເວືອງດິ່ງເຫວະ ປະທານສະພາແຫ່ງຊາດຫວຽດນາມ  ພາຍຫຼັງ 16 ປີ; ເຊື່ອໝັ້ນວ່າ ການຢ້ຽມຢາມຄັ້ງນີ້ ຈະແມ່ນຂີດໝາຍສຳຄັນເພື່ອປະກອບສ່ວນຮັດແໜ້ນການພົວພັນຄູ່ຮ່ວມມືຍຸດທະສາດກໍ່ຄືການພົວພັນລະຫວ່າງສອງອົງການນິຕິບັນຍັດຂອງສອງປະເທດ.

leftcenterrightdel
ທ່ານ ເວືອງດິ່ງເຫວະ ປະທານສະພາແຫ່ງຊາດຫວຽດນາມ ພົບປະກັບທ່ານ Ferdinand Romualdez Marcos Jr ປະທານາທິບໍດີ ຟິລິບປິນ. ພາບ: ສຳນັກຂ່າວສານຫວຽດນາມ.

ການນຳສອງທ່ານໄດ້ເຫັນດີເປັນເອກະພາບໂດຍຕີລາຄາວ່າ ການພົວພັນສອງປະເທດພວມພັດທະນາຢ່າງດີງາມໃນຫຼາຍປີຜ່ານມາເຖິງວ່າປະສົບກັບຄວາມຫຍຸ້ງຍາກຫຼາຍຢ່າງຍ້ອນພະຍາດໂຄວິດ-19 ກໍ່ຕາມ. ພິເສດ, ການຄ້າສອງຝ່າຍໄດ້ກາຍເປັນຈຸດພົ້ນເດັ່ນໃນການພົວພັນສອງປະເທດດ້ວຍວົງເງິນການນຳເຂົ້າ-ສົ່ງອອກປີ 2021 ບັນລຸ 6,8 ຕື້ດົ່ງ, ສູງທີ່ສຸດນັບແຕ່ກ່ອນມາຮອດປະຈຸບັນ; 10 ເດືອນປີ 2022 ບັນລຸໄດ້ເກືອບ 6,6 ຕື້ໂດລາສະຫະລັດ.

ສອງຝ່າຍເຫັນດີເປັນເອກະພາບວ່າ ຈະແບ່ງປັນຂໍ້ມູນຂ່າວສານ, ສະໜັບສະໜູນເຊິ່ງກັນ ແລະກັນ, ປະກອບສ່ວນເຂົ້າໃນການປັບປຸງຄວາມສາມັກຄີ, ທັດສະນະ ແລະບົດບາດໃຈກາງຂອງອາຊຽນ ໃນບັນດາບັນຫາຄວາມໝັ້ນຄົງລວມຢູ່ພາກພື້ນ, ໃນນັ້ນລວມມີທັງທະເລຕາເວັນອອກ.

ໂດຍ: ສົມເພັດ