ຊຸກຍູ້ການພົວພັນລະຫວ່າງຫວຽດນາມ ກັບກູບາ ຢ່າງແຮງກວ່າອີກ

ທ່ານ ເວືອງດິ່ງເຫ້ວ ປະທານສະພາແຫ່ງຊາດຫວຽດນາມ ຕ້ອນຮັບທ່ານ Orlando Nicolas Hernandez Guillen ເອກອັກຄະລັດຖະທູດກູບາ. ພາບ: ຢຸຍລີງ

ທ່ານປະທານສະພາແຫ່ງຊາດ ເວືອງດິ່ງເຫ້ວ ມີຄວາມເຊື່ອໝັ້ນວ່າ ດ້ວຍອາລົມຈິດອັນດີງາມທີ່ສະຫງວນໃຫ້ຫວຽດນາມ ແລະປະສົບການໃນວຽກງານການທູດ, ທ່ານເອກອັກຄະລັດຖະທູດ ຈະມີການປະກອບສ່ວນສຳຄັນຫຼາຍຢ່າງ, ຊຸກຍູ້ການພົວພັນລະຫວ່າງຫວຽດນາມ ກັບກູບາ ຢ່າງແຮງກວ່າອີກ.

ບັນຍາກາດທີ່ການຕ້ອນຮັບ. ພາບ: ຢຸຍລີງ

ທີ່ການຕ້ອນຮັບ, ທ່ານປະທານສະພາແຫ່ງຊາດ ເວືອງດິ່ງເຫ້ວ ຢັ້ງຢືນວ່າ ພັກ, ລັດຫວຽດນາມ ຖືການພົວພັນທີ່ເປັນມູນເຊື້ອແບບພິເສດລະຫວ່າງຫວຽດນາມ ແລະກູບາ ເປັນສຳຄັນ, ທັງເປັນສະຫາຍ, ທັງເປັນອ້າຍນ້ອງກັບກູບາ; ສະແດງຄວາມປິຕິຊົມຊື່ນເມື່ອການພົວພັນຮ່ວມມືລະຫວ່າງສອງປະເທດມີບາດກ້າວພັດທະນາຢ່າງແຮງ, ພິເສດແມ່ນການຮ່ວມມື ແລະໜູນຊ່ວຍເຊິ່ງກັນ ແລະກັນຮັບມືກັບພະບາດໂຄວິດ-19. ຫວຽດນາມ ແລະກູບາ ຄວນສືບຕໍ່ເພີ່ມທະວີການຮ່ວມມືດ້ານເສດຖະກິດ - ການຄ້າ ແລະການລົງທຶນຢ່າງແທດຈິງ, ນຳການພົວພັນນີ້ໃຫ້ເທົ່າທຽມກັບລະດັບການພົວພັນດ້ານການເມືອງອັນດີງາມລະຫວ່າງສອງປະເທດເທື່ອລະກ້າວ.

ສະພາແຫ່ງຊາດຫວຽດນາມ ຈະຮ່ວມມືຢ່າງແໜ້ນແຟ້ນກັບສະພາແຫ່ງຊາດກູບາ ສືບຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອ, ການຮ່ວມມືແບບພິເສດລະຫວ່າງສອງປະເທດ ກໍ່ຄືເຮັດໃຫ້ການພົວພັນຮ່ວມມືລະຫວ່າງສອງສະພາແຫ່ງຊາດໃຫ້ເລິກເຊິ່ງກວ່າອີກ.

ໂດຍ: ທະນາພອນ