ທີ່ການພົບປະ, ທ່ານ ຟ້າມມິງຈິ໊ງ ຢັ້ງຢືນວ່າ ຫວຽດນາມ ຖືອາເມລິກາ ແມ່ນໜຶ່ງໃນບັນດາຄູ່ຮ່ວມມືສໍາຄັນແຖວໜ້າ ແລະກຽມພ້ອມກັບອາເມລິກາ ຊຸກຍູ້ການພົວພັນຄູ່ຮ່ວມມືຮອບດ້ານສືບຕໍ່ພັດທະນາບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະລະບອບການເມືອງຂອງກັນ. ທ່ານນາຍົກລັດຖະມົນຕີ ຕີລາຄາສູງຄວາມມານະພະຍາຍາມບໍ່ຮູ້ອິດບໍ່ຮູ້ເມື່ອຍຂອງບັນດາສະມາຊິກສະພາສູງ, ພິເສດແມ່ນບົດບາດນໍາພາຂອງທ່ານ Patrick Leahy ຕໍ່ກັບເລື່ອງປັບປຸງຄວາມເຫັນດີເຫັນພ້ອມຂອງສອງພັກຢູ່ອາເມລິກາ ສະໜັບສະໜູນການພົວພັນກັບຫວຽດນາມ, ໂດຍສະເພາະແມ່ນເລື່ອງສະໜັບສະໜູນການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ-ພາກສ່ວນສໍາຄັນ ແລະມີຄວາມໝາຍທີ່ສຸດໃນວິວັດການໄກ່ເກ່ຍ, ຮຳບາດແຜສົງຄາມ ແລະສ້າງຄວາມໄວ້ເນື້ອເຊື່ອໃຈລະຫວ່າງສອງປະເທດ. 

leftcenterrightdel
ທ່ານ ຟ້າມມິງຈິ໊ງ ແລະທ່ານ Patrick Leahy. ພາບ: baochinhphu.vn

ທ່ານນາຍົກລັດຖະມົນຕີ ສະແດງຄວາມປາດຖະໜາຢາກໃຫ້ທ່ານ Patrick Leahy ສົ່ງແຮງບັນດານໃຈ, ສ້າງກຳລັງໜູນ ເພື່ອໃຫ້ສະມາຊິກສະພາແຫ່ງຊາດລຸ້ນຕ່າງໆສືບຕໍ່ວິວັດການແກ້ໄຂຜົນຮ້າຍຢ້ອນຫຼັງຈາກສົງຄາມ, ສະຫງວນງົບປະມານແກ້ໄຂບັນດາຈຸດຮ້ອນກ່ຽວກັບດີໂອຊິນ, ໝາກມິ່ນ, ໜູນຊ່ວຍຜູ້ຖືກເຄາະຮ້າຍຈາກທາດພິດສີສົ້ມ, ຊອກຫາ, ເຕົ້າໂຮມອັດຖິທະຫານຫວຽດນາມ ທີ່ເສຍສະຫຼະຊີວິດໃນການຕໍ່ຕ້ານ... ຜ່ານນັ້ນປະກອບສ່ວນຊຸກຍູ້ການພົວພັນສອງປະເທດໃຫ້ພັດທະນາສອດຄ່ອງກັບຄວາມມຸ່ງມາດປາດຖະໜາ ແລະຜົນປະໂຫຍດທີ່ຊອບທຳຂອງແຕ່ລະຝ່າຍ, ປະກອບສ່ວນຢ່າງຕັ້ງໜ້າໃຫ້ສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນກໍ່ຄືໃນໂລກ.

ທ່ານ Patrick Leahy ໃຫ້ຮູ້ວ່າ ບັນດາສະມາຊິກສະພາສູງມີໜ້າທີ່ການພົບປະລ້ວນແຕ່ມີອາລົມຈິດພິເສດ ແລະຍາວນານກັບຫວຽດນາມ, ຕີລາຄາສູງເລື່ອງສອງປະເທດໄດ້ຜ່ານຜ່າຄວາມແຕກຕ່າງກັນ ແລະຄວາມເຈັບປວດຂອງສົງຄາມເພື່ອພ້ອມກັນກໍ່ສ້າງອະນາຄົດອັນດີງາມກວ່າ. ທ່ານ Patrick Leahy ຢັ້ງຢືນວ່າ, “ສະພາແຫ່ງຊາດອາເມລິກາ ຍາມໃດກໍ່ມີສະມາຊິກລັດຖະສະພາລຸ້ນຕ່າງໆສະໜັບສະໜູນການພົວພັນລະຫວ່າງຫວຽດນາມ-ອາເມລິກາ”.

ໂດຍ: ໄຊນີດາ