ການນໍາສອງທ່ານໄດ້ສະແດງຄວາມເພິ່ງພໍໃຈຕໍ່ບາດກ້າວພັດທະນາທີ່ໄວ ແລະແຮງໃນການພົວພັນຮ່ວມມືລະຫວ່າງສອງປະເທດ, ພິເສດແມ່ນການຮ່ວມມືດ້ານເສດຖະກິດສືບຕໍ່ແມ່ນໜຶ່ງໃນບັນດາຈຸດພົ້ນເດັ່ນໃນການຮ່ວມມື ແລະເຊື່ອມຕໍ່ໃນພາກພື້ນ.

leftcenterrightdel
ທ່ານນາຍົກລັດຖະມົນຕີຫວຽດນາມ ຟ້າມມິງຈີ໊ງ ແລະທ່ານນາຍົກລັດຖະມົນຕີສິງກະໂປ ຫຼີຊຽນຫຼົງ. ພາບ: ເຍິດບັກ.

ເພື່ອມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຫວຽດນາມ-ສິງກະໂປ ໃນປີ 2023, ນາຍົກລັດຖະມົນຕີສອງທ່ານໄດ້ເຫັນດີເປັນເອກະພາບຍູ້ແຮງການຢ້ຽມຢາມ, ການພົບປະຂັ້ນສູງ; ຮັກສາກົນໄກຮ່ວມມືສອງຝ່າຍໃຫ້ເປັນປະຈໍາ; ສືບຕໍ່ຮ່ວມມືຟື້ນຟູ ແລະພັດທະນາເສດຖະກິດພາຍຫຼັງພະຍາດ, ໃນນັ້ນມີການຮ່ວມມືພັດທະນາເສດຖະກິດດີຈີຕອນ, ເສດຖະກິດສີຂຽວ ແລະເສດຖະກິດໝູນວຽນ; ສືບຕໍ່ເປີດກວ້າງ ແລະພັດທະນາເຂດ VSIP; ພ້ອມກັບສົມທົບກັນໝູນໃຊ້ປະສິດທິຜົນ, ຜົນປະໂຫຍດຈາກບັນດາສັນຍາການຄ້າເສລີ (FTA) ຮຸ່ນໃໝ່ທີ່ສອງປະເທດພ້ອມກັນເຂົ້າຮ່ວມຄື CPTPP, RCEP... ທ່ານ ຟ້າມມິງຈີ໊ງ ສະເໜີໃຫ້ສອງຝ່າຍຍູ້ແຮງການຮ່ວມມືໃນຂົງເຂດສຶກສາ-ກໍ່ສ້າງ, ສະເໜີໃຫ້ ສິງກະໂປ ເພີ່ມຈໍານວນທຶນການສຶກສາໃຫ້ພະນັກງານຄຸ້ມຄອງທຸກຂັ້ນຂອງຫວຽດນາມ; ພ້ອມທັງເພີ່ມທະວີການຮ່ວມມືລະຫວ່າງສອງປະເທດໃນການແກ້ໄຂສິ່ງທ້າທາຍດ້ານຄວາມໝັ້ນຄົງແບບເກົ່າ ແລະແບບໃໝ່, ໂລກພະຍາດ ແລະການປ່ຽນແປງຂອງດິນຟ້າອາກາດ.

ໂດຍ: ຈາງຫງວຽນ