ສຳເລັດວຽກງານກະກຽມໃຫ້ກອງປະຊຸມສຸດຍອດພິເສດ ອາຊຽນ-ອາເມລິກາ
ກປ.ອອນໄລ - ວັນທີ 11 ພຶດສະພາ 2022, ຢູ່ວໍຊິງຕັນ ດີຊີ, ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດຫວຽດນາມ ໄດ້ພ້ອມກັບລັດຖະມົນຕີການຕ່າງປະເທດ ບັນດາປະເທດອາຊຽນ ດຳເນີນການກວດກາຄືນວຽກງານກະກຽມໃຫ້ກອງປະຊຸມສຸດຍອດພິເສດ ອາຊຽນ-ອາເມລິກາ ທີ່ຈະດຳເນີນໃນລະຫວ່າງວັນທີ 12-13 ພຶດສະພາ 2022 ຢູ່ ວໍຊິງຕັນ ດີຊີ (ອາເມລິກາ).
    |
 |
|
ລັດຖະມົນຕີກະຊວງການຕ່າງປະເທດ ບັນດາປະເທດອາຊຽນ ຈັດກອງປະຊຸມເພື່ອກວດກາຄືນວຽກງານກະກຽມໃຫ້ກອງປະຊຸມສຸດຍອດພິເສດ ອາຊຽນ-ອາເມລິກາ. ພາບ: ກະຊວງການຕ່າງປະເທດ. |
ທີ່ກອງປະຊຸມ, ທ່ານລັດຖະມົນຕີ ບຸ່ຍແທັງເຊີນ ແຈ້ງໃຫ້ຊາບວ່າ ທ່ານນາຍົກລັດຖະມົນຕີ ຟ້າມມິງຈິ໊ງ ຈະເຂົ້າຮ່ວມບັນດາການເຄື່ອນໄຫວໃນຂອບເຂດກອງປະຊຸມສຸດຍອດພິເສດ ອາຊຽນ-ອາເມລິກາ ຄັ້ງນີ້. ຫວຽດນາມ ຈະສົມທົບກັບບັນດາປະເທດອາຊຽນ ປະກອບສ່ວນໃຫ້ຜົນສຳເລັດຂອງກອງປະຊຸມ.
ທ່ານ ບຸ່ຍແທັງເຊີນ ເນ້ັນໜັກວ່າຕ້ອງຮັກສາຄວາມສາມັກຄີເປັນເອກະພາບໃນອາຊຽນ, ເສີມຂະຫຍາຍບົດບາດໃຈກາງ, ເຊີດຊູຫຼັກໝັ້ນຫຼັກການ ແລະທັດສະນະລວມຂອງອາຊຽນ, ຮັກສາການເຂົ້າເຖິງໃຫ້ມີຄວາມສົມດຸນຂອງອາຊຽນ ໃນການພົວພັນກັບບັນດາຄູ່ຮ່ວມມື ແລະຊຸກຍູ້ການຮ່ວມມືຢ່າງແທດຈິງ, ມີປະສິດທິຜົນ, ຕ່າງຝ່າຍຕ່າງມີຜົນປະໂຫຍດ, ແມ່ນບັນດາເນື້ອໃນ ເຊິ່ງອາຊຽນ ຕ້ອງສືບຕໍ່ຢັ້ງຢືນ.
ຕອນບ່າຍວັນທີ 11 ພຶດສະພາ, ບັນດາເຈົ້າໜ້າທີ່ອາວຸໂສ (SOM) ອາຊຽນ ແລະອາເມລິກາ ໄດ້ຈັດກອງປະຊຸມເພື່ອກວດກາຄືນຄັ້ງສຸດທ້າຍ, ເຫັນດີເປັນເອກະພາບໂຄງການດໍາເນີນງານ ແລະເອກະສານຂອງກອງປະຊຸມສຸດຍອດພິເສດ ອາຊຽນ-ອາເມລິກາ.
ໂດຍ: ສົມເພັດ