ນາຍົກລັດຖະມົນຕີ ຟ້າມມິງຈິ໊ງ ເຂົ້າຮ່ວມພິທີມອບລາງວັນວິທະຍາສາດ, ເຕັກໂນໂລຢີທົ່ວໂລກ VinFuture ຄັ້ງທີ 1
ກປ.ອອນໄລ - ຕອນຄໍ່າວັນທີ 20 ມັງກອນ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມພິທີມອບລາງວັນວິທະຍາສາດ, ເຕັກໂນໂລຢີທົ່ວໂລກ VinFuture ຄັ້ງທີ 1 ເຊິ່ງໄດ້ຈັດຕັ້ງຢູ່ໂຮງລະຄອນໃຫຍ່ຮ່າໂນ້ຍ. ລາງວັນວິທະຍາສາດ, ເຕັກໂນໂລຢີປະຈໍາປີທົ່ວໂລກ VinFuture ໄດ້ມອບໂດຍກອງທຶນ VinFuture, ກອງທຶນໄດ້ເປີດຕົວໃນເດືອນ ທັນວາ 2020.
ລະບົບລາງວັນລວມມີລາງວັນຕົ້ນຕໍ (VinFuture Grand Prize) ທີ່ມີມູນຄ່າ 3 ລ້ານໂດລາສະຫະລັດ; 3 ລາງວັນພິເສດ (ແຕ່ລະລາງວັນມີມູນຄ່າ 500.000 ໂດລາສະຫະລັດ) ລວມມີ: ລາງວັນໃຫ້ນັກວິທະຍາສາດຍິງ; ລາງວັນໃຫ້ນັກວິທະຍາສາດທີ່ມາຈາກບັນດາ ປະເທດພັດທະນາ; ລາງວັນໃຫ້ນັກວິທະຍາສາດຄົ້ນຄວ້າຂົງເຂດໃໝ່.
    |
 |
|
ນາຍົກລັດຖະມົນຕີ ຟ້າມມິງຈິ໊ງ ເຂົ້າຮ່ວມພິທີມອບລາງວັນວິທະຍາສາດ, ເຕັກໂນໂລຢີທົ່ວໂລກ VinFuture ຄັ້ງທີ 1. ພາບ: VGP |
ກ່າວຄໍາເຫັນທີ່ພິທີ, ທ່ານ ຟ້າມມິງຈິ໊ງ ຊົມເຊີຍ, ຕີລາຄາສູງ ແລະຮັບຮູ້ກຸ່ມບໍລິສັດ Vingroup ໄດ້ມານະພະຍາຍາມໃນການກໍ່ສ້າງ ແລະພັດທະນາກອງທຶນ VinFuture - ກອງທຶນເຄື່ອນໄຫວໂດຍບໍ່ສະແຫວງຫາຜົນກໍາໄລເຊິ່ງໄດ້ຮັບການສ້າງຕັ້ງຈາກປະທານກຸ່ມບໍລິສັດ Vingroup ແລະພັນລະຍາ ເພື່ອເຊີດຊູຄຸນຄ່າຂອງວິທະຍາສາດ, ເຕັກໂນໂລຢີໃນທົ່ວໂລກ. ນາຍົກລັດຖະມົນຕີປາດຖະໜາຢາກມີບັນດາບາດກ້າວພັດທະນາໃໝ່ໃນການໝູນໃຊ້ຜົນການຄົ້ນຄວ້າຂອງນັກວິທະຍາສາດຢູ່ຫວຽດນາມ.
ຕາງໜ້າຄະນະຈັດຕັ້ງ, ທ່ານ ຟ້າມມິງຈິ໊ງ ນາຍົກລັດຖະມົນຕີ ໄດ້ມອບລາງວັນຕົ້ນຕໍ (VinFuture Grand Prize) ໃຫ້ນັກວິທະຍາສາດ 3 ຄົນແມ່ນທ່ານນາງ Katalin Kariko, ທ່ານ Drew Weissman (ອາເມລິກາ) ແລະທ່ານ Pieter Cullis (ການາດາ) ດ້ວຍຜົນງານດ້ານເຕັກໂນໂລຢີ mRNA, ເປີດເສັ້ນທາງຜະລິດວັກຊິນປະເພດຕ່າງເພື່ອສະກັດກັ້ນພະຍາດໂຄວິດ-19 ຢ່າງມີປະສິດທິຜົນ.
ໂດຍ: ໄຊນີດາ