ທ່ານ ເວືອງດິ່ງເຫ້ວ ຕີລາຄາສູງບັນດາຜົນງານພັດທະນາຮອບດ້ານທີ່ຮຸງກາຣີ ບັນລຸໄດ້ໃນຊຸມປີຜ່ານມາ; ຂອບໃຈຮຸງກາຣີ ທີ່ໄດ້ເອົາໃຈໃສ່, ຊ່ວຍເຫຼືອຫວຽດນາມ ໃນວຽກງານປ້ອງກັນ, ຕ້ານພະຍາດໂຄວິດ-19. ທ່ານ ເວືອງດິ່ງເຫ້ວ ຕີລາຄາສູງຮຸງກາຣີ ໄດ້ຕັ້ງໜ້າສະໜັບສະໜູນການລົງນາມ, ໃຫ້ສັດຕະຍາບັນສັນຍາການຄ້າເສລີຫວຽດນາມ-ອີຢູ (EVFTA) ແລະແມ່ນປະເທດສະມາຊິກທໍາອິດໃນອີຢູ ທີ່ໃຫ້ສັດຕະຍາບັນສັນຍາປົກປ້ອງການລົງທຶນ ຫວຽດນາມ-ອີຢູ (EVIPA). ທ່ານ ເວືອງດິ່ງເຫ້ວ ຢັ້ງຢືນວ່າ ສະພາແຫ່ງຊາດຫວຽດນາມ ຈະເອົາໃຈໃສ່, ຊຸກຍູ້ການຜັນຂະຫຍາຍ ແລະຕິດຕາມກວດກາໂຄງການກອງທຶນ ODA ມີມູນຄ່າ 500 ລ້ານເອີໂຣ ທີ່ຮຸງກາຣີ ໄດ້ສະຫງວນໃຫ້ບາງໂຄງການຂຶ້ນກັບບັນດາຂົງເຂດບູລິມະສິດຮ່ວມມືລະຫວ່າງສອງປະເທດກໍ່ຄືທຶນການສຶກສາຂະແໜງເສດຖະກິດ, ເຕັກນິກສໍາຄັນ 200 ທຶນ ໃຫ້ນັກສຶກສາຫວຽດນາມ ໃນແຕ່ລະປີ. ໂດຍສະໜັບສະໜູນເລື່ອງມີສູນວັດທະນະທໍາຮຸງກາຣີ ປະຈໍາຢູ່ຫວຽດນາມ ນັ້ນ, ທ່ານ ເວືອງດິ່ງເຫ້ວ ຫວັງວ່ານີ້ຈະແມ່ນບ່ອນດຶງດູດນັກສຶກສາເກົ່າຫຼາຍຄົນທີ່ເຄີຍຮໍ່າຮຽນຢູ່ຮຸງກາຣີ ແລະປະຊາຊົນຫວຽດນາມ.

leftcenterrightdel
ທ່ານ ເວືອງດິ່ງເຫ້ວ ປະທານສະພາແຫ່ງຊາດ ຕ້ອນຮັບທ່ານນາງ Marta Matrai ຮອງປະທານຜູ້ທີ 1 ສະພາແຫ່ງຊາດຮຸງກາຣີ. ພາບ: ພາບ: ຢຸຍລິງ.

ທ່ານນາງ Marta Matrai ສະແດງຄວາມປິຕິຊົມຊື່ນຍ້ອນວ່າໃນສະພາບພະຍາດໂຄວິດ-19, ການນໍາສະພາແຫ່ງຊາດສອງປະເທດຍັງຮັກສາການພົບປະຂັ້ນສູງຜ່ານລະບົບທາງໄກ ແລະໂດຍກົງ; ທ່ານນາງຫວັງວ່າເມື່ອພະຍາດໂຄວິດ-19 ໄດ້ຮັບການຄວບຄຸມ, ສອງຝ່າຍຈະສືບຕໍ່ຜັນຂະຫຍາຍຮັກສາບັນດາການພົບປະລະຫວ່າງຂັ້ນຄະນະກໍາມະການ ແລະກຸ່ມສະມາຊິກສະພາແຫ່ງຊາດມິດຕະພາບຂອງສອງປະເທດເພື່ອຜັນຂະຫຍາຍການຮ່ວມມື, ແບ່ງປັນບົດຮຽນໃນວຽກງານນິຕິບັນຍັດ. ທ່ານນາງ Marta Matrai ເນັ້ນໜັກວ່າ ຫວຽດນາມ ແມ່ນຄູ່ຮ່ວມມືການຄ້າສໍາຄັນ ແລະໃຫ້ຮູ້ວ່າ ຮຸງກາຣີ ປາດຖະໜາຢາກຊຸກຍູ້ບັນດາໂຄງການທີ່ສອງຝ່າຍລົງນາມໃນການຢ້ຽມຢາມຫວຽດນາມ ເມື່ອປີ 2017 ຂອງນາຍົກລັດຖະມົນຕີຮຸງກາຣີ Viktor Orban.

ໂດຍ: ຈາງຫງວຽນ