ກໍ່ສ້າງ ແລະປັບປຸງລັດແຫ່ງອຳນາດນິຕິບັນຍັດສັງຄົມນິຍົມຫວຽດນາມ
ກປ.ອອນໄລ - ຕອນເຊົ້າວັນທີ 17 ມັງກອນ, ທີ່ນະຄອນດ່ານັ໊ງ, ຄະນະຊີ້ນໍາການກໍ່ສ້າງແຜນຮ່າງຍຸດທະສາດກໍ່ສ້າງ ແລະປັບປຸງລັດແຫ່ງອຳນາດນິຕິບັນຍັດສັງຄົມຫວຽດນາມ ຈັດຕັ້ງກອງປະຊຸມສໍາມະນາລະດັບຊາດດ້ວຍຫົວຂໍ້ “ສືບຕໍ່ຍູ້ແຮງ, ຍົກສູງປະສິດທິຜົນການປະຕິຮູບດ້ານນິຕິບັນຍັດເພື່ອຕອບສະໜອງຄວາມຕ້ອງການກໍ່ສ້າງ ແລະປັບປຸງລັດແຫ່ງອຳນາດນິຕິບັນຍັດສັງຄົມຫວຽດນາມ ເຖິງປີ 2030, ກໍານົດທິດເຖິງປີ 2045”.
|
|
ທ່ານ ຫງວຽນຊວນຟຸກ ປະທານປະເທດຫວຽດນາມ ເປັນປະທານກອງປະຊຸມສໍາມະນາ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນຊວນຟຸກ ປະທານປະເທດຫວຽດນາມ ຖືວ່າໃນສະຖານະການໂລກາພິວັດ, ການເຊື່ອມໂຍງເຂົ້າກັບສາກົນໄດ້ສົ່ງຜົນກະທົບຢ່າງເລິກເຊິ່ງ, ກວ້າງຂວາງເຖິງທຸກດ້ານຂອງຊີວິດສັງຄົມ, ວາງອອກຄວາມຕ້ອງການທີ່ຈໍາເປັນກ່ຽວກັບການສືບຕໍ່ປະຕິຮູບດ້ານກົດໝາຍຫວຽດນາມ ຢ່າງແຮງ. “ການປະຕິຮູບດ້ານກົດໝາຍຕ້ອງດໍາເນີນພ້ອມກັບການປ່ຽນແປງໃໝ່ວຽກງານສ້າງກົດໝາຍ ແລະປະຕິຮູບດ້ານການບໍລິຫານເພື່ອຮັບປະກັນຫຼັກການອໍານາດຂອງລັດແມ່ນເອກະພາບ, ມີການແບ່ງງານ, ປະສົມປະສານ, ຄວບຄຸມລະຫວ່າງບັນດາອົງການລັດໃນການປະຕິບັດອຳນາດນິຕິບັນຍັດ, ອຳນາດບໍລິຫານ, ອຳນາດຕຸລາການ. ການປະຕິຮູບດ້ານກົດໝາຍມຸ່ງເຖິງການປົກປ້ອງ ແລະຮັບປະກັນປະຊາທິປະໄຕ, ຄວາມຍຸຕິທຳ, ສິດທິມະນຸດ, ສິດພົນລະເມືອງ, ເຄົາລົບກົດໝາຍໃຫ້ດີກວ່າ”.
ທ່ານ ຫງວຽນຊວນຟຸກ ກໍ່ຖືວ່າການປະຕິຮູບດ້ານກົດໝາຍຕ້ອງສືບທອດຜົນງານທີ່ບັນລຸໄດ້ຂອງພື້ນຖານກົດໝາຍຫວຽດນາມ; ຮັບເອົາບັນດາຄຸນຄ່າທີ່ກ້າວໜ້າ, ບັນດາບົດຮຽນອັນລໍ້າຄ່າຂອງປະເທດຕ່າງໆໂດຍມີການຄັດເລືອກ.
ໂດຍ: ໄຊນີດາ