ທ່ານ ຫງວຽນຊວນຟຸກ ແລະທ່ານ Miguel Diaz-Canel ໄດ້ແຈ້ງໃຫ້ກັນຮັບຊາບສະພາບການຂອງແຕ່ລະປະເທດໃນໄລຍະມໍ່ໆມານີ້, ສຸມໃສ່ແລກປ່ຽນກ່ຽວກັບທິດທາງ ແລະມາດຕະການເພື່ອແນໃສ່ສືບຕໍ່ເພີ່ມທະວີການພົວພັນສາມັກຄີຖານອ້າຍນ້ອງ, ການຮ່ວມມືຮອບດ້ານລະຫວ່າງພັກ, ລັດ ແລະປະຊາຊົນສອງປະເທດຫວຽດນາມ ແລະກູບາ, ພິເສດແມ່ນໃນຂົງເຂດຜະລິດເຄື່ອງໃຊ້ສອຍ, ຜະລິດສະບ່ຽງອາຫານ, ສິນໃນນ້ຳ ແລະພະລັງງານທົດແທນ ກໍ່ຄືແລກປ່ຽນບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ.
    |
 |
|
ຜູ້ແທນເຂົ້າຮ່ວມການເຈລະຈາ. ພາບ: ສຳນັກຂ່າວສານຫວຽດນາມ. |
ການນຳສອງທ່ານສະແດງຄວາມປິຕິຊົມຊື່ນເມື່ອເຫັນວ່າການພົວພັນຮ່ວມມືມິດຕະພາບແບບພິເສດໃນໄລຍະຜ່ານມາສືບຕໍ່ບັນລຸໄດ້ບາດກ້າວພັດທະນາໃໝ່ ແລະຕັ້ງໜ້າໃນທຸກຂົງເຂດ. ການພົວພັນດ້ານການເມືອງ-ການພົວພັນຕ່າງປະເທດທີ່ດີງາມ, ຄວາມສາມັກຄີສະໜິດຕິດພັນ, ຄວາມໄວ້ເນື້ອເຊື່ອໃຈລະຫວ່າງສອງປະເທດສືບຕໍ່ພັດທະນາຢ່າງແຮງ, ຮັກສາການເຈລະຈາດ້ານການເມືອງຢູ່ລະດັບສູງສຸດກໍ່ຄືການເຄື່ອນໄຫວທາງການທູດສະພາແຫ່ງຊາດ, ການທູດປະຊາຊົນຢ່າງແຮງ, ເປັນປະຈຳ ແລະມີໄຫວພິບ. ການພົວພັນເສດຖະກິດ-ການຄ້າ-ການລົງທຶນສືບຕໍ່ໄດ້ຮັກສາ ແລະເປີດກວ້າງໃນບາງຂົງເຂດ, ບໍ່ຫົວຊາຕໍ່ຄວາມຫຍຸ້ງຍາກຍ້ອນຜົນກະທົບຈາກພະຍາດໂຄວິດ-19.
|
|
 |
|
ຜູ້ແທນເຂົ້າຮ່ວມການເຈລະຈາ. ພາບ: ສຳນັກຂ່າວສານຫວຽດນາມ. |
ສອງຝ່າຍຕີລາຄາສູງເລື່ອງສອງປະເທດຮັກສາການຮ່ວມມືຢ່າງແໜ້ນແຟ້ນ ແລະສະໜັບສະໜູນກັນຢູ່ອົງການຈັດຕັ້ງສາກົນ ແລະເວທີປາໄສຫຼາຍຝ່າຍ, ໂດຍສະເພາະແມ່ນຢູ່ສະຫະປະຊາຊາດ ແລະຂະບວນການບໍ່ຮ່ວມກຸ່ມເພື່ອປົກປ້ອງສິດ ແລະຜົນປະໂຫຍດອັນຊອບທຳ ກໍ່ຄືຍົກສູງອິດທິພົນຊື່ສຽງ ແລະຖານະບົດບາດຂອງແຕ່ລະປະເທດ; ພ້ອມທັງ, ປະກອບສ່ວນຢ່າງຕັ້ງໜ້າເຂົ້າໃນການຕໍ່ສູ້ລວມເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ສອງພາກພື້ນ ແລະໃນໂລກ. ແລກປ່ຽນບັນຫາສາກົນ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ, ສອງຝ່າຍຢັ້ງຢືນສະໜັບສະໜູນຫຼັກໝັ້ນແກ້ໄຂການຂັດແຍ້ງກັນໂດຍສັນຕິວິທີ ແລະບົນພື້ນຖານເຄົາລົບກົດໝາຍສາກົນ.
|
|
 |
|
ບັນຍາກາດທີ່ການເຈລະຈາ. ພາບ: ສຳນັກຂ່າວສານຫວຽດນາມ. |
ເນື່ອງໃນໂອກາດນີ້, ທ່ານ ຫງວຽນຊວນຟຸກ ຕາງໜ້າພັກ, ລັດ ແລະປະຊາຊົນຫວຽດນາມ, ແຈ້ງຂໍ້ຕົກລົງມອບເຂົ້າສານຈຳນວນ 5.000 ໂຕນ ແລະວັດຖຸອຸປະກອນການແພດໃຫ້ແກ່ປະຊາຊົນກູບາ. ບາງກະຊວງ, ຂະແໜງການ ກໍ່ມີຂອງຂວັນແທດຈິງມອບໃຫ້ກະຊວງ, ຂະແໜງການ, ຄູ່ຮ່ວມມືກູບາ, ໃນນັ້ນມີເຂົ້າສານຈຳນວນ 1.000 ໂຕນຂອງບັນດາວິສາຫະກິດຂະແໜງກໍ່ສ້າງ, ແນວພັນສາລີ 100 ໂຕນຂອງກະຊວງປ້ອງກັນປະເທດ, ວັດຖຸອຸປະກອນການແພດ, ຊອບແວຂອງກະຊວງ, ຂະແໜງການອື່ນໆ.
|
|
 |
|
ການນຳສອງທ່ານເປັນສັກຂີພິຍານພິທີເຊັນເອກະສານຮ່ວມມືລະຫວ່າງສອງປະເທດ. ພາບ: ສຳນັກຂ່າວສານຫວຽດນາມ. |
* ພາຍຫຼັງການເຈລະຈາ, ຕາງໜ້າພັກ, ລັດ ແລະປະຊາຊົນກູບາ, ທ່ານ Miguel Diaz Canel ໄດ້ປະດັບຫຼຽນໄຊ José Marti ໃຫ້ແກ່ທ່ານ ຫງວຽນຊວນຟຸກ ປະທານປະເທດຫວຽດນາມ ເຊິ່ງແມ່ນຫຼຽນໄຊອັນສູງສົ່ງທີ່ສຸດຂອງລັດກູບາ, ເພື່ອຮັບຮູ້ການປະກອບສ່ວນຂອງທ່ານ ຫງວຽນຊວນຟຸກ ປະທານປະເທດຫວຽດນາມ ທີ່ມີຕໍ່ການພົວພັນສາມັກຄີ, ມິດຕະພາບ ແລະການຮ່ວມມືລະຫວ່າງພັກ, ລັດ ແລະປະຊາຊົນສອງປະເທດ.
|
|
 |
|
ທ່ານ Miguel Diaz Canel Bermudez ປະທານປະເທດກູບາ ປະດັບຫຼຽນໄຊ Jose Marti ໃຫ້ທ່ານ ຫງວຽນຊວນຟຸກ ປະທານປະເທດຫວຽດນາມ. ພາບ: ສຳນັກຂ່າວສານຫວຽດນາມ. |
* ໃນຂອບເຂດການຢ້ຽມຢາມ, ສອງຝ່າຍໄດ້ອອກຖະແຫຼງການຮ່ວມຂອງສອງປະເທດເນື່ອງໃນໂອກາດການຢ້ຽມຢາມກູບາ ຢ່າງເປັນທາງການຂອງທ່ານ ຫງວຽນຊວນຟຸກ ປະທານປະເທດຫວຽດນາມ.
ໂດຍ: ແສງເດືອນ