ຫວຽດນາມ ແລະ ສິງກະໂປ ແລກປ່ຽນບົດຮຽນໃນການປ້ອງກັນ, ຕ້ານພະຍາດໂຄວິດ-19

ທ່ານ ຫງວຽນມິງຫວູ ຮອງລັດຖະມົນຕີຕ່າງປະເທດຫວຽດນາມ. ພາບ: ກະຊວງການຕ່າງປະເທດຫວຽດນາມ.

ທີ່ການເຈລະຈາ, ທ່ານຮອງລັດຖະມົນຕີ ຫງວຽນມິງຫວູ ສະແດງຄວາມຂອບອົກຂອບໃຈຕໍ່ການສະໜັບສະໜູນຂອງສິງກະໂປ ໃຫ້ແກ່ຫວຽດນາມ, ພິເສດແມ່ນໄດ້ໜູນຊ່ວຍວັດຖຸ, ອຸປະກອນການແພດທີ່ຈຳເປັນ ເພື່ອປ້ອງກັນ, ຕ້ານພະຍາດໂຄວິດ-19, ຖືນີ້ແມ່ນປະກົດການທີ່ມີຊີວິດຊີວາສຳລັບການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ. ທ່ານຮອງລັດຖະມົນຕີ ຫງວຽນມິງຫວູ ປາດຖະໜາວ່າ ສິງກະໂປ ຈະສືບຕໍ່ໃຫ້ການໜູນຊ່ວຍ ຫຼືໂອນວັກຊິນ ໃຫ້ແກ່ຫວຽດນາມ ໄວທີ່ສຸດ.

ສ່ວນທ່ານເລຂາຜູ້ປະຈຳການຄະນະພັກກະຊວງການຕ່າງປະເທດສິງກະໂປ  Chee Wee Kiong ໄດ້ເນັ້ນໜັກເຖິງຄວາມສຳຄັນຂອງການພົວພັນທີ່ໄວ້ເນື້ອເຊື່ອໃຈ ແລະສະໜິດຕິດພັນລະຫວ່າງກະຊວງການຕ່າງປະເທດສອງປະເທດ ແນໃສ່ຊຸກຍູ້ສາຍພົວພັນຄູ່ຮ່ວມມືຍຸດທະສາດລະຫວ່າງ ສິງກະໂປ - ຫວຽດນາມ ໃນຫຼາຍຂົງເຂດ, ໃນນັ້ນມີການຮັບມືກັບເຊື້ອພະຍາດ, ສ້າງເງື່ອນໄຂສະດວກໃຫ້ການໄປມາຫາສູ່ກັນຂອງພົນລະເມືອງສອງປະເທດ, ຊຸກຍູ້ການເປີດປະຕູດ້ານເສດຖະກິດ ແລະສະກັດກັ້ນການຕັດຕອນຂອງຕ່ອງໂສ້ການສະໜອງ.

ໂດຍ: ທະນາພອນ