ທ່ານ Hunsen ນາຍົກລັດຖະມົນຕີກຳປູເຈຍ ສົ່ງສານຊົມເຊີຍທ່ານ ຟ້າມມີງຈິ໊ງ ນາຍົກລັດຖະມົນຕີຫວຽດນາມ
ກປ.ອອນໄລ - ເນື່ອງໃນໂອກາດທີ່ທ່ານ ຟ້າມມີງຈິ໊ງ ໄດ້ສະພາແຫ່ງຊາດ ຊຸດທີ XV ເລືອກຕັ້ງໃຫ້ດຳລົງຕຳແໜ່ງນາຍົກລັດຖະມົນຕີແຫ່ງ ສາທາລະນະລັດ ສັງຄົມນິຍົມ ຫວຽດນາມ, ໃນວັນທີ 29 ກໍລະກົດ 2021, ທ່ານ Samdech Techo Hun Sen ນາຍົກລັດຖະມົນຕີແຫ່ງລາຊະອານາຈັກກຳປູເຈຍ ໄດ້ສົ່ງສານຊົມເຊີຍ.
ໃນສານ, ທ່ານນາຍົກລັດຖະມົນຕີ Hun Sen ຢືນຢັນວ່າ ເລື່ອງທ່ານ ຟ້າມມີງຈິ໊ງ ສືບຕໍ່ໄດ້ສະພາແຫ່ງຊາດ ຊຸດທີ XV ເລືອກຕັ້ງໃຫ້ດຳລົງຕຳແໜ່ງນາຍົກລັດຖະມົນຕີແຫ່ງ ສາທາລະນະລັດ ສັງຄົມນິຍົມ ຫວຽດນາມ ອາຍຸການ 2021-2026 ສະແດງໃຫ້ເຫັນຄວາມໄວ້ເນື້ອເຊື່ອໃຈສູງຂອງພັກ, ລັດ ແລະປະຊາຊົນຫວຽດນາມ ທີ່ມີຕໍ່ການອຸທິດສ່ວນຂອງນາຍົກລັດຖະມົນຕີ ເພື່ອປະເທດຫວຽດນາມ ຈະເລີນຮຸ່ງເຮືອງ ແລະທັນສະໄໝພາຍໃຕ້ການນຳພາອັນສະຫຼາດສ່ອງໃສຂອງພັກກອມມູນິດຫວຽດນາມ”.
|
|
ທ່ານ ຟ້າມມິງຈີ໊ງ ນາຍົກລັດຖະມົນຕີຫວຽດນາມ ປະຕິບັດພິທີສາບານຕົວດໍາລົງຕຳແໜ່ງ. ພາບ: ຈ້ອງຫາຍ. |
ທ່ານນາຍົກລັດຖະມົນຕີ Hun Sen ສະແດງຄວາມປິຕິຊົມຊື່ຕໍ່ການພັດທະນາສາຍພົວພັນຂອງສອງປະເທດໃນໄລຍະຜ່ານມາບົນຈິດໃຈຖານບ້ານໃກ້ເຮືອນຄຽງທີ່ດີງາມ, ຄວາມສາມັກຄີ, ມິດຕະພາບ, ຄວາມເຂົ້າໃຈເຊິ່ງກັນ ແລະກັນ ແລະຕ່າງຝ່າຍຕ່າງມີຜົນປະໂຫຍດ, ທ່ານກໍ່ຢືນຢັນຄວາມປາດຖະໜາຢາກຮ່ວມມືຢ່າງແໜ້ນແຟ້ນກັບທ່ານນາຍົກລັດຖະມົນຕີ ຟ້າມມີງຈິ໊ງ ໃນໄລຍິຈະມາເຖິງ ເພື່ອ “ສືບຕໍ່ຊຸກຍູ້ສາຍພົວພັນຮ່ວມມືຮອບດ້ານລະຫວ່າງກໍາປູເຈຍ ແລະຫວຽດນາມ ກວ່າອີກ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອປະກອບສ່ວນເຂົ້າໃນສັນຕິພາບ, ສະຖຽນລະພາບ, ການພັດທະນາແບບຍືນຍົງ ແລະຄວາມຈະເລີນຮຸ່ງເຮືອງຢູ່ພາກພື້ນ ແລະໃນໂລກ.
ໂດຍ: ທະນາພອນ