ການປະຕິວັດກໍາມະຊີບ - ເສັ້ນທາງອັນຖືກຕ້ອງເພື່ອກູ້ຊາດ ແລະພັດທະນາປະເທດຊາດ

ກ່າວຄໍາເຫັນທີ່ກອງປະຊຸມ, ທ່ານພັນເອກພິເສດ ຮສຈ. ປອ ຫງວຽນຫຶວເລິບ, ຫົວໜ້າພະແນກໂຮ່ຈີມິນ ວິທະຍາ, ວິທະຍາຄານການເມືອງ, ເນັ້ນໜັກວ່າ: “ຄວາມຈິງສະແດງໃຫ້ເຫັນວ່າ ໃນທ້າຍສັດຕະວັດທີ 19, ຕົ້ນສັດຕະວັດທີ 20, ການຮຸກຮານຂອງພວກລ່າເມືອງຂຶ້ນຝຣັ່ງ ໄດ້ປ່ຽນຫວຽດນາມ ຈາກປະເທດສັກດິນາກາຍເປັນປະເທດຫົວເມືອງຂຶ້ນ, ເຄິ່ງສັກດິນາເທື່ອລະກ້າວ, ປະເທດເຮົາເສຍເອກະລາດ, ປະຊາຊົນເຮົາດໍາລົງຊີວິດແບບຂ້ອຍຂ້າ, ລໍາບາກກາກກໍາພາຍໃຕ້ການກົດຂີ່ຂູດຮີດຂອງພວກລ່າເມືອງຂຶ້ນ ແລະສັກດິນາລູກແຫຼ້ງຕີນມື”.

leftcenterrightdel
ພະນັກງານ, ຄູອາຈານພະແນກໂຮ່ຈີມິນ ວິທະຍາ (ວິທະຍາຄານການເມືອງ) ທີ່ກອງປະຊຸມສໍາມະນາ “ໂຮ່ຈີມິນ ກັບເສັ້ນທາງພັດທະນາຂອງຫວຽດນາມ - ບັນດາບັນຫາທິດສະດີ ແລະພຶດຕິກໍາຕົວຈິງ”. ພາບ: ເລແອງ.

ຕໍ່ໜ້າສະພາບການດັ່ງກ່າວ, ຫງວຽນເຕິດແທ່ງ ໄດ້ຄິດເຖິງເລື່ອງໄປຕ່າງປະເທດເພື່ອເບິ່ງເຂົາເຈົ້າເຮັດຄືແນວໃດແລ້ວກັບຄືນປະເທດຊ່ວຍພີ່ນ້ອງຮ່ວມຊາດຂອງຕົນ. ຄວາມນຶກຄິດນັ້ນໄດ້ປະກົດຜົນເປັນຈິງ ແລະເລີ່ມຕົ້ນດ້ວຍເຫດການກ່ອນນີ້ 110 ປີ, ໃນວັນທີ 5 ມິຖຸນາ 1911, ເພິ່ນ ໄດ້ລົງເຮືອການຄ້າລໍາໜຶ່ງຂອງຝຣັ່ງ ທີ່ມີຊື່ວ່າ Amiral Latouche-Tréville, ເລີ່ມຕົ້ນວິວັດການໄປຊອກຫາເສັ້ນທາງກູ້ຊາດ. ພາຍຫຼັງຊອກຮູ້, ຄົ້ນຄວ້າ, ສໍາຫຼວດຕົວຈິງມາຫຼາຍປີ, ຮອດເດືອນກໍລະກົດ 1920, ເພິ່ນ ກໍານົດໄດ້ເສັ້ນທາງອັນຖືກຕ້ອງເພື່ອກູ້ຊາດ ແລະພັດທະນາປະເທດຊາດ - ນັ້ນແມ່ນເສັ້ນທາງປະຕິວັດກໍາມະຊີບ...

ກໍ່ສ້າງສັງຄົມນິຍົມ - ເສັ້ນທາງພັດທະນາປະເທດຊາດແບບຍືນຍົງ

ພັນໂທ, ຮສຈ. ປອ ຫງວຽນດິ່ງບັ໊ກ, ຮອງຫົວໜ້າພະແນກໂຮ່ຈີມິນ  ວິທະຍາ, ວິທະຍາຄານການເມືອງ, ໃຫ້ຮູ້ວ່າ: “ຕາມປະທານ ໂຮ່ຈີມິນ ແລ້ວ, ການຕໍ່ສູ້ປົດປ່ອຍຊາດຫວຽດນາມ ຕາມເສັ້ນທາງປະຕິວັດກໍາມະຊີບ, ພາຍໃຕ້ການນໍາພາຂອງພັກກອມມູນິດ. ສະນັ້ນ, ພາຍຫຼັງການປະຕິວັດຊາດປະຊາທິປະໄຕໄດ້ຮັບໄຊຊະນະ, ບາດກ້າວພັດທະນາທີ່ຈໍາເປັນຂອງຊາດຫວຽດນາມ ຈະຫັນໄປສູ່ການປະຕິວັດສັງຄົມນິຍົມ”.

ດ້ານອື່ນ, ໂຮ່ຈີມິນ ຖືວ່າ ການກໍ່ສ້າງສັງຄົມນິຍົມແມ່ນການກໍ່ສ້າງກໍາລັງບົ່ມຊ້ອນພັດທະນາຂອງຊາດໃນທຸກຂົງເຂດ: ການເມືອງ, ເສດຖະກິດ, ວັດທະນະທໍາ, ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ... ປະທານ ໂຮ່ຈີມິນ ຊີ້ແຈ້ງວ່າ: ລັດທິສັງຄົມນິຍົມ ຍິ່ງພັດທະນາ, ຍິ່ງບັນລຸເຖິງລະດັບສຸກງອມນັ້ນ, ບັນດາກໍາລັງບົ່ມຊ້ອນ, ໂດຍສະເພາະແມ່ນກໍາລັງບົ່ມຊ້ອນດ້ານວັດຖຸເຕັກນິກຂອງຊາດ ຍິ່ງເຂັ້ມແຂງ, ປະເທດຍິ່ງມີເງື່ອນໄຂຮັບປະກັນໃຫ້ແກ່ການພັດທະນາແບບຍືນຍົງທີ່ແທ້ຈິງ.

ບົດປະກອບຄໍາເຫັນກວ່າ 40 ບົດຂອງບັນດານັກວິທະຍາສາດທີ່ກ່າວຢູ່ກອງປະຊຸມສໍາມະນາ ແລະສົ່ງເຖິງຄະນະຈັດຕັ້ງສືບຕໍ່ຢັ້ງຢືນ: ເສັ້ນທາງປະຕິວັດ ເຊິ່ງປະທານໂຮ່ຈີມິນ ໄດ້ເລືອກເອົາແມ່ນເສັ້ນທາງພັດທະນາປະເທດຊາດແບບຍືນຍົງ, ເສັ້ນທາງນັ້ນບໍ່ພຽງແຕ່ຮັບປະກັນເອກະລາດ, ອະທິປະໄຕ, ເອກະພາບ ແລະຜືນແຜ່ນດິນອັນຄົບຖ້ວນຂອງປະເທດຊາດເທົ່ານັ້ນ ຫາກຍັງນໍາປະເທດເຮົາ, ປະຊາຊົນເຮົາກ້າວສູ່ຄວາມຈະເລີນຮຸ່ງເຮືອງສີວິໄລ ແລະຄວາມຜາສຸກ ອີກດ້ວຍ.

ໂດຍ: ໄຊຊະນະ