ທ່ານພົນໂທ ຫງວຽນເຕິນເກືອງ ສືບຕໍ່ລາຍການພົບປະກັບຜູ້ມີສິດເລືອກຕັ້ງຢູ່ແຂວງບິ່ງເຢືອງ
ກປ.ອອນໄລ - ວັນທີ 16 ພຶດສະພາ, ທ່ານພົນໂທ ຫງວຽນເຕິນເກືອງ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດພ້ອມກັບບັນດາຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດ ຊຸດທີ XV ແລະສະມາຊິກສະພາປະຊາຊົນແຂວງບິ່ງເຢືອງ ອາຍຸການ 2021-2026 ໄດ້ເຂົ້າຮ່ວມກອງປະຊຸມພົບປະກັບຜູ້ມີສິດເລືອກຕັ້ງເມືອງບັ໊ກເຕິນອວຽນ ໂດຍຄະນະກຳມະການແນວໂຮມປະເທດຊາດຫວຽດນາມ ແຂວງບິ່ງເຢືອງ ຈັດຕັ້ງ.
ແນະນຳໂຄງການດຳເນີນງານກັບຜູ້ມີສິດເລືອກຕັ້ງ, ບັນດາຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດ, ສະມາຊິກສະພາປະຊາຊົນ ລ້ວນແຕ່ສະແດງຄວາມປິຕິຊົມຊື່ນເມື່ອໄດ້ແນະນຳຮັບເລືອກຕັ້ງຢູ່ເມືອງບັ໊ກເຕິນອວຽນ-ດິນແດນຂອງບັນດາວິລະກຳ, ເຂດທີ່ໝັ້ນ Đ ວິລະຊົນ. ບັນດາຜູ້ສະໝັກເລືອກຕັ້ງ ກໍ່ເນັ້ນໜັກວ່າ ເມື່ອໄດ້ຮັບເລືອກຕັ້ງເປັນຜູ້ແທນຂອງປະຊາຊົນຈະແມ່ນເງື່ອນໄຂດີທີ່ສຸດເພື່ອໃກ້ຊິດຕິດແທດ, ສະເໜີມາດຕະການຕິດກັບບັນດາບັນຫາທີ່ຈຳເປັນໃຫ້ແກ່ການພັດທະນາຂອງທ້ອງຖິ່ນ, ປັບປຸງດ້ານປ້ອງກັນຊາດ, ປ້ອງກັນຄວາມສະຫງົບ, ຍົກສູງຄຸນນະພາບຊີວິດການເປັນຢູ່ຂອງປະຊາຊົນ.
    |
 |
|
ທ່ານພົນໂທ ຫງວຽນເຕິນເກືອງ ແນະນຳໂຄງການດຳເນີນງານ. ພາບ: ຮຸ່ງຄວາ. |
|
|
 |
|
ບັນຍາກາດທີ່ການພົບປະກັບຜູ້ມີສິດເລືອກຕັ້ງ. ພາບ: ຮຸ່ງຄວາ. |
ທ່ານພົນໂທ ຫງວຽນເຕິນເກືອງ ຢັ້ງຢືນວ່າ ຖ້າຜູ້ມີສິດເລືອກຕັ້ງໄວ້ວາງໃຈເລືອກຕັ້ງທ່ານເປັນສະມາຊິກສະພາແຫ່ງຊາດຊຸດທີ XV ທ່ານຈະສຸມຈິດສຸມໃຈປະຕິບັດ ໂຄງການດຳເນີນງານເປັນຢ່າງດີ, ພ້ອມກັບບັນດາສະມາຊິກສະພາແຫ່ງຊາດ ຄົ້ນຄວ້າ, ກໍ່ສ້າງ, ປັບປຸງລະບົບກົດໝາຍ, ປະມວນກົດໝາຍ, ມະຕິຂອງສະພາແຫ່ງຊາດ, ນະໂຍບາຍ, ກົດໝາຍກ່ຽວຂ້ອງເຖິງຍຸດທະສາດສ້າງສາ ແລະປົກປັກຮັກສາປະເທດຊາດ, ກໍ່ສ້າງພື້ນຖານທົ່ວປວງຊົນປ້ອງກັນຊາດ, ພັດທະນາເສດຖະກິດ-ສັງຄົມ. ທ່ານພົນໂທ ຫງວຽນເຕິນເກືອງ ໃຫ້ຮູ້ວ່າ ຈະພ້ອມກັບບັນດາສະມາຊິກສະພາແຫ່ງຊາດ ແລະຄະນະສະມາຊິກສະພາແຫ່ງຊາດຂອງແຂວງ ເຮັດບົດບາດເປັນຂົວເຊື່ອມຕໍ່ລະຫວ່າງຜູ້ມີສິດເລືອກຕັ້ງກັບສະພາແຫ່ງຊາດ, ລັດຖະບານ, ບັນດາຄະນະ, ກະຊວງ, ຂະແໜງການສູນກາງ ແລະປະຊາຊົນໃນທົ່ວປະເທດ, ສະຫງວນເວລາ ເພື່ອພົບປະ ແລະຮັບຟັງຄຳຄິດເຫັນ, ຄວາມມຸ່ງມາດປາດຖະໜາ, ຄຳສະເໜີແນະອັນຊອບທຳຂອງຜູ້ມີສິດເລືອກຕັ້ງ.
ໂດຍ: ແສງເດືອນ