ກະຊວງພາຍໃນມາຣົກ ໃຫ້ຮູ້ວ່າ: ຢ່າງໜ້ອຍສຸດມີ 632 ຄົນ ເສຍຊີວິດ ແລະ 329 ຄົນ ຖືກຮັບບາດເຈັບໃນເຫດແຜ່ນດິນໄຫວເກີດຂຶ້ນໃນຕອນຄໍ່າວັນທີ 8 ກັນຍາ ຢູ່ປະເທດນີ້. ຜູ້ຖືກຮັບບາດເຈັບໄດ້ສົ່ງເຖິງໂຮງໝໍເພື່ອປິ່ນປົວແລ້ວ.

leftcenterrightdel
ຕຶກອາຄານຫຼາຍຫຼັງ ຖືກພັງທະລາຍ. ພາບ:Al Oula

ສູນຄົ້ນຄ້ວາວິທະຍາສາດໜ່ວຍໂລກຂອງ ເຢຍລະມັນ (GFZ) ປະກາດວ່າ ເຫດແຜ່ນດິນໄຫວມີຄວາມແຮງ 7,0 ຣິດເຕີ ເຮັດໃຫ້ ມາຣົກ ສັ່ນສະເທືອນໃນເວລາ 22 ໂມງ 10 ນາທີ GMT ໃນຕອນຄ່ຳວັນທີ 8 ກັນຍາ (ກົງກັບ 23 ໂມງ 10 ນາທີ, ຕາມເວລາ ມາຣົກ). ຕາມບັນດາຕົວພະຍານຫຼັກຖານແລ້ວ, ເຫດແຜ່ນດິນໄຫວໄດ້ເຮັດໃຫ້ຕຶກອາຄານຫຼາຍແຫ່ງຖືກສັ່ນສະເທືອນຢູ່ຫຼາຍນະຄອນ, ເຮັດໃຫ້ຫຼາຍຄົນຢ້ານກົວອອກສູ່ກາງຖະໜົນ. ຢູ່ Marrakech, ນະຄອນໃຫຍ່ ນອນຢູ່ໃກ້ສຸດກັບຈຸດໃຈກາງຂອງແຜ່ນດິນໄຫວ ແລະ ອົງການ UNESCO ຮັບຮູ້ເປັນມໍລະດົກວັດທະນະທຳໂລກ, ຕຶກອາຄານຫຼາຍຫຼັງໄດ້ພັງທະລາຍ. ບັນດາຜູ້ຖືກເສຍຊີວິດໃນເຫດການນີ້ສ່ວນຫຼາຍແມ່ນອາໄສຢູ່ເຂດພູດອຍ ຍາກທີ່ຈະເຂົ້າເຖິງໄດ້.

ແຫຼ່ງຄັດຈາກ: vovworld.vn